កីឡា

កីឡាករជើងចាស់ វង្ស គឹមហួត រីករាយចែករំលែកចំណេះដឹង បទពិសោធប្រណាំងរថយន្តដល់ក្មេងៗជំនាន់ក្រោយ

បានផុស

១១ ខែ មុន

នៅ

ថ្ងៃព្រហស្បតិ៍ ១០ កក្កដា ២០២៥

ដោយ

កីឡាករជើងចាស់ខាងផ្នែកប្រណាំងរថយន្ត វង្ស គឹមហួត ថាលោករីករាយបំផុតក្នុងការចែករំលែកចំណេះដឹង និងបទពិសោធជាង ១០ឆ្នាំមកនេះដល់ក្មេងៗជំនាន់ក្រោយដែលចង់ចេះ ឬចង់ក្លាយជាអ្នកប្រណាំងរថយន្តទាំង OFF ROAD និង RALLY។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វង្ស គឹមហួត (រូបខាងឆ្វេង)

លោក វង្ស គឹមហួត បានឲ្យដឹងថា ពីមុនអំឡុងពេលចូលលេងឡានដំបូងគឺត្រូវស្វែងយល់ដោយខ្លួនឯង ដកពិសោធពីការប្រកួតជាក់ស្ដែង។ ការរៀបចំឡាន បច្ចេកទេស ប្រព័ន្ធសុវត្ថិភាព ច្បាប់ទម្លាប់នៃការប្រកួត និងការរៀបចំក្រុម Support គឺត្រូវចំណាយពេលយូរ និងស្វែងយល់យ៉ាងពិបាកដោយពុំសូវមានអ្នកយល់ដឹងច្រើននោះឡើយ។

លោក វង្ស គឹមហួត

ដោយជួបខ្លួនឯងបែបនេះហើយទើបកីឡាករឆ្នើម វង្ស គឹមហួត ប្រកាសចែករំលែកចំណេះដឹង បទពិសោធទាំងអស់ដល់យុវជនជំនាន់ក្រោយដែលមានបំណងចង់ក្លាយជាអ្នកប្រណាំងរថយន្ត។ ទាំងការរៀបចំខ្លួនឲ្យបានល្អត្រឹមត្រូវតាមស្ដង់ដាអន្តរជាតិ ការកែឆ្នៃរថយន្តតាមស្ដង់ដា រៀបចំប្រព័ន្ធសុវត្ថិភាព និងទ្រឹស្ដីមួយចំនួនទៀត។ ដូច្នេះហើយលោកមិនចង់ឲ្យអ្នកជំនាន់ក្រោយនេះចាប់ផ្ដើមពី ០ ឡើងទៅដូចជំនាន់លោកនោះឡើយ។ ពោលលោកចង់ឲ្យចាប់ផ្ដើមពី ៧០-៨០% តែម្ដង និងឆាប់ក្លាយជាកីឡាករដោយមិនចាំបាច់ចំណាយពេលច្រើនឆ្នាំដូចរូបលោក។

លោក វង្ស គឹមហួត និងដៃគូ

បញ្ជាក់ដែរថា លោក វង្ស គឹមហួត ជាកីឡាករប្រណាំងរថយន្ត RALLY របស់កម្ពុជាដ៏ឆ្នើមសមត្ថភាពកម្រិតអន្តរជាតិ។ លោកអាចប្រណាំងបានទាំង២ប្រភេទ OFF ROAD និង RALLY។ លោកធ្លាប់ឈ្នះពានលេខ១ ក្នុងកម្មវិធី Asia Cross Country Rally ដែលមាន ១២ប្រទេសចូលរួមកាលពីឆ្នាំ២០២២ ។ ប្រសិនបើអ្នកយុវជននានាដែលចាប់អារម្មណ៍ និងចង់ក្លាយជាកីឡាករអាជីពផ្នែកប្រណាំងរថយន្តហើយចង់រៀនសូត្រជាមួយលោក វង្ស គឹមហួត ប្រធានក្រុម VKH Racing Team អាចទំនាក់ទំនងតាមផេករបស់លោកបាន៕

លោក វង្ស គឹមហួត និងក្រុមការងារ

អត្ថបទដោយ៖ នួន ស៊ីណា

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា