កីឡា

មិនចង់ជឿក៏ត្រូវតែជឿដែរត្រើយទាញរថយន្ត OFF ROAD របស់ក្រុម VKH ១ដើមតម្លៃជាង៧,០០០ដុល្លារ

បានផុស

៨ ខែ មុន

នៅ

ថ្ងៃព្រហស្បតិ៍ ២០ វិច្ឆិកា ២០២៥

ដោយ

ឡានប្រណាំងឆ្លងកាត់ឧបសគ្គ (OFF ROAD) រហ័ស្សនាម អាខ្លាឃ្លោក របស់ក្រុម VKH Racing Team ពិតជាមិនធម្មតាដោយបំពាក់គ្រឿងបន្លាស់ និងឧបករណ៍ថ្លៃៗដូចជាត្រើយសម្រាប់ទាញនៅពេលជាប់ផុង ១ដើមតម្លៃខ្ទង់ជាង ៧,០០០ដុល្លារឯណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ត្រើយ Gigglepin

លោក វង្ស គឹមហួត បានឲ្យដឹងថា ត្រើយដែលត្រូវបំពាក់លើរថយន្តឈ្មោះ អាខ្លាឃ្លោក នេះគឺម៉ាក Gigglepin ដែលជាផលិតផលល្បីឈ្មោះរបស់ប្រទេសអង់គ្លេស។ ចំពោះតម្លៃរបស់ Gigglepin ដែលលោកដាក់សម្រាប់ចូលទីលានប្រណាំងនេះ ១ដើមតម្លៃខ្ទង់ជាង ៧,០០០ដុល្លារ។ ដោយឡែក អាខ្លាឃ្លោក នេះលោកត្រូវបំពាក់រហូតដល់ទៅ ២ដើមឯណោះគឺដាក់នៅផ្នែកខាងមុខ ១ដើម និងផ្នែកកណ្ដាលឡាន ១ដើមទៀត។ សាគួរត្រើយធម្មតា ១ដើមទៀតនៅផ្នែកខាងក្រោយ។

ត្រើយ Gigglepin

ដូច្នេះប្រសិនបើបូកសរុបត្រើយ Gigglepin ២ដើមដែលបំពាក់សម្រាប់ចេញប្រណាំងនេះតម្លៃសរុបជាង ១៤,០០០ដុល្លារទៅហើយ។ កីឡាករ OFF ROAD រូបនេះបន្ថែមទៀតថា លើទីផ្សារនៅមានត្រើយថ្លៃៗជាងនេះទៅទៀត។ ត្រើយម៉ាក Gigglepin នេះគឺមានគុណភាពល្អប្រើ ម៉ូទ័រវិលលឿន និងធនបានល្អ។ ការប្រណាំងរថយន្តឆ្លងកាត់ឧបសគ្គនេះគឺត្រូវការលឿនដើម្បីបានថិរវេលាកាន់តែតិចឈានទៅជាប់ចំណាត់ថ្នាក់។

បញ្ជាក់ដែរថា ឡានប្រណាំងឆ្លងកាត់ឧបសគ្គរហ័ស្សនាម អាខ្លាឃ្លោក របស់លោក វង្ស គឹមហួត នៃក្រុម VKH Racing Team នេះត្រូវបានគេដឹងថាទិញដំបូងតម្លៃខ្ទង់ ៣,០០០ដុល្លារ និងកែច្នៃរួចឡើងតម្លៃសរុបជិត ៦០,០០០ដុល្លារឯណោះ។ អាខ្លាឃ្លោក នេះក៏បានទៅចូលរួមការប្រកួតនៅឯប្រទេសឡាវ កាលពីថ្ងៃទី៦ ដល់ ៩ វិច្ឆិកា ឆ្នាំ២០២៥ ផងដែរ៕