Connect with us

ព័ត៌មានជាតិ

សម្តេច ម៉ែន សំអន ចូលរួមសោកស្ដាយ និងរំលែកទុក្ខចំពោះមរណភាព​ឧត្ដមសេនីយ៍ត្រី ហ៊ឹម សារ៉ន

បានផុស

នៅ

សម្តេច​កិត្តិ​សង្គហ​បណ្ឌិត ម៉ែន សំអន ឧ​ត្ត​ម​ប្រឹក្សា​ផ្ទាល់​ព្រះមហាក្សត្រ បានចូលរួម​សោកស្តាយ​ និង​រំលែក​ទុក្ខ​ចំពោះ​មរណភាព​ឧត្ដមសេនីយ៍​ត្រី ហ៊ឹម សារ៉ន ដែលនេះ​គឺជា​ការបាត់បង់​ធនធាន​មនុស្ស​ល្អ​មួយរូប​ក្នុង​កិច្ចការ​បម្រើ​ជាតិ​មាតុភូមិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចូលរួម​រំលែក​ទុក្ខ​នេះ​ធ្វើឡើង​ក្នុងពេល​សម្តេច​កិត្តិ​សង្គហ​បណ្ឌិត ម៉ែន សំអន អញ្ជើញ​ទៅ​បុណ្យ​សព លោក​ឧ​ត្ត​ម​សេនីយ៍​ត្រី ហ៊ឹម សារ៉ន ផ្ទាល់​ ស្ថិតនៅ​ក្នុងភូមិ​ព្រែក​សំរោង​២ សង្កាត់​តាខ្មៅ ក្រុង​តាខ្មៅ ខេត្តកណ្តាល នា​ព្រឹក ថ្ងៃ​អង្គារ ៤​កើត ខែស្រាព​ណ៍ ឆ្នាំម្សាញ់ សប្តស័ក ព​.​ស​. ២៥៦៩ ត្រូវ​នឹង ថ្ងៃទី​២៩ ខែកក្កដា ឆ្នាំ​២០២៥។

សម្តេច​កិត្តិ​សង្គហ​បណ្ឌិត មាន​សេចក្ដី​តក់ស្លុត និង​សោកស្តាយ​ជា​អនេក​ចំពោះ មរណភាព​របស់ លោក​ឧ​ត្ត​ម​សេនីយ៍​ត្រី ហ៊ឹម សារ៉ន សមាជិក​ក្រុម​ស្រាវជ្រាវ​យុទ្ធសាស្ត្រ​យោធា ក្រសួងការពារជាតិ​ដែល​បានទទួល​មរណភាព​កាលពី​ថ្ងៃទី​២៨ ខែកក្កដា ឆ្នាំ​២០២៥ វេលា​ម៉ោង​១២៖៥៦​នាទី ក្នុង​ជន្មាយុ ៦៩​ឆ្នាំ ដោយ​រោគាពាធ​។ មរណភាព​របស់ លោក​ឧ​ត្ត​ម​សេនីយ៍​ត្រី ហ៊ឹម សារ៉ន គឺជា​ការ​បាត់បង់​ស្វាមី ឪពុក​បង្កើត ឪពុកក្មេក ជីតា ប្រកបដោយ​ព្រហ្ម​វិហារធម៌​ចំពោះ​កូនៗ ចៅប្រុស​ចៅស្រី។

នៅក្នុង​សមាន​ទុក្ខ​ដ៏​ក្រៀមក្រំ​នោះ សម្តេច​កិត្តិ​សង្គហ​បណ្ឌិត ក៏បាន​ចូលរួម​រំលែក​ទុក្ខ​ជាមួយ លោកស្រី សេង សា​រ៉ា​យ ត្រូវជា​កូនបង្កើត ព្រមទាំង​ក្រុមគ្រួសារ និង​បាន​ឧទ្ទិស​បួងសួង​ដល់​ដួង​វិញ្ញាណក្ខន្ធ លោក​ឧ​ត្ត​ម​សេនីយ៍​ត្រី ហ៊ឹម សារ៉ន ឆាប់​បាន​យោនយកកំណើត​កើត​ក្នុង​សុគតិភព​គ្រប់ៗ​ជាតិ កុំបី​ឃ្លៀងឃ្លាត​ឡើយ៕

អត្ថបទ ៖ វិមាន

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម