ព័ត៌មានអន្ដរជាតិ

តុលាការធម្មនុញ្ញថៃបដិសេធសំណើរបស់ផែថងថាន សុំពេល១៥ថ្ងៃទៀតដើម្បីដាក់ការឆ្លើយបំភ្លឺ

បានផុស

១១ ខែ មុន

នៅ

ថ្ងៃព្រហស្បតិ៍ ៣១ កក្កដា ២០២៥

ដោយ

តុលាការធម្មនុញ្ញថៃបានបដិសេធសំណើរបស់នាយករដ្ឋមន្ត្រី ផែថងថាន ស៊ីណាវ៉ាត្រ ដែលត្រូវបានព្យួរតួនាទី ដើម្បីដាក់ការឆ្លើយតបចំពោះបណ្តឹងចោទប្រកាន់អំពីការរំលោភបទដ្ឋានរដ្ឋធម្មនុញ្ញថៃ ដោយសារការនិយាយទូរស័ព្ទជាសម្ងាត់ជាមួយសម្តេចតេជោ ហ៊ុន សែន ប្រធានព្រឹទ្ធសភាកម្ពុជា។

លោកស្រី ផែថងថាន បានស្វែងរកពេលវេលាបន្ថែម១៥ថ្ងៃទៀតដើម្បីដាក់ការឆ្លើយបញ្ជាក់ទៅនឹងបណ្តឹងចោទប្រកាន់របស់ព្រឹទ្ធសមាជិកថៃដែលបានដាក់ពាក្យប្តឹងកាលពីថ្ងៃទី១៩ខែមិថុនា គឺរយៈពេល២ថ្ងៃ ក្រោយបែកធ្លាយសារសន្ទនាកាលថ្ងៃទី១៧ខែមិថុនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសេចក្តីថ្លែងការណ៍មួយរបស់តុលាការធម្មនុញ្ញ បានឲ្យដឹងថា ក្រុមប្រឹក្សាចៅក្រមតុលាការធម្មនុញ្ញចំនួន៩រូប ក្នុងនោះ៥រូប បានយល់ព្រមកំណត់ពេលវេលាចុងក្រោយសម្រាប់ លោកស្រី ផែថងថាន ដើម្បីឆ្លើយតបនឹងការចោទប្រកាន់នៅថ្ងៃទី៤ខែសីហា ដោយបដិសេធសំណើរបស់លោកស្រី ក្នុងការស្នើពេល១៥ថ្ងៃបន្តែមទៀតដើម្បីប្រមូលភស្តុតាងចាំបាច់ដើម្បីបញ្ចប់ការចោទប្រកាន់។

តុលាការបាននិយាយថា៖«នេះជាការពន្យាពេលចុងក្រោយ ហើយប្រសិនបើគ្មានឯកសារបន្ថែមត្រូវបានដាក់ជូនត្រឹមថ្ងៃកំណត់ទេ ខ្លួននឹងដំណើរការសំណុំរឿងដោយផ្អែកលើភស្តុតាងដែលមានស្រាប់»។

ដូចការលើកឡើងរបស់អ្នកវិភាគ គណបក្សភឿថៃរបស់លោកថាក់ស៊ីន ស៊ីណាវ៉ាត្រ នឹងស្វែងរកការពន្យាពេលដ៏យូរបំផុតក្នុងដំណើរការរបស់តុលការធម្មនុញ្ញ ដើម្បីដោះស្រាយបញ្ហាផ្ទៃក្នុងរបស់រដ្ឋាភិបាលចម្រុះដែលកំពុងរង្គោះរង្គើរ ឈានទៅរកការរំលាយរដ្ឋាភិបាលដែលកំពុងចុះខ្សោយនេះ៕

រ៉ាន់ រើយ

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា