ព័ត៌មានជាតិ

កម្ពុជាប្រាប់ថៃឱ្យគោរពបទឈប់បាញ់ឱ្យបានសិនចាំនិយាយរឿងដោះមីន

បានផុស

១០ ខែ មុន

នៅ

ថ្ងៃសៅរ៍ ១៦ សីហា ២០២៥

ដោយ

កម្ពុជាបានបញ្ជាក់ទៅថៃថាការដោះមីនមនុស្សធម៌អាចធ្វើទៅបានលុះត្រាតែមានការអនុវត្តបានពេញលេញនូវបទឈប់បាញ់ និងវិលត្រលប់មករកភាពប្រក្រតីឡើងវិញនៅតាមបន្ទាត់ព្រំដែនសិន។ ការបញ្ជាក់នេះធ្វើឡើងក្នុងកិច្ចប្រជុំវិសាមញ្ញគណៈកម្មាធិការព្រំដែនថ្នាក់យោធភូមិភាគកម្ពុជា-ថៃ (RBC) នៅព្រឹកថ្ងៃទី១៦ ខែសីហា ឆ្នាំ២០២៥ នៅខេត្តត្រាត ប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងកិច្ចប្រជុំនោះតំណាងកម្ពុជាមេបញ្ជាការយោធភូមិភាគទី៣ លោកឧត្តមសេនីយ៍ទោ អ៊ុយ ហៀង បានប្រាប់ទៅ មេបញ្ជាការព្រំដែនច័ន្ទបុរី ត្រាត លោកឧត្តមនាវីឯក អភិឆាត សាប់ប្រះសើត ថា កិច្ចការដោះមីនមនុស្សធម៌អាចធ្វើទៅបានលុះត្រាតែអនុវត្តន៍បានយ៉ាងពេញលេញនូវបទឈប់បាញ់ និងការវិលត្រលប់មករកប្រក្រតីភាពឡើងវិញតាមបណ្ដោយព្រំដែន។ លោកបានបញ្ជាក់បន្ថែមថាការដោះមីននោះទៀតសោតគឺអាចធ្វើបានតែនៅតំបន់ដែលមានខណ្ឌសីមាច្បាស់លាស់ ឬតំបន់ដេលគ្មានជម្លោះលើខ្សែបន្ទាត់ព្រំដែនដែលមានការឯភភាពគ្នាដោយគណៈកម្មការព្រំដែនចម្រុះនៃប្រទេសទាំងពី (JBC)។

ក្នុងសេចក្ដីប្រកាសព័ត៌មានពីកិច្ចប្រជុំនោះបានសរសេរថា៖ «ដោយសារគណៈកម្មាធិការកិច្ចការព្រំដែនថ្នាក់យោធភូមិភាគ (RBC) មិនមានអាណត្តិក្នុងការធ្វើការសម្រេចចិត្តលើកិច្ចការងារដោះមីន ដូច្នេះបញ្ហានេះគួរតឺត្រូវបានយកទៅពិភាក្សានៅក្នុងកិច្ចប្រជុំរបស់គណៈកម្មាធិការព្រំដែនទូទៅ (GBC) ដែលគ្រោងធ្វើឡើងនៅពេលឆាប់ៗខាងមុខនេះដូចដែលបានព្រមព្រៀងគ្នាដោយភាគីទាំងពីររួចហើយ»។

គួរឱ្យដឹងផងដែរថាបន្ទាប់ពីមានបទបាញ់ភាគីថៃបានបន្តបំពានដោយឱ្យទាហានរបស់ខ្លួនដើរល្បាតចូមតំបន់គ្រោះថ្នាក់បណ្ដាលឱ្យជាន់មីនផ្ទុះជាបន្តបន្ទាប់។ ក្រោយជាន់មីននេះថៃបានចោទប្រកាន់កម្ពុជាថាបានដាក់មីនថ្មីលើដីរបស់ខ្លួន ខណៈកម្ពុជាបានបដិសេធដោយថាតំបន់នោះជាចំការមីន និងស្ថិតក្នុងដែនអធិបតេយ្យភាពរបស់កម្ពុជា៕

អត្ថបទដោយ ហ៊ុន សិរីវឌ្ឍន៍

Related Topics:ជម្លោះព្រំដែនកម្ពុជា-ថៃ