ព័ត៌មានអន្ដរជាតិ
មីយ៉ាន់ម៉ា កាត់ទោសប្រហារជីវិតមនុស្ស១៩នាក់ ពាក់ព័ន្ធការសម្លាប់សហការីកងទ័ព
ស្ថានីយ៍ទូរទស្សន៍ Myawaddy ដែលគ្រប់គ្រងដោយយោធាបានផ្សាយកាលពីថ្ងៃសុក្រថា មនុស្សចំនួន១៩នាក់ ត្រូវបានកាត់ទោសប្រហារជីវិតនៅក្នុងប្រទេសមីយ៉ាន់ម៉ា ពាក់ព័ន្ធការសម្លាប់សហការីរបស់មេបញ្ជាការកងទ័ពម្នាក់។
វាជាការកាត់ទោសប្រហារជីវិតលើកដំបូងដែលត្រូវបានប្រកាសជាសាធារណៈ ចាប់តាំងពីរដ្ឋប្រហារថ្ងៃទី០១ខែកុម្ភៈ និងការបង្ក្រាបទៅលើក្រុមបាតុករ។
របាយការណ៍បាននិយាយថា ការសម្លាប់បានកើតឡើងកាលពីថ្ងៃទី២៧ខែមីនា នៅក្នុងខណ្ឌ North Okkalapa នៃទីក្រុងយ៉ាំងហ្គោន។ ច្បាប់អាជ្ញាសឹក ត្រូវបានប្រកាសនៅទីនោះ ដែលនេះដែលជាហេតុអនុញ្ញាតឲ្យតុលាការ ប្រកាសការកាត់ទោសបាន។
មេដឹកនាំយោធា បាននិយាយកាលពីថ្ងៃសុក្រថា ចលនាតវ៉ាប្រឆាំងនឹងការគ្រប់គ្រងរបស់ខ្លួនកំពុងថមថយ ពីព្រោះប្រជាជនចង់បានសន្តិភាព ហើយខ្លួននឹងរៀបចំការបោះឆ្នោតក្នុងរយៈពេលពីរឆ្នាំទៀត។
សាក្សីនិងសេចក្តីរាយការណ៍បានឲ្យដឹងថា ទាហានបានគប់គ្រាប់បែកដៃទៅលើក្រុមអ្នកតវ៉ាប្រឆាំងរដ្ឋប្រហារ កាលពីថ្ងៃសុក្រនៅក្នុងតំបន់ Bago ក្បែរទីក្រុងយ៉ាំងហ្គោន។ ពួកគេនិយាយថា មនុស្សយ៉ាងតិច១០នាក់បានស្លាប់ ហើយសាកសពរបស់ពួកគេត្រូវបានគរទុកនៅក្នុងវត្ត។
សារព័ត៌មាន Myanmar Now និង Mawkun បានចុះផ្សាយថា មនុស្សចំនួន២០នាក់បានស្លាប់ និងជាច្រើននាក់រងរបួស។ ពួកគេមិនអាចទទួលបានចំនួនជាក់លាក់ទេ ពីព្រោះកងទ័ពកំពុងឡោមព័ទ្ធតំបន់ក្បែរវត្ត។
ក្រុមសកម្មជន Assistance Association for Political Prisoners បាននិយាយថា មនុស្សចំនួន៦១៤នាក់ ក្នុងនោះមានកុមារ៤៨នាក់ ត្រូវបានសម្លាប់ដោយកងកម្លាំងសន្តិសុខ ចាប់តាំងពីរដ្ឋប្រហារគិតមកទល់ល្ងាចថ្ងៃព្រហស្បតិ៍។ សេចក្តីរាយការណ៍បានឲ្យដឹងថា មនុស្សជាង២,៨០០នាក់ត្រូវបានឃុំខ្លួន៕
ប្រែសម្រួលដោយ៖ Vann Vann
ប្រភព៖ CNN
-
ព័ត៌មានអន្ដរជាតិ៤ ថ្ងៃ ago
ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត
-
ព័ត៌មានជាតិ៥ ថ្ងៃ ago
លោក សុខ ធា ត្រូវបានប្រកាសចូលកាន់តំណែងជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ
-
សេចក្ដីជូនដំណឹង៦ ថ្ងៃ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
សន្តិសុខសង្គម៣ ថ្ងៃ ago
អគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប
-
កីឡា៤ ថ្ងៃ ago
អបអរសាទរ! វិសាខា ឈ្នះជើងឯក WSVI ក្រោយបំបាក់ម្ចាស់ផ្ទះ Win Streak ៣-១
-
កីឡា៦ ថ្ងៃ ago
ស្ថាបនិក KSF ផ្តល់តម្លៃ ឈឿង ល្វៃ ខ្ពស់បំផុតសម្រាប់កំណត់ត្រាជូនជាតិ
-
ព័ត៌មានជាតិ១ សប្តាហ៍ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
សន្តិសុខសង្គម៣ ថ្ងៃ ago
នាយកកំពង់ចម្លងភ្នំពេញ អរិយក្សត្រ សម្រេចបញ្ឈប់អ្នកបើកបរស្រឡាងម្នាក់ក្រោយបែកធ្លាយកាយវិការយកជើងបញ្ជាចង្កូត