សេដ្ឋកិច្ច

កម្ពុជានឹងទទួលបានចំណូលដុល១៨៥លានដុល្លារ ពីឧស្សាហ៍កម្មរ៉ែមាស ក្នុងមួយឆ្នាំ

បានផុស

៥ years មុន

នៅ

ថ្ងៃសុក្រ ១១ មិថុនា ២០២១

ដោយ

កម្ពុជារំពឹងថា ផលិតកម្មមាសជាលក្ខណៈឧស្សាហ៍កម្មពីជម្រករ៉ែតំបន់អូរខ្វាវ ស្រុកកែវសីហា ខេត្តមណ្ឌលគិរីនឹងផ្ដល់ផលប្រយោជន៍ជាចំណូលដុលជាមធ្យមប្រមាណ ១៨៥លានដុល្លារអាមេរិក ក្នុងមួយឆ្នាំ ដែលក្នុងនោះចំណូលថវិកាជាតិពីសួយសារ និងសារពើពន្ធផ្សេងៗ ជាមធ្យមប្រមាណ៤០លានដុល្លារ ក្នុងមួយឆ្នាំ។

ថវិកាទាំងនេះនឹងត្រូវយកមកប្រើប្រាស់ ក្នុងចរន្តថវិកាជាតិដើម្បីអភិវឌ្ឍសេដ្ឋកិច្ច និងសង្គម។ កម្ពុជាបានប្រកាសពីលទ្ធភាពអាចផលិតមាសសុទ្ធបាន ៣ តោនក្នុង១ឆ្នាំ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី១០ ខែមិថុនា ឆ្នាំ២០២១នេះ បានប្រកាសពីជោគជ័យលើកដំបូងលើការធ្វើអាជីវកម្មរ៉ែមាស ដែលអាចផលិតមាសសុទ្ធបានប្រមាណ ៣តោនក្នុងមួយឆ្នាំ។

សម្តេចតេជោបានបន្ថែម ដោយប្រកាសឱ្យដំណើរការការដ្ឋានអាជីវកម្មរ៉ែមាស និងរោងចក្រចម្រាញ់រ៉ែមាស ស្ថិតនៅតំបន់អូរខ្វាវ ស្រុកកែវសីមា ខេត្តមណ្ឌលគិរី ចាប់ពីថ្ងៃទី២១ ខែមិថុនា តទៅ៕