សេដ្ឋកិច្ច
បណ្ឌិត គី សិរីវឌ្ឍន៍៖ កម្ពុជាអាចបើកសេដ្ឋកិច្ចពេញលេញ នៅដើមឆ្នាំ២០២២
ក្នុងថ្ងៃឈប់សម្រាកនៃពិធីបុណ្យភ្ជុំបិណ្ឌ និងថ្ងៃចុងសប្ដាហ៍ថ្មីៗនេះ យើងសង្កេតឃើញថា ចំនួនទេសចរតាមបណ្ដាខេត្ត និងទីរមណីដ្ឋានបានកើនឡើង ដែលមានន័យថា ការចូលរួមដើរលេងកម្សាន្តឡើងវិញបន្ទាប់ពីប្រជាជនខ្មែរអាកខានកន្លងនេះ ជាចរន្តនៃកំណើនសេដ្ឋកិច្ច ទន្ទឹមពេលចាប់ពីការចូលធ្វើការវិញដើមសប្ដាហ៍នេះ ចរាចរណ៍មានការកកស្ទះតាមផ្លូវមួយចំនួន មានន័យថា សកម្មភាព និងចរន្តសេដ្ឋកិច្ចកម្ពុជាចាប់ផ្ដើមដំណើរការ មានសន្ទុះឡើងវិញ។

លោកបណ្ឌិត គី សិរីវឌ្ឍន៍ អ្នកស្រាវជ្រាវសេដ្ឋកិច្ច នៃរាជបណ្ឌិត្យសភាកម្ពុជា មានប្រសាសន៍ប្រាប់ កម្ពុជាថ្មី នៅរសៀលថ្ងៃទី១២ ខែតុលានេះថា តាមការសង្កេត ការរកឃើញអ្នកវិជ្ជមានជំងឺកូវីដ-១៩ តាមម៉ាស៊ីន CPR គឺមានចន្លោះពី២០០នាក់ ទៅ២៥០នាក់ក្នុងមួយថ្ងៃ ដែលមានភាពល្អប្រសើរសម្រាប់សេដ្ឋកិច្ចកម្ពុជា។
លោកបណ្ឌិត គី សិរីវឌ្ឍ មានប្រសាន៍បន្តថា៖ “ដូចនេះខ្ញុំរំពឹងថា ការបើកសេដ្ឋកិច្ចពេញលេញឡើងវិញ គឺនៅដើមឆ្នាំ២០២២។ ក្នុងរយៈពេលសាកល្បង១ត្រីមាស (៣ខែ) ចុងក្រោយឆ្នាំ២០២១នេះ គឺជាដំណើរការនៃវិស័យដែលមិនមានការប្រមូលផ្ដុំច្រើន ដែលនេះជាការស្ទាបស្ទង់នៃតាមដានលទ្ធភាពនៃការឆ្លងដែរ ប្រសិននៅតែមានការឆ្លងខ្លាំង នោះឆ្នាំ២០២២ ក៏មិនទាន់អាចបើកដំណើរការសកម្មភាពសេដ្ឋកិច្ចពេញលេញឡើងវិញបានដែរ”។

បើតាមបណ្ឌិតសេដ្ឋកិច្ចខាងលើនេះបានឱ្យដឹងថា វិស័យសេដ្ឋកិច្ចដែលដួលមួយចំនួននឹងងើបឡើងវិញនៅពេលមានតម្រូវការឡើងវិញ ដូចជាវិស័យសេវាកម្ម សណ្ឋាគារ ភោជនីដ្ឋានធំៗ។ ការក្ស័យធននៅពេលនេះមិនមានន័យថា ការស្លាប់នៃអាជីវកម្មទេ គ្រាន់តែជាការសម្រាកមួយរយៈ ដើម្បីកុំឱ្យខាតទុនបន្តទៀត។
លោកបណ្ឌិត គី សិរីវឌ្ឍ មានប្រសាន៍បន្តថា៖ “ ជាមួយគ្នានេះ រដ្ឋាភិបាលអាចមានការគាំទ្រ តាមរយៈការលើកលែងពន្ធ ការផ្ដល់ហិរញ្ញប្បទានលើដើមទុនដើម្បីជួយពួកគាត់ឱ្យមានដំណើរការអាជីវកម្មឡើងវិញ”។
បើប្រៀបធៀប២ឆ្នាំមុនការផ្ទុះជំងឺកូវីដ១៩ ស្ថានភាពសេដ្ឋកិច្ចកម្ពុជាបច្ចុប្បន្ន គឺសកម្មភាពសេដ្ឋកិច្ចខ្នាតតូច និងធម្យមនៅទូទាំងប្រទេស បានប្រមាណ ៨០% នៃសេដ្ឋកិច្ចឆ្នាំ២០១៩។ បច្ចុប្បន្នវិស័យការងារមានការថមថយ ប៉ុន្តែរីកលូតលាស់នៅវិស័យផ្សេង ដូចជាវិស័យដឹកជញ្ជូន និងអាជីវកម្មដែលភ្ជាប់ជាមួយការលក់តាមអនឡាញ។ ចំណែកវិស័យសេវាកម្ម និងវិស័យទេសចរណ៍ មានការទ្រុឌទ្រោមយ៉ាងធ្ងន់ធ្ងរក្នុងរយៈពេលជិត២ឆ្នាំ ពិសេសចាប់ពីផ្ទុះជំងឺកូវីដនៅខែកុម្ភៈ ឆ្នាំ២០២០នេះ។

ថ្មីៗនេះ រដ្ឋាភិបាលបានអនុញ្ញាតដំណើរការអាជីវកម្មមួយចំនួន គ្រឹះស្ថានសិក្សា និងវិស័យទេសចរណ៍ឡើងវិញ ដោយសារការគ្រប់គ្រងជំងឺកូវីដ១៩ មានប្រសិទ្ធភាព និងដើម្បីទប់ទល់នៃការទ្រុឌទ្រោមវិស័យសេដ្ឋកិច្ច។
លោកបណ្ឌិត មានប្រសាសន៍ថា៖ “បើយើងក្រឡេកមើលប្រទេសដទៃទៀតដូច ថៃ សឹង្ហបុរី កូរ៉េខាងត្បូង និងសហរដ្ឋអាមេរិកជាដើមនោះ សកម្មភាពសេដ្ឋកិច្ច មានដំណើរការឡើងវិញ ឱ្យប្រជាពលរដ្ឋរៀនរស់ជាមួយជំងឺកូវីដ-១៩”។
លោកបណ្ឌិតបញ្ជាក់ថា អ្វីដែររាជរដ្ឋាភិបាលកំពុងធ្វើក្នុងបច្ចុប្បន្ននេះគឺមានន័យថា ចាប់ផ្ដើមឱ្យមានដំណើរការសេដ្ឋកិច្ចឡើងវិញ ស្របពេលប្រទេសកម្ពុជាបានចាប់យកការចាក់វ៉ាក់សាំង ជាយុទ្ធសាស្ត្រចម្បងទប់ទល់ជាមួយជំងឺកូវីដ-១៩៕
អត្ថបទ៖ ច័ន្ទ វីរៈ


-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១០ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ