សេដ្ឋកិច្ច
អ្នកជំនាញអះអាងថា ការធ្លាក់ចុះ នៃកម្លាំងពលកម្មក្នុងវិស័យកសិកម្ម គឺជាសញ្ញាល្អ
អ្នកជំនាញខាងកសិកម្ម និងធនាគារ បានអះអាងថា ការធ្លាក់ចុះ នៃកម្លាំងពលកម្មក្នុងវិស័យកសិកម្ម គឺជាសញ្ញាល្អ ដែលនឹងជួយជំរុញឲ្យវិស័យនេះមានទំនើបកម្មកាន់តែរីកចម្រើនផ្នែកបច្ចេកវិទ្យាបន្ថែមទៀត។
លោក តី សារិន ប្រធានគ្រប់គ្រងកម្មវិធីអង្គការដៃគូដើម្បីចីរភាពវិស័យកសិកម្មកម្ពុជាបានមានប្រសាសន៍ថា តាមរបាយការណ៍ឆ្នាំ ២០២១ កម្លាំងពលកម្មក្នុងវិស័យកសិកម្មបានធ្លាក់ចុះមកត្រឹម៣៥.៥ ភាគរយ ដែលនេះជាសញ្ញាល្អមួយដោយបង្ហាញថា ប្រទេសកម្ពុជាបានចាប់ផ្ដើមប្រើប្រាស់គ្រឿងចក្រវិស័យកសិកម្មតាមបែបទំនើបវិញ បន្ទាប់ពីបានប្រើប្រាស់តាមបែបបូរាណដូចជាប្រើមនុស្ស និងគោក្របី។
លោកបានបន្តថា ការប្រើបច្ចេកវិទ្យាដូចជាគ្រឿងយន្តកសិកម្មទំនើបសម្រាប់ធ្វើកសិកម្ម វានឹងជួយឲ្យទិន្នផលទទួលបានច្រើន និងជួយលើកកម្ពស់ជីវភាពរស់នៅរបស់ប្រជាកសិករកាន់តែប្រសើរ។
លោកបានបន្ថែមថា ក្នុងចំណោមដីកសិកម្មប្រមាណ ៤,៥ លានហិកតា នៅទូទាំងប្រទេស មានផ្ទៃដីដាំដំណាំស្រូវប្រមាណ ៧ ភាគរយ ស្មើនឹង ៣,៥ លានហិកតា ដោយទទួលបានទិន្នផលស្រូវប្រមាណ ១២ លានតោន ក្នុង ១ ឆ្នាំ។
លោកបានបញ្ជាក់ថា វិស័យកសិកម្មបានចូលរួមចំណែកយ៉ាងសំខាន់ក្នុងការលើកស្ទួយសេដ្ឋកិច្ចជាតិ ក្នុងនោះឆ្នាំ ២០២១ កន្លងទៅ វិស័យនេះបានចូលរួមចំណែកផលិតផលសរុបប្រមាណ ២៤ ភាគរយ ពេលដែលប្រទេសកម្ពុជាមានវិបត្តិជំងឺកូវីដ-១៩ តែវិស័យកសិកម្មមិនបានប៉ះពាល់ធ្ងន់ធ្ងរដូចវិស័យផ្សេងៗទៀតនោះទេ។
លោកបណ្ឌិត អ៊ិន ចាន់នី ប្រធាននាយកប្រតិបត្តិធនាគារអេស៊ីលីដាភីអិលស៊ី បានមានប្រសាសន៍ថា ពីដើមកម្លាំងពលកម្មក្នុងវិស័យកសិកម្មមានច្រើន។ ប៉ុន្តែឆ្នាំ ២០២១ បានថយចុះមកនៅត្រឹម ៣៥,៥ ភាគរយ ហើយនៅឆ្នាំ ២០៣០ ខាងមុខនេះ អាចនឹងធ្លាក់ចុះមកនៅត្រឹម ២០ ទៅ ២៥ ភាគរយ។
លោកបណ្ឌិតបានបន្តថា « ការធ្លាក់ចុះនេះវាជាសញ្ញាល្អៗ ត្រង់ថា កម្លាំងកសិកម្មថយចុះមិនដូចមុនគឺការធ្វើកសិកម្មត្រូវពឹងលើគ្រឿងចក្រស្របតាមវិធានការរបស់រដ្ឋដែលជំរុញឲ្យមានការធ្វើទំនើបកម្មលើវិស័យនេះ។ កម្លាំងកសិកម្មតិចប្រើឧបករណ៍ទំនើបជំនួស ទទួលបានទិន្នផលខ្ពស់ និងបានច្រើនជាងប្រើកម្លាំងពលកម្មតាមបែបបុរាណ»។
ចំណែក លោក ស្រី វុឌ្ឍី អគ្គលេខាធិការ និងជាអ្នកនាំពាក្យក្រសួងកសិកម្ម បានលើកឡើងថា ការប្រើប្រាស់កម្លាំងពលកម្មក្នុងវិស័យកសិកម្មកាន់តែថយចុះហើយ ដោយសារការធ្វើកសិកម្មកាន់តែទំនើប។ នៅឆ្នាំ ២០២១ នេះ កម្លាំងពលកម្មថយចុះមកត្រឹម ៣៥ ភាគរយ ធៀបនឹងរយៈពេល ១០ ឆ្នាំមុន មានប្រមាណ ៥០ ភាគរយ ខណៈនៅឆ្នាំ ២០៣០ កម្លាំងពលកម្មដែលប្រើប្រាស់សម្រាប់វិស័យកសិកម្មអាចនឹងបន្តធ្លាក់ចុះដល់ ២០ ទៅ ២៥ ភាគរយ។
លោកបានបន្តថា បច្ចុប្បន្ន មានតែវិស័យឧស្សាហកម្ម និងសេវាកម្មប៉ុណ្ណោះ ដែលត្រូវការកម្លាំងពលកម្មច្រើន ខណៈកសិកម្ម ត្រូវពឹងផ្អែកលើសេវាយន្តតូបនីយកម្ម បច្ចេកទេស និងបច្ចេកវិទ្យាជាដើម។
លោកបានបន្តទៀតថា «ការធ្វើកសិកម្មឥឡូវនេះ សូម្បីតែចាស់ៗក៏គាត់មិនអាចធ្វើដោយផ្ទាល់ដែរ គឺពួកគាត់ត្រូវពឹងលើសេវាយន្តតូបនីយកម្ម។ ចង់ភ្ជួរ រាស់ ច្រូត គឺគាត់ត្រូវហៅសេវាកម្មគេមកធ្វើឲ្យ អ៊ីចឹង ឥឡូវហ្នឹង ពួកគាត់កំពុងធ្វើរៀបនេះ»៕
អត្ថបទ ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង