ព័ត៌មានជាតិ

កសិករម្នាក់ ដាំដំណាំមួយប្រភេទនៅក្នុងស្រុកទឹកឈូ ដែលផ្លែវា១គីឡូក្រាមអាចលក់តម្លៃបានជាង១ពាន់ដុល្លាអាមេរិក

បានផុស

១ year មុន

នៅ

ថ្ងៃព្រហស្បតិ៍ ១៣ កុម្ភៈ ២០២៥

ដោយ

កំពត ៖ នៅថ្ងៃទី ១៣ ខែកុម្ភៈ ឆ្នាំ២០២៥នេះលោក សរ វិចិត្រ បុគ្គលិកក្រុមហ៊ុន ហ្វាម លីង បានប្រាប់ឱ្យដឹងថា វ៉ាន់នីឡា(Vanilla) ជារុក្ខជាតិដាំដុះបានដោយកម្រហើយវាជាដំណាំមួយប្លែកនៅកម្ពុជា។

ដំណាំមួយនេះ ទាមទារភូមិសាស្រ្ត និងអាកាសធាតុដែលអំណោយផលទើបផ្ដល់ផលបានល្អប្រសើ។ ប៉ុន្តែឆ្លងកាត់ការសិក្សាស្រាវជ្រាវហ្នឹងបទពិសោធន៍ជាង ១០ ឆ្នាំកន្លងមកនេះលោកអាចនិយាយបានថា ក្រុមហ៊ុនដាំវ៉ាន់នីឡាទទួឡល្អបានជោគជ័យក្នុងចំការមួយនិងក្នុងស្រុកទឹកឈូនេះតែម្ដង។

បើយោងតាមអ្នកជំនាញបានបញ្ជាក់ឱ្យថា ខេត្តកំពតល្បីដំណាំទុរេន និងម្រេចខ្លាំងជាងគេ ដែលម្រេច១គីឡូក្រាមតម្លៃចម្លោះពី១៥ទៅ៣០ដុល្លា ប៉ុន្តែឥឡូវ រុក្ខជាតិប្រភេទវល្លិ៍ម្យ៉ាងដែលកម្រនឹងដាំដុះនៅប្រទេសមួយចំនួន ក៏ដូចជាបណ្តាខេត្តរបស់កម្ពុជានោះ បាននឹងកំពុងលូតលាស់ និងផ្តល់ទិន្នផលល្អ គុណភាពខ្ពស់នៅក្នុងភូមិសាស្ត្រស្រុកទឹកឈូ ខេត្តកំពត ដែលផ្លៃ១គីឡូក្រាម អាចលក់ក្នុងតម្លៃជាង១ពាន់ដុល្លាអាមេរិក។

លោក សរ វិចិត្រ បុគ្គលិកក្រុមហ៊ុន ហ្វាម លីង បានប្រាប់ឱ្យដឹងថា វ៉ាន់នីឡា (Vanilla)រុក្ខជាតិដាំដុះបានដោយកម្រ ហើយវាជាដំណាំមួយប្លែកនៅកម្ពុជា។

បុគ្គលិករូបនោះបានបញ្ជាក់ឱ្យដឹងទៀតថា វ៉ាន់នីឡាដាំនៅក្នុងស្រុកទឹកឈូ វាបានផ្តល់ទិន្នផលខ្ពស់ និងមានគុណភាពល្អហើយអាចលក់បានតម្លៃវាជាង១ពាន់ដុល្លាក្នុង១គីឡូក្រាម។

លោក សរ វិចិត្រ ក៏បានបញ្ជាក់ដែរថា ផ្លែវ៉ាន់នីឡាមានតម្លៃដោយសារ វាពិបាកថែទាំ និងប្រមូលផល (ពីចេញផ្ការហូតដល់បានផ្លែលក់ ប្រើរយៈពេលមួយឆ្នាំពេញឯណោះ។

បើយោងតាមការបញ្ជាក់ ផ្លៃវ៉ានីឡាគេអាចយកទៅធ្វើជាសូកូឡា ការ៉េម ចម្រាញ់យកប្រេងធ្វើជាទឹកអប់ អាចប្រើជាគ្រឿងផ្សំធ្វើនំខួបកំណើតជាដើម វ៉ានីឡាវាជំនួយដល់សុខភាព និងផ្តល់ជាតិប្រតេអ៊ីនខ្ពស់។

ក្នុងដំណើរទស្សកិច្ចសិក្សាស្វែងយល់នៅចម្ការវ៉ាន់នីឡា លោក អ៊ឹម ច័ន្ទសោធន អភិបាលស្រុកទឹកឈូ និងបានជំរុញលើកទឹកចិត្តដល់ក្រុមហ៊ុន ឱ្យរៀបចំជាកន្លែងទទួលភ្ញៀវទេសចរ ដើម្បីឱ្យពួកគេបានសិក្សាអំពីរបៀបដាំ ថែទាំ និងប្រមូលផល ក៏ដូចជាដើរកម្សាន្តនៅទីតាំងចម្ការផ្ទាល់ ដូចចម្ការម្រេចដែរ។

ពិសេសលោកស្នើសូមឱ្យក្រុមហ៊ុនបើកចិត្តទូលាយ ជួយបង្ហាត់បង្ហាញបច្ចេកទេស ដល់បងប្អូនប្រជាពលរដ្ឋណាដែលមានបំណងចង់ដាំ ដំណាំវាន់នីឡានេះផង ដើម្បីរួមគ្នាអភិវឌ្ឍមូលដ្ឋាន៕

ដោយ ៖ សឹង រ៉ាត់