ព័ត៌មានអន្ដរជាតិ

ខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា

បានផុស

៤ សប្តាហ៍ មុន

នៅ

ថ្ងៃព្រហស្បតិ៍ ១៧ មេសា ២០២៥

ដោយ

Chheang

ក្នុងអំឡុងដំណើរទស្សនកិច្ចផ្លូវរដ្ឋរបស់លោក ស៊ី ជីនពីង នៅកម្ពុជានាថ្ងៃទី១៧ខែមេសាឆ្នាំ២០២៥នេះ រថយន្តផ្លូវការរបស់ប្រធានាធិបតីចិនរូបនេះ ត្រូវគេកត់សម្គាល់ឃើញថាជា Limousine Hongqi N701 ប្រភេទកម្រ និងមានពាសដែកការពារដ៏រឹងមាំជាទីបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពដ៏កម្រនៃរថយន្ត Limousine ប្រធានាធិបតីចិន

Hongqi N701 ដែលផលិតដោយក្រុមហ៊ុនរថយន្តប្រណីតរបស់ចិន Hongqi ត្រូវបានប្រើប្រាស់ផ្តាច់មុខដោយមេដឹកនាំកំពូលរបស់ប្រទេស ហើយមិនមានសម្រាប់ការទិញលក់ជាសាធារណៈនោះទេ។ លោក ស៊ី បានយករថយន្តប្រណីតនេះទៅជិះនៅក្រៅប្រទេសបានតែប៉ុន្មានដងប៉ុណ្ណោះ។ មុនរថយន្តនេះបង្ហាញវត្តមាននៅកម្ពុជា លោក ស៊ី ក៏ធ្លាប់យកវាទៅជិះនៅប្រទេសមួយចំនួនផងដែរដូចជា ម៉ាឡេស៊ី ហុងកុង និងសហរដ្ឋអាមេរិក។

មុខងារសុវត្ថិភាពកម្រិតខ្ពស់

ខណៈពេលដែលលក្ខណៈបច្ចេកទេសផ្លូវការនៅតែមិនត្រូវបានបញ្ចេញ របាយការណ៍មួយចំនួនបានបង្ហាញថា N701 ត្រូវបានបំពាក់ដោយពាសដែកកម្រិតយោធា កញ្ចក់ការពារគ្រាប់កាំភ្លើង និងសំបកកង់ការពារការមុតឬធ្លាយ។ វាក៏ត្រូវបានគេជឿថា មានកាប៊ីន airtight ជាមួយនឹងប្រព័ន្ធចម្រោះខ្យល់ថ្នាក់ខ្ពស់ដើម្បីការពារប្រឆាំងនឹងការគំរាមកំហែងគីមីផងដែរ។

និមិត្តសញ្ញានៃកិត្យានុភាពជាតិ

ការប្រើប្រាស់ Hongqi N701 ក្នុងអំឡុងពេលទស្សនកិច្ចអន្តរជាតិ បានគូសបញ្ជាក់ពីការសង្កត់ធ្ងន់របស់ប្រទេសចិនលើការបង្ហាញពីសមត្ថភាពផ្នែកវិស្វកម្មក្នុងស្រុករបស់ខ្លួន។ តាមរយៈការបង្ហាញវត្តមានយានជំនិះនេះទៅក្រៅប្រទេស ចិនបានតម្រឹមខ្លួនឯងជាមួយនឹងមហាអំណាចផ្សេងទៀតលើពិភពលោកដែលផលិតយានជំនិះរដ្ឋដ៏រឹងមាំសម្រាប់មេដឹកនាំរបស់ពួកគេ៕