សេដ្ឋកិច្ច
ចិនផ្តល់ហិរញ្ញប្បទានសហប្រតិបត្តិការ ៧ពាន់លានដុល្លារ សម្រាប់ការអភិវឌ្ឍនៅកម្ពុជា
គិតត្រឹមឆមាសទី២ ឆ្នាំ ២០២២ រដ្ឋាភិបាលចិនបានផ្តល់ហិរញ្ញប្បទានសហប្រតិបត្តិការដែលមានទំហំទឹកប្រាក់ប្រមាណ ៧ ប៊ីលានដុល្លារមេអាមេរិក សម្រាប់ការអភិវឌ្ឍនៅកម្ពុជា ។
នៅក្នុងពិធីប្រគល់-ទទួលជាផ្លូវការ នូវរបាយការណ៍នៃការសិក្សាផែនការមេ ស្តីពីប្រព័ន្ធដឹកជញ្ជូនអន្តរមធ្យោបាយកម្ពុជា កាលពីថ្ងៃទី ៣ ខែសីហា លោក រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ សមាជិកឧត្តមក្រុមប្រឹក្សាសេដ្ឋកិច្ចជាតិ បានមានប្រសាសន៍ថា ឥណទាន សម្បទានរបស់ប្រទេសចិន ត្រូវបានកម្ពុជា យកទៅប្រើប្រាស់ និងគាំទ្រគម្រោងនៃវិស័យអាទិភាពមួយចំនួន ស្របតាមគោលដៅរបស់រាជរដ្ឋាភិបាលកម្ពុជា ក្នុងនោះ សម្រាប់វិស័យដឹកជញ្ជូនបានស្រូបយកហិរញ្ញប្បទានធំជាងគេ ជាពិសេសគម្រោងសាងសង់ផ្លូវជាតិ ស្ពាន កំពង់ផែ និងអាកាសយានដ្ឋានជាដើម។ ជាក់ស្តែងគិតត្រឹមពេលនេះ ផ្លូវជាតិជាង ៣ ០០០ គីឡូម៉ែត្រ និងស្ពានឆ្លងទន្លេចំនួន ៨ ដែលបានសាងសង់ឡើងក្រោមហិរញ្ញប្បទានប្រទេសចិន ខណៈផ្លូវល្បឿនប្រទេសចិន ភ្នំពេញ-ក្រុងព្រះសីហនុ ដែលបានស្ថាបនាឡើង គឺស្ថិតនៅក្រោមគម្រោងទាំងនេះ ហើយនឹងដាក់ឲ្យប្រើប្រាស់ក្នុងពេលឆាប់ៗផងដែរ។
លោកបានបន្តថា ការគាំទ្ររបស់សាធារណៈរដ្ឋប្រជាមាននិតចិន ដើរតួយ៉ាងសំខាន់នៅក្នុងការជំរុញកំណើនសេដ្ឋកិច្ចកម្ពុជា និងដោះស្រាយបញ្ហាប្រឈមផ្នែកសង្គម ជាពិសេសរួមចំណែកទាក់ទាញវិនិយោគ ជំរុញការនាំចេញ បង្កើតការងារ លើកកម្ពស់ការអប់រំ និងជំនាញ លើកកម្ពស់សមភាពយេឌ័រ ការឆ្លើយតបការប្រែប្រួលអាការធាតុ និងបរិស្ថានជាដើម។
លោកបានបន្តទៀតថា ទោះស្ថិតនៅក្នុងស្ថានភាពលំបាក និងកំពុងប្រឈមបញ្ហាជាច្រើន បង្កឡើងដោយវិបត្តិនៃជំងឺកូវីដ ១៩, សាធារណៈរដ្ឋចិន នៅតែបន្តគាំទ្រដល់ការអភិវឌ្ឍន៍សង្គម-សេដ្ឋកិច្ចកម្ពុជា សំដៅរួមចំណែកលើសុខភាពរបស់ប្រជាជនកម្ពុជា។
ជាក់ស្តែងក្នុងឆ្នាំ ២០២២ នេះ គម្រោងឯកភាពសម្រាប់កម្ពុជា មានចំនួន ១២ ស្មើនឹងទំហំទឹកប្រាក់ ៤ ៥៧២ លានដុល្លារអាមេរិក ក្នុងនោះ មានគម្រោងសាងសង់ហេដ្ឋារចនាដឹកជញ្ជូន គឺស្ថិតនៅក្នុងបញ្ជីនៃក្របខណ្ឌរួមអភិវឌ្ឍន៍ជាផ្លូវការ៕ អត្ថបទ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត