Connect with us

សេដ្ឋកិច្ច

ក្រសួងរ៉ែ ប្រមូលចំណូល​បាន ២០លានដុល្លារ គិតត្រឹម ៦ខែឆ្នាំនេះ

បានផុស

នៅ

គិតត្រឹមរយៈពេល ៦ខែ ឆ្នាំ ២០២២នេះ ក្រសួងរ៉ែ និងថាមពល ប្រមូលចំណូលបានប្រមាណ ២០លានដុល្លារ ចូលថវិកាជាតិ។ នេះបើតាមការបញ្ជាក់របស់លោក អ៊ឹង ឌីប៉ូឡា អគ្គនាយក​នៃ​អគ្គនាយកដ្ឋាន​ធនធាន​រ៉ែ។ បើតាមលោក អ៊ឹង ឌីប៉ូឡា កាលពីឆ្នាំ ២០២១ ក្រសួងប្រមូលចំណូលបានជាង ៣៥លានដុល្លារ និងឆ្នាំ ២០២០​ បានចំណូល ២៥លានដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងសន្និសីទសារព័ត៌មាន ស្ដីពី “សមិទ្ធផលសម្រេចបានរយៈពេល ៥ឆ្នាំកន្លងមក របស់ក្រសួងរ៉ែ និងថាមពល” លោក អ៊ឹង ឌីប៉ូឡា បានលើកឡើងថា បើទោះបីជាបច្ចុប្បន្នកើតមានវិបត្តិសេដ្ឋកិច្ចសកលលោកក៏ដោយ ក្រសួងរ៉ែនៅតែ​បន្តកៀរគររកចំណូលមិនឱ្យធ្លាក់ចុះនោះទេ។

លោក បានគូសបញ្ជាក់ទៀតថា គិតត្រឹមឆ្នាំ ២០២២នេះ ក្រសួងរ៉ែ ​បាន​ផ្តល់​អាជ្ញាបណ្ណ​ដល់​អាជីវកម្ម​រ៉ែបើកអណ្តូងរ៉ែ និងអាជីវកម្មវាយថ្ម បានចំនួន ​៤៧៨ កន្លែង ឧស្សាហកម្មរ៉ែ ចំនួន ២១កន្លែង អាជ្ញាបណ្ណរុករករ៉ែចំនួន ៣៤កន្លែង។

បើតាមក្រសួងរ៉ែ និងថាមពល រយៈពេល ៥ ឆ្នាំនេះ (ឆ្នាំ២០១៨ ដល់ឆ្នាំ២០២២) ក្រសួងសម្រេច​បាននូវសមិទ្ធផល​ធំៗ​ក្នុង​វិស័យរ៉ែ​ដូចជា ការដាក់ឱ្យដំណើរការរោងចក្រ​ផលិត​ស៊ីម៉ងត៍ចំនួន ៣ បន្ថែមទៀត និង​ការ​ដាក់ឱ្យដំណើរការ​រោងចក្រចម្រាញ់រ៉ែមាសខ្នាតឧស្សាហកម្មចំនួន ០១ គឺក្រុមហ៊ុន Renaissance Minerals (Cambodia) Limited ការ​ធានា​និរន្តរភាព​នូវការផ្គត់ផ្គង់​វត្ថុធាតុដើម​រ៉ែសំណង់​ដល់ការ​អភិវឌ្ឍហេដ្ឋារចនាសម្ព័ន្ធនិងសំណង់នានា ការដាក់​ឱ្យដំណើរការ​មន្ទីរពិសោធន៍​ភូគព្ភសាស្ត្រជាតិ​កម្ពុជា ការកសាងផែនទីគីមី ភូគព្ភសាស្រ្តដង់ស៊ីតេកម្រិត​ទាបមាត្រដ្ឋាន ១/១ ០០០ ០០០ បានចំនួន ៧១ ផ្ទាំង និងការកសាងផែនទីវារី ភូគព្ភសាស្ត្រនិង ភូគព្ភសាស្ត្រសមុទ្រ។

ក្រៅពីចំណូលដែលសម្បទានិកបានបង់​តាមរបប​ស្វ័យប្រកាស ក្រសួងរ៉ែ និងថាមពល បាន​ចុះ​ត្រួត​ពិនិត្យភាព​អនុលោម និង​ផ្ទៀងផ្ទាត់បរិមាណ​ផលិតកម្មដោយ​ប្រមូល​ចំណូល​បន្ថែម​ក្នុងរយៈ ពេល ៣ ឆ្នាំ​ (២០២០ដល់២០២២) បានចំនួន ៦ ១៥៨ ៣១៧,៦២ ដុល្លារអាមេរិក និង​ផាកពិន័យ​ចំនួន ៤៦ ៦៦០,៥៧ ដុល្លារអាមេរិក៕

 

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៨ នាទី មុន

ឆ្មក់បង្ក្រាបល្បែងស៊ីសងខុសច្បាប់ សមត្ថកិច្ចឃាត់ខ្លួនមនុស្ស៨នាក់

ជីវិតកម្សាន្ដ១៤ នាទី មុន

ក្រោយចាកចេញពីគ្រួសារទៅរកស្រីក្មេង ជីវិតតារាហុងកុងមួយរូប រស់នៅវេទនាជាងស្លាប់

ព័ត៌មានអន្ដរជាតិ១៨ នាទី មុន

ជប៉ុន ស្នើឲ្យមានជំនួបកំពូលជាមួយ កូរ៉េខាងជើង ខណៈលោក គីម ជុងអ៊ុន កំពុងពង្រឹងសមត្ថភាពកងរថក្រោះ

សន្តិសុខសង្គម២០ នាទី មុន

Update៖ ករណីឆេះផ្ទះក្នុងបុរីពិភពថ្មីកំបូល កើតឡើងដោយសារឆ្លងចរន្តអគ្គិសនី

ព័ត៌មានជាតិ៣០ នាទី មុន

ឯកឧត្ដម ហ៊ុន ម៉ានី ៖ ការអប់រំផ្សព្វផ្សាយអំពី វប្បធម៌ អរិយធម៌ខ្មែរ តាមរយៈបទភ្លេង ពិតជាមានសារៈសំខាន់ណាស់

ព័ត៌មានជាតិ២ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៥ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៥ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៤ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

សន្តិសុខសង្គម១ ថ្ងៃ មុន

សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ

Sokha Hotels

ព័ត៌មានពេញនិយម