សេដ្ឋកិច្ច
កសិករដាំទុរេនបង្ហើប ឈ្មួញកណ្តាលចង់ចំណេញលួចកេងប្រយោជន៍ពីម្ចាស់ចម្ការ
ក្នុងខេត្តបាត់ដំបងនាពេលបច្ចុប្បន្នដំណាំទុរេនកំពុងលេចធ្លោ និងពេញនិយមជាងគេ ដោយកសិករប្រកបមុខរបរនេះធ្វើការដាំដុះតាមបច្ចេកទេសមិនប្រើប្រាស់សារធាតុគីមី ដែលនាំមកនូវផលប៉ះពាល់ដល់អ្នកនិយមញុាំ ព្រោះម្ចាស់ចម្ការធ្វើការដាំដុះនិងថែទាំ តាមរយះជីសរីរាង្គតាមបែបធម្មជាតិ បង្កើនរសជាតិឆ្ងុយឆ្ងាញ់ ទើបបច្ចុប្បន្ននៅតែពេញនិយមដូចកាលសម័យដើម។ នេះបើយោងតាមការអះអាងពីប្រជាកសិករ ដែលកំពុងប្រកបមុខរបរដាំទុរេននៅតាមបណ្តាស្រុកមួយចំនួន ក្នុងភូមិសាស្ត្រខេត្តបាត់ដំបង ដែលបានឲ្យកម្ពុជាថ្មីដឹងនៅថ្ងៃទី ៩ខែសីហានេះ។
លោក ថាន់ លីលីន ជាម្ចាស់ចម្ការទុរេនដ៏លេចធ្លោមួយកន្លែងក្នុងឃុំសំឡូត ស្រុកសំឡូត ដែលគេស្គាល់ថាលោកក៏ជានាយកសាលាវិទ្យាល័យស្រែអណ្តូងក្នុងស្រុកសំឡូត បានប្រាប់កម្ពុជាថ្មីឲ្យដឹងនៅព្រឹកថ្ងៃទី ៩ខែសីហានេះថា ចាប់តាំងពីលោកបានផ្លាស់ប្តូរមុខរបរពីសំណាំដំឡូងមី ហើយមកចាប់យកមុខរបរដំណាំទុរេនជំនួសវិញនេះវាខុសគ្នាឆ្ងាយណាស់។ បើគិតពីប្រាក់ចំណូលផ្គត់ផ្គង់សេដ្ឋកិច្ចគ្រួសាររបស់លោកនាពេលបច្ចុប្បន្នឃើញថា ទិន្នផលទុរេនហុចផលប្រយោជន៍បានគួរសមជាង ដោយគិតត្រឹម ២ ហិកតា លោកទទួលបានប្រាក់ចំណូលជាងមួយរយលានរៀល ខណះ ៧ ហិកតាទៀត ពុំទាន់ដល់រដូវកាលហុចផលនៅឡើយ។
លោកបន្តថា ផ្លែទុរេនជាផ្លែឈើមួយប្រភេទ ដែលប្រជាជនខ្មែរនិយមទទួលទានប្រកបទាន និងមានប្រយោជន៍ជាច្រើន ចំពោះសុខភាព និងមានប្រភពថាមពលដ៏ល្អ។ ក្នុងផ្លែទុរេនមានជាតិកាបូនអ៊ីដ្រាត មានជាតិសរសៃខ្ពស់ អាចជួយបំពេញតម្រូវការប្រចាំថ្ងៃរបស់សាពាង្គកាយ។
លោកបន្តថា រដូវប្រមូលផលផ្លែទុរេនចាប់ពីខែ ៦ រហូតដល់ដើមខែ ៨ ហើយតម្លៃទីផ្សារក៏មិនខុសគ្នាឆ្នាំមុននេះទេប្រ ហាក់ប្រហែលឆ្នាំកន្លងទៅផងដែរ។ ខណះដើមដៃបោះដុំឲ្យឈ្មួញចន្លោះពី ១មុឺន ៥ពាន់ ទៅ១មុឺន៨ពាន់រៀលក្នុងមួយគីឡូក្រាម ហើយចុងរដូវលក់បាន ២ មុឺនរៀលក្នុងមួយគីឡូក្រាម។ លោកបន្តថា រហូតដល់ពេលនេះលោកកំពុងចាប់ផ្តើមថែទាំដាក់ជី សរីរាង្គធម្មជាតិ ដើម្បីបំប៉នតាមបែបធម្មជាតិសម្រាប់ឆ្នាំមុខទៀត ។
យ៉ាងណាមិញ លោកបញ្ជាក់ថា អ្វីដែលលោកក៏ដូចជាប្រជាកសិករផ្សេងទៀតសំណូមពរដល់ឈ្មួញកណ្តាល គួរបញ្ឈប់យកផ្លែទុរេនក្នុងស្រុកទៅបង្កើនតម្លែផ្លែទុរេននាំចូល វាធ្វើឲ្យអតិថិជនក្នុងស្រុកនិងក្រៅស្រុកមានការយល់ច្រឡំអំពីរសជាតិ ហើយវាបង្កឲ្យមានផលប៉ះពាល់ធ្ងន់ធ្ងរសម្រាប់ផលិតផលក្នុងស្រុកដែលប្រជាកសិករបានខិតខំរក្សារសជាតិដើមរបស់កសិផលក្នុងស្រុកក៏ដូចជាបានលើកកម្ពស់គ្រប់ទិន្នផលនានានៅក្នុងប្រទេសចឹងដែរ ។
ចំណែកលោក វែង ហូយ ជាម្ចាស់ចម្ការទុរេនក្នុងស្រុកសំឡូតដែរនោះក៏បានលើកឡើងប្រហាក់ប្រហែលនិងលោក ចាក់ លីលីនផងដែរចំពោះសកម្មភាពឈ្មួញកណ្តាលមួយចំនួន។ លោកសំណូមពរដល់រាជរដ្ឋាភិបាលឲ្យជួយរកទីផ្សារនាំផ្លែទុរេនខេត្តបាត់ដំបងចេញក្រៅប្រទេស ដើម្បីឲ្យបានតម្លៃគួរសមជាងនេះក៏ដូចជាឲ្យបណ្តាប្រទេសផ្សេងដឹងអំពីរសជាតិផ្លែទុរេននៅក្នុងខេត្តបាត់ដំបងធ្វើការដាំដុះ និងថែទាំប្រកបដោយធម្មជាតិមិនប្រើប្រាស់សារធាតុគីមីឡើយ។
ដោយឡែកមន្ត្រីពាក់ព័ន្ធនិងអាជា្ញធរមូលដ្ឋានស្រុកក៏បានទទួលស្គាល់ថា ទុរេនដែលប្រជាកសិករធ្វើការដាំដុះនៅក្នុងស្រុកសំឡូតពិតជាប្រើប្រាស់ជីសរីរាង្គធម្មជាតិមិនមានសារធាតុគីមីបង្កើនរសជាតិតាមបែបធម្មជាតិទើបមានឈ្មួញខ្លះយកផ្លែទុរេននាំចូល ហើយលក់បន្លំថាផ្លែទុរេនស្រុកសំឡូតដែលធ្វើឲ្យទិន្នផលផ្លែទុរេនក្នុងស្រុកកាន់តែថយចុះទាំងតម្លៃនិងគុណភាពដើម តាមរយះការលួចបន្លំពីឈ្មួញកណ្តាលមួយចំនួននេះឯង៕
អត្ថបទ៖ សៅ សារិទ្ធ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល