Connect with us

សេដ្ឋកិច្ច

អ្នកសេដ្ឋកិច្ច៖ កម្ពុជា នឹងស្រូបចំណូលថ្មី​ពីការបើក​ទីផ្សារនាំចេញសម្បុក​ត្រចៀកកាំទៅចិន

បានផុស

នៅ

​បន្ទាប់ពីកម្ពុជា បានចុះហត្ថលេខាលើអនុស្សរណៈយោគយល់គ្នា (MOU) ស្តីពី ” ការនាំចេញផលិតផល​សម្បុកត្រចៀកកាំទៅកាន់សាធារណរដ្ឋប្រជាមានិតចិន ទាំងអ្នកជំនាញសេដ្ឋកិច្ច សមាគមត្រចៀកកាំកម្ពុជា និងមន្រ្តីរាជរដ្ឋាភិបាល មើលឃើញពីសញ្ញាល្អ នៃវិស័យនេះនាថ្ងៃអនាគត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបណ្ឌិត ហុង វណ្ណៈ អ្នកជំនាញសេដ្ឋកិច្ចវិទ្យាស្ថានទំនាក់ទំនងអន្តរជាតិនៃរាជ​បណ្ឌិតសភាកម្ពុជា បានលើកឡើងថា ការចិញ្ចឹមសត្វត្រចៀកកាំ នៅកម្ពុជា កំពុងតែមានសម្ទុះកើនឡើងជាលំដាប់។ ​កម្ពុជា ត្រូវត្រៀមលក្ខណៈសម្បត្តិ ដើម្បីផលិតផ្គត់ផ្គង់តម្រូវការ។

លោកបណ្ឌិតបន្តដូច្នេះថា «នៅពេលយើងនាំផលិតផលចេញ មានន័យថា យើងបាននាំចូលមកវិញនូវរូបិយបណ្ណ នោះហើយគឺជាផលចំណេញផ្នែកសេដ្ឋកិច្ច។​ ប្រសិនបើយើង សម្រេចបានការនាំចេញទឹកមាត់ត្រចៀកកាំ មិនត្រឹមតែចំណេញផ្នែកពន្ធដារ តែក៏ជួយផ្តល់ការងារដល់ប្រជាជនក្នុងស្រុក និងបង្កើនប្រាក់ចំណូល​ដល់អ្នកចិញ្ចឹមផងដែរ»។

​​លោកបណ្ឌិត ហុង វណ្ណៈ បន្ថែមថា « បើសិនណាជាយើងមានកិច្ចព្រមព្រៀងពាណិជ្ជកម្ម​លើទឹកមាត់ត្រចៀកកាំនេះ​ច្រើន ​​យើងនឹងបង្កើន​ការផលិតកាន់តែច្រើន នោះយើងនឹងមានផលប្រយោជន៍កាន់តែច្រើន នៅក្នុងវិស័យសេដ្ឋកិច្ច»។

លោកចង់មានន័យថា រដ្ឋក៏ចំណេញ ម្ចាស់អាជីវកម្មក៏ចំណេញ ជាពិសេសបានបង្កើតការងារដល់ពលរដ្ឋជាដើម។​ ជាងនេះទៀត នឹងបានបង្ហាញពីអត្តសញ្ញាណទឹកមាត់ត្រចៀកកាំប្រចាំប្រទេសយើងទៅកាន់អន្តរជាតិផងដែរ។

អ្នកជំនាញសេដ្ឋកិច្ចរូបនេះ បានសង្កត់ធ្ងន់ថា ការនាំចេញផលិតផល ចាំបាច់ត្រូវមានការសហការគ្នារវាងវិស័យឯកជន និង​ឯកជន និងស្ថាប័នរដ្ឋ ត្រូវដើរតួនាទីជាអ្នកសម្របសម្រួលផ្តល់បច្ចេកទេស និងព័ត៌មាននានា ដើម្បីធានាបានការផ្គត់​ផ្គង់ផលិតផលមានគុណភាព ក្នុងការនាំចេញ។

សម្បុកត្រចៀកកាំមានតម្លៃថ្លៃ ប្រសិនបើមានទីផ្សារកាន់តែទូលាយ ផលិតផលនេះ នឹងជួយសេដ្ឋកិច្ចជាតិកាន់តែធំ នាថ្ងៃអនាគត។ នេះជាការបន្ថែមរបស់លោកបណ្ឌិត ហុង វណ្ណៈ។

លោក ស៊ុយ កុកធាន ប្រធានសមាគមត្រចៀកកាំកម្ពុជា បានលើកឡើងថា ការចុះ MOU រវាងភាគីកម្ពុជា និងចិន ក្នុងការនាំចេញទឹកមាត់ត្រចៀកកាំនេះ គឺជាសញ្ញាវិជ្ជមាន ជាពិសេសសម្រាប់កសិករដែលចិញ្ចឹមត្រចៀកកាំ និងមើលឃើញគោលដៅកាន់តែច្បាស់លាស់សម្រាប់អនាគតនៃសម្បុកត្រចៀកកាំដែលពួកគាត់បានផលិត។ លោកបន្ថែមថា តាមរយៈអនុស្សារណៈនេះ ក៏ជាផ្នែកមួយទាក់ទាញវិនិយោគិនពីប្រទេសផ្សេងទៀត ឱ្យបានស្គាល់ និងចាប់ផ្តើមវិនិយោគលើវិស័យសម្បុកត្រចៀកកាំ ដែលជាផលិតផលសក្កានុពលក្នុងផ្នែកសិកម្មរបស់កម្ពុជា។

លោក កែ មុន្ធិវុធ ប្រធាននាយកដ្ឋានអនាម័យ និងភូតគាមអនាម័យ បានប្រាប់កម្ពុជាថ្មីថា ទំហំនៃការនាំចេញទឹក​មាត់ត្រចៀកកាំ នៅមិនទាន់ដឹងច្បាស់នៅឡើយ ព្រោះត្រូវប្រើពេលរៀបចំឯកសារចរចាជាមួយអគ្គរដ្ឋបាលគយចិន តាមដំណាក់កាល។ លោកបញ្ជាក់ថា ជាគោលដៅលោករដ្ឋមន្រ្តី វេង សាខុន បានណែនាំឱ្យជំរុញការងារនេះ​ឱ្យបានឆាប់ ដើម្បីបើកទីផ្សារ។

ប្រធាននាយកដ្ឋានអនាម័យ និងភូតគាមអនាម័យ បន្ថែមដូច្នេះថា«ពេលដែលយើងចរចាបើកទីផ្សារនាំចេញ​ផលិផលនេះទៅចិនបាន គឺអាចជួយសេដ្ឋកិច្ចជាតិ ដោយសារសម្បុកត្រចៀកកាំមានតម្លៃខ្ពស់ បើសិនជា​បាននាំចេញគុណនឹងលុយច្រើនណាស់ ខ្ញុំមានសុទិដ្ឋិនិយមសប្បាយរីករាយ និងមានកម្លាំងចិត្តក្នុងការ​ជំរុញកិច្ចការងារនេះ សង្ឃឹមថា យើងនឹងជោគជ័យឆាប់ៗនេះ»។

សូមបញ្ជាក់ថា នៅទូទាំងប្រទេសកម្ពុជា មាន​ផ្ទះត្រចៀកកាំចំនួន ​៨៧២​ផ្ទះ ដោយអាចផ្តល់ផលចន្លោះពី ១តោន-១,៥តោន/ខែ។​ ​សម្បុកត្រចៀកកាំ​ទើបប្រមូល មានតម្លៃចាប់ពី ៧០០-៩០០ដុល្លារ​ ក្នុងមួយគីឡូក្រាម និងសម្បុក​ត្រចៀកកាំ ដែល​អាច​បរិភោគបាន មានតម្លៃ​ចាប់ពី ១ ៥០០-២ ០០០ដុល្លារ ក្នុងមួយគីឡូក្រាម។ នេះបើយោងតាមស្ថិតិ​​របស់រដ្ឋបាលព្រៃឈើនៃអគ្គនាយកដ្ឋានកសិកម្ម ក្នុងឆ្នាំ២០២០៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ៨ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ១១ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ១១ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ១១ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៧ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

ជីវិតកម្សាន្ដ២ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម