សេដ្ឋកិច្ច
មីក្រូហិរញ្ញវត្ថុ ផ្តល់ឥណទានជាង ៨,៧ ពាន់លានដុល្លារ ដល់អតិថិជនជាង ២ លាននាក់
លោក សុខ វឿន ប្រធានក្រុមប្រឹក្សាអភិបាលនៃសមាគមមីក្រូហិរញ្ញវត្ថុកម្ពុជាបានបញ្ជាក់ថា គិតត្រឹមដំណាច់ត្រីមាសទីពីរឆ្នាំ២០២២ នេះ គ្រឹះស្ថានមីក្រូហិរញ្ញវត្ថុដែលជាសមាជិករបស់សមាគម បានផ្តល់នូវឥណទានជាង ៨,៧ ពាន់លានដុល្លារអាមេរិក ដល់អតិថិជនប្រមាណ ២ លាននាក់។
លើកឡើងក្នុងពិធីចុះអនុស្សរណៈយោគយល់គ្នារវាងសមាគមមីក្រូហិរញ្ញវត្ថុកម្ពុជា សមាគមធនាគារនៅកម្ពុជា និងសមាគមសហព័ន្ធហិរញ្ញវត្ថុនិងបច្ចេកវិទ្យានៅកម្ពុជានៅព្រឹកមិញនេះ លោក សុខ វឿន ប្រធានក្រុមប្រឹក្សាអភិបាលនៃសមាគមមីក្រូហិរញ្ញវត្ថុកម្ពុជាបានថ្លែងថា បើប្រៀបធៀបកាលពី ១០ ទៅ ២០ ឆ្នាំមុន ប្រជាជនមិនសូវប្រតិបត្តិការតាមប្រព័ន្ធធនាគារ ខណៈបច្ចុប្បន្ននេះការប្រើប្រាស់សេវាធនាគារកាន់តែទូលំទូលាយ។
សមាគមមីក្រូហិរញ្ញវត្ថុកម្ពុជាមានសមាជិកចំនួន ១២២ ស្ថាប័ន ដែលរួមមាន គ្រឹះស្ថានធនាគារចំនួន ៥ គ្រឹះស្ថានមីក្រូហិរញ្ញវត្ថុទទួលប្រាក់បញ្ញើចំនួន ៥ គ្រឹះស្ថានមីក្រូហិរញ្ញវត្ថុចំនួន ៧៤ ក្រុមហ៊ុនភតិសន្យាចំនួន ១២ គ្រឹះស្ថានឥណទានជនបទចំនួន ២៦។
លោក សុខ វឿន បានឲ្យដឹងថា ក្រៅពីផ្តល់ប្រាក់កម្ចី អតិថិជនប្រមាណ ២.៦ លាននាក់ បានដាក់ប្រាក់បញ្ញើជាមួយគ្រឹះស្ថានមីក្រូហិរញ្ញវត្ថុសរុបជាង ៤,៦ ពាន់លានដុល្លារអាមេរិក។ តួលេខនេះមិនរាប់បញ្ចូលទិន្នន័យពីធនាគារដែលជាសមាជិកសមាគមនោះទេ។
នៅព្រឹកមិញនេះ មានពិធីចុះអនុស្សរណៈយោគយល់គ្នា រវាងសមាគមធនាគារនៅកម្ពុជា (ABC) សមាគមមីក្រូហិរញ្ញវត្ថុកម្ពុជា (CMA) និងសមាគមសហព័ន្ធហិរញ្ញវត្ថុនិងបច្ចេកវិទ្យានៅកម្ពុជា(CAFT) ស្តីពី “វឌ្ឍនភាព នៃវិស័យ ធនាគារ និងហិរញ្ញវត្ថុនៅកម្ពុជា”។
តាមរយៈអនុស្សរណៈយោគយល់គ្នានេះ សមាគមទាំងបីនឹងសហការរួមគ្នាក្នុងការលើកកម្ពស់បរិយាបន្នហិរញ្ញវត្ថុ ការយល់ដឹងផ្នែកបច្ចេកវិទ្យាហិរញ្ញវត្ថុ លើកកម្ពស់គំនិតផ្ដួចផ្ដើមអាជីវកម្មប្រកបដោយការទទួលខុសត្រូវសង្គម និងការកសាងសមត្ថភាពដែលផ្តោតសំខាន់លើអាជីវកម្មផ្នែកធនាគារ និងហិរញ្ញវត្ថុ។
លោក Raymon Sia Say Guan ប្រធានក្រុមប្រឹក្សាភិបាលនៃសមាគមធនាគារនៅកម្ពុជាបានថ្លែងឲ្យដឹងដែរថា ការចុះអនុស្សរណៈយោគយល់គ្នារវាងសមាគមទាំង ៣ នឹងចូលរួមចំណែកយ៉ាងសំខាន់ មិនត្រឹមតែជួយលើកស្ទួយប្រព័ន្ធបច្ចេកវិទ្យាហិរញ្ញវត្ថុ សម្រាប់គ្រឹះស្ថានហិរញ្ញវត្ថុប៉ុណ្ណោះទេ តែក៏ជាឱកាសថ្មីមួយសម្រាប់ប្រជាជនកម្ពុជាបានសិក្សាស្វែងយល់បន្ថែមពីបចេ្ចវិទ្យាថ្មីៗ ជាពិសេសជាឱកាសសម្រាប់អ្នកដែលមានអាជីវកម្មថ្មីក្នុងវិស័យហិរញ្ញវត្ថុ ដើម្បីយកទៅអនុវត្តឱ្យមានប្រសិទ្ធភាពក្នុងប្រតិបត្តិការរបស់ខ្លួននៅថ្ងៃអនាគត៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ