សេដ្ឋកិច្ច

លោកស្រី ឌិត នីតា៖ ទំនុកចិត្តវិនិយោគិន ជារឿងសំខាន់ក្នុងការរក្សាស្ថិរភាព និងការរីកចម្រើននៃប្រព័ន្ធហិរញ្ញវត្ថុ

បានផុស

១០ ខែ មុន

នៅ

ថ្ងៃសុក្រ ២៦ កញ្ញា ២០២៥

ដោយ

ប្រធានក្រុមប្រឹក្សាភិបាលសមាគមមីក្រូហិរញ្ញវត្ថុ លោកស្រី ឌិត នីតាបានគូសបញ្ជាក់ថា ទំនុកចិត្តរបស់វិនិយោគិន ជារឿងដែលមានសារៈសំខាន់ណាស់នៅក្នុងការរក្សានូវស្ថិរភាព និងការរីកចម្រើននៃប្រព័ន្ធហិរញ្ញវត្ថុរបស់កម្ពុជា សំដៅធ្វើយ៉ាងណាការរក្សាបាននូវកំណើនប្រកបដោយចីរភាព និងបរិយាបណ្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងកិច្ចពិគ្រោះយោបល់កម្រិតខ្ពស់ លើកទី៣ ជាមួយពហុភាគីពាក់ព័ន្ធស្តីពីមីក្រូហិរញ្ញវត្ថុនៅកម្ពុជា នាថ្ងៃទី២៥ ខែកញ្ញា នេះ លោកស្រី ឌិត នីតា បានមានប្រសាសន៍ថា កិច្ចពិគ្រោះ យោបល់នេះ ជាជំហ៊ានវិត្តដ៏សំខាន់មួយសម្រាប់វិស័យហិរញ្ញវត្ថុនៅកម្ពុជា។ សមាគមប្តេជ្ញាធានាឱ្យថា វិស័យមីក្រូហិរញ្ញវត្ថុនៅតែបន្តជាកម្លាំងចលករដ៏សំខាន់មួយដើម្បីពង្រឹងសេដ្ឋកិច្ច កាត់បន្ថយភាពក្រីក្រ និងជំរុញកំណើនសេដ្ឋកិច្ចប្រកបដោយបរិយាប័ន្ន។

លោកស្រី បានសង្កត់ធ្ងន់ថា យើងស្វាគមន៍ វិនិយោគិន និងដៃគូទាំងអស់ដែលមានចក្ខុវិស័យរួមគ្នាជាមួយយើងក្នុងការសម្រេចឱ្យបាននូវប្រព័ន្ធហិរញ្ញវត្ថុប្រកបដោយនិរន្តរភាព ការទទួលខុសត្រូវ និងភាពធន់។

លោកស្រី ឌិត នីតា បន្ថែមថា «ទំនុកចិត្ត របស់វិនិយោគិនមានសារៈសំខាន់ណាស់ក្នុងការរក្សាស្ថិរភាព និងការរីកចម្រើននៃប្រព័ន្ធហិរញ្ញវត្ថុរបស់ កម្ពុជា។ យើងរួចគ្នាអាចធានាបាននូវលទ្ធភាពទទួលបានសេវាហិរញ្ញវត្ថុ ដែលជួយលើកកម្ពស់សិទ្ធិ សហគមន៍ និងលើកកម្ពស់សេដ្ឋកិច្ចរបស់ប្រទេសកម្ពុជា»។

ជាមួយគ្នានេះ សមាគមមីក្រូហិរញ្ញវត្ថុកម្ពុជា ក៏បានអំពាវនាវទៅកាន់វិនិយោគិនក្នុងវិស័យហិរញ្ញវត្ថុទាំងក្នុងស្រុក និង អន្តរជាតិ ឱ្យចូលរួមគាំទ្រយ៉ាងសកម្មដល់កិច្ចពិគ្រោះយោបល់ដែលកំពុងបន្តដំណើរការនេះតាមរយៈ ការវិនិយោគលើគំនិតផ្ដួចផ្ដើមផ្នែកហិរញ្ញវត្ថុប្រកបដោយការទទួលខុសត្រូវ ដែលផ្តល់អាទិភាពដល់ផល ចំណេញផ្នែកហិរញ្ញវត្ថុ និងផលជះសង្គមជាវិជ្ជមាន៕