សេដ្ឋកិច្ច
លោក ហេង សួរ ៖ ការនាំចេញវិស័យកាត់ដេររបស់កម្ពុជា ធ្លាក់ចុះលើស១០ភាគរយ
មន្រ្តីជាន់ខ្ពស់ក្រសួងការងារ និងបណ្តុះបណ្តាលវិជ្ជាជីវៈ បានឱ្យដឹងថា ចាប់ពីខែ កញ្ញា រហូតដល់ដាច់ឆ្នាំ ២០២២ ការនាំចេញវិស័យកាត់ដេរ អាចធ្លាក់ចុះលើស ១០ភាគរយ ដោយសារវិបត្តិសង្គ្រាមអ៊ុយក្រែន-រុស្ស៊ី។
លោក ហេង សួរ រដ្ឋលេខាធិការ និងជាអ្នកនាំពាក្យក្រសួងការងារ ថ្លែងនៅក្នុងសន្និសីទសារព័ត៌មាន ស្ដីពី “សមិទ្ធផលសម្រេចបានរយៈពេល ៥ឆ្នាំកន្លងមក របស់ក្រសួងការងារ និងបណ្ដុះបណ្ដាលវិជ្ជាជីវៈ” នៅថ្ងៃទី ១២ ខែ តុលា ថា « បើយើងយកឆ្នាំធៀបនឹងឆ្នាំ ប្រហែលជាឃើញកំណើននៃការនាំចេញវិស័យកាត់ដេរ អាចធ្លាក់ចុះក្រោម ១០ភាគរយ តែបើយើងគិតត្រឹមត្រីមាសទី១ ទី២ ទី៣ កំណើននាំចេញនេះធ្លាក់ចុះលើស ១០ភាគរយ»។
លោកបន្តថា ការធ្លាក់ចុះនេះដោយសារវិបត្តិសង្គ្រាមនៅអ៊ុយក្រែន រុស្ស៊ី ដែលធ្វើឱ្យអត្រាអតិផរណានៅអាមេរិក និងអឺរ៉ុបមានការកើនឡើងខ្លាំង ដោយការចំណាយរបស់ពលរដ្ឋនៅទីនោះ ផ្តោតសំខាន់ទៅលើប្រេងឥន្ធនៈ ថាមពល និងអគ្គិសនី។ ដូច្នេះហើយ ទើបធ្វើឱ្យមានការកាត់បន្ថយការប្រើប្រាស់សម្លៀកបំពាក់ បន្ថយការបញ្ជាទិញពីម្ចាស់ម៉ាកនានា។
លោក ហេង សួរ នៅមិនច្បាស់ថា ការនាំចេញវិស័យកាត់ដេររបស់កម្ពុជា នឹងល្អប្រសើរវិញនៅពេលណានៅឡើយទេ ដោយរង់ចាំមើលស្ថានភាពជម្លោះរវាងរុស្ស៊ី និងអ៊ុយក្រែន ថាតើបញ្ចប់នៅពេលណា។
ទោះយ៉ាងណាក្រសួងការងារ បានជួបនឹងដៃគូពាក់ព័ន្ធ រួមទាំងម្ចាស់ម៉ាកដែលបញ្ជាទិញ ដោយពួកគេប្តេជ្ញាថា នឹងបញ្ជាទិញឱ្យបានជាអតិប្បរមា បើធៀបនឹងប្រទេសដទៃ ដោយសារកម្ពុជា មានផែនការជាក់លាក់អំពីការអភិវឌ្ឍវិស័យកាត់ដេរសម្លៀកបំពាក់ ស្បែកជើង និងកាបូប។ នេះជាការបន្ថែមរបស់លោក ហេង សួរ។
សូមបញ្ជាក់ថា កម្ពុជា មានរោងចក្រកាត់ដេរប្រមាណជិត ១៣០០រោងចក្រ កំពុងដំណើរការ និងបានបង្កើតការងារក្នុងវិស័យនេះ ដោយផ្ទាល់ជាង ៨៣ម៉ឺននាក់ ដោយប្រយោលជិត ១លាននាក់ សរុបមនុស្សជិត ២លាននាក់ ទទួលបានផលប្រយោជន៍ពីវិស័យនេះ។ នេះបើតាមរបាយការណ៍ក្រសួងការងារ៕
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»