Connect with us

សេដ្ឋកិច្ច

វៀតណាម កើនចំណូលខ្ពស់ពីការនាំចេញត្រីងៀត

បានផុស

នៅ

ចំណូលពីការនាំចេញត្រីងៀត និងត្រីកំប៉ុង​វៀតណាម មានការកើនឡើងខ្ពស់ បើទោះបីជា​ការនាំចេញផលិតផលអាហារសមុទ្រវៀតណាមទាំងមូល ចាប់ពីខែមករាដល់ខែឧសភា មានការធ្លាក់ចុះក៏ដោយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈទិន្នន័យរបស់ក្រសួងកសិកម្ម និងអភិវឌ្ឍន៍ជនបទវៀតណាមបានឲ្យដឹងថា ការនាំចេញអាហារសមុទ្រមានចំនួន ៣.៤៧ ពាន់លានដុល្លារអាមេរិកក្នុងរយៈពេល ៥ ខែ ពោលធ្លាក់ចុះ ២៥.៩ ភាគរយធៀបនឹងរយៈពេលដូចគ្នាកាលពីឆ្នាំមុន ។

ការធ្លាក់ចុះនេះ គឺដោយសារតែទីផ្សារធំៗ​ដូច​ជា ​សហរដ្ឋ​អាមេរិក សហភាព​អឺរ៉ុប ចិន និង​កូរ៉េ​ខាង​ត្បូង​ កាត់បន្ថយការនាំចូលរបស់ពួកគេ ខណៈទីផ្សារអាមេរិកថយចុះជាង ៥០ ភាគរយ ។

បើទោះបីអាហារសមុទ្រទាំងមូល​មានការធ្លាក់ចុះក៏ដោយ ប៉ុន្តែ​ត្រី​ងៀត និង​ត្រី​កំប៉ុង​ មានសន្ទុះនៃការនាំចេញខ្ពស់ ។ នៅក្នុងខែមេសា ការនាំចេញត្រីសមុទ្រស្ងួតជាច្រើនប្រភេទ មានការកើនឡើងគួរឲ្យកត់សម្គាល់នៃប្រាក់ចំណូលរហូតដល់ ៦៥ ភាគរយ ដោយទទួលបានជិត ២៦ លានដុល្លារ ។

សរុបរយៈពេល ៤ ខែដំបូង ផលិតផលត្រីងៀត ​និង​ត្រីកំប៉ុង ទទួលបានប្រាក់ចំណូលជិត ៧៨ លានដុល្លារ ដែលជាអត្រាកំណើនគួរឲ្យកត់សម្គាល់មានដល់ ៣៣ ភាគរយ ខណៈចិនដីគោក រុស្ស៊ី ម៉ាឡេស៊ី ហុងកុង និងកូរ៉េខាងត្បូង គឺជាទីផ្សារឈានមុខគេ ក្នុងការនាំចូលត្រីងៀតពីវៀតណាម ។

សម្រាប់ការធ្លាក់ចុះ​នៃការនាំចេញគ្រឿងសមុទ្រស្រស់ លោក Truong Dinh Hoe អគ្គលេខាធិការនៃសមាគមអ្នកនាំចេញ និងផលិតអាហារសមុទ្រវៀតណាម (VASEP) យល់ថា ដោយសារតែអតិផរណា អតិថិជនទំនងជាមិនសូវទិញត្រីស្រស់នោះទេ ស្របពេលដែលតម្លៃលក់កើនឡើងផង ទើបជាហេតុនាំឲ្យពួកគេមកចាប់អារម្មណ៍​លើត្រីងៀតវិញ ៕

ប្រែសម្រួល៖ នាង រតនៈ

ប្រភព ៖ Tuoi Tre

ចុចអាន ៖ ការនាំចេញទំនិញរបស់ ថៃ ធ្លាក់ចុះមិនធ្លាប់មានក្នុងរយៈពេល ៧ ខែជាប់គ្នា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម