ព័ត៌មានជាតិ
តិចមិនដឹង នៅស្រុកខ្មែរយើងមានមីផលិតក្នុងស្រុកដល់ទៅ ៣ ក្រុមហ៊ុនកំពុងប្រកួតមីនាំចូល
មីជាអាហារសម្រន់ដ៏ពេញនិយមសម្រាប់ពលរដ្ឋខ្មែរ។ លើទីផ្សារមានមីច្រើនម៉ាកខ្លះនាំចូលពីក្រៅមក។ តែបច្ចុប្បន្ននៅស្រុកខ្មែរយើងនេះ មានមីផលិតក្នុងស្រុកដល់ទៅ ៣ រសជាតិមិនចាញ់មីនាំចូលនោះទេ។
១/ មីម៉ាម៉ា
មីម៉ាម៉ាជាយីហោមីដ៏ល្បីល្បាញរបស់ប្រទេសថៃ បង្កើតឡើងតាំងពីឆ្នាំ១៩៧២ ដោយក្រុមហ៊ុន Thai President Food PLC។
ពលរដ្ឋខ្មែរច្រើននិយមហៅមីម៉ាម៉ា គឺមីថៃ ឬមីសៀម។ ការពិតមីម៉ាម៉ា មានរោងចក្រផលិតក្នុងស្រុកខ្មែរយើងជាយូរឆ្នាំមកហើយ ហើយបងប្អូនជាច្រើនច្រឡំថានាំចូលពីថៃ។ លក្ខណៈពិសេសរបស់មីថៃឬម៉ាម៉ានេះ ក្រៅពីអាចញាំទទេជាអាហារសម្រន់ ឬក៏អាចញាំឆុងជាមួយទឹកក្ដៅក៏បាន។
មីម៉ាម៉ា ដែលផលិតនៅក្នុងប្រទេសកម្ពុជា មានច្រើនរសជាតិដូចជា សាច់មាន់ សាច់ជ្រូកចិញ្ច្រាំ រសជាតិតុងយ៉ាំជាដើម ហើយក្នុងមួយខែអាចលក់ចេញបានជាង ៤០ ០០០ ទៅ ៨០ ០០០ កេស។
២/មីជាតិ
មីជាតិ ទើបតែបង្កើតប្រហែលពីរឆ្នាំនេះទេ វិនិយោគទុនក្នុងស្រុកទាំងស្រុង ដែលបើករោងចក្រនៅឆ្នាំ២០១៩ ដោយក្រុមហ៊ុន One More Manufacturing។ មានទីតាំងស្ថិតនៅលើមហាវិថីឈ្នះឈ្នះផ្លូវកប់ស្រូវ ក្នុងភូមិត្រពាំងពោធិ៍ សង្កាត់គោករការ ខណ្ឌពោធិ៍សែនជ័យ។
ប្រើប្រាស់ពាក្យស្លោក «មីជាតិ ស្នាដៃខ្មែរ រសជាតិខ្មែរ» មីជាតិមានបីរសជាតិ គឺរសជាតិខគោ រសជាតិសាច់ជ្រូកចិញ្ច្រាំ និងរសជាតិស៊ុបមាន់។
ក្នុងមួយឆ្នាំ អាចផលិតបាន ១៥០ លានកញ្ចប់ ក្នុង ១ ឆ្នាំ។ នេះបើតាមប្រកាសរបស់ក្រុមហ៊ុនក្នុងថ្ងៃបើកសម្ពោធ។
៣/ មីយើង
ក្រុមហ៊ុនម៉ែន សារុន បានដាក់ឲ្យដំណើរការរោងចក្រផលិតមីយើង ចាប់តាំងពីឆ្នាំ២០០៨ ហើយក៏ជាក្រុមហ៊ុនខ្មែរដំបូងគេ មានសមត្ថភាពផលិតមីដើម្បីបម្រើតម្រូវការក្នុងស្រុក។
ទទួលបានការវាយតម្លៃ ជាផលិតផល ដែលមានស្តង់ដាអនាម័យល្អ ចំពោះសុខភាព និងទទួលស្គាល់ដោយអង្គការចំណីអាហារអន្តរជាតិ (ISO) ផលិតផលមីយើងក៏ទទួលបានគារគាំទ្រច្រើនដែរ។
មីយើងផលិតមាន មាន ៤ រសជាតិ គឺរសជាតិសាច់ជ្រូក សាច់មាន់ សាច់គោ និងសាច់ទា៕
អត្ថបទ៖ ប៊ុណ្ណារ៉ា
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៨ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ