ព័ត៌មានអន្ដរជាតិ

អឺរ៉ុបព្រមានថា ផលិតផលម្ទេសវៀតណាមរំលោភលើស្ដង់ដារសុវត្ថិភាពចំណីអាហារ

បានផុស

១ year មុន

នៅ

ថ្ងៃពុធ ៣ កក្កដា ២០២៤

ដោយ

អាជ្ញាធរជូនដំណឹងអំពីអនាម័យ និងភូតគាមអនាម័យ និងច្រកស៊ើបអង្កេតវៀតណាម (SPS Vietnam) បានឱ្យដឹងថា បណ្តាប្រទេសនៅសហភាពអឺរ៉ុបបានព្រមានថា ម្សៅម្ទេសសរីរាង្គ និងផលិតផលម្ទេសនាំចេញពីវៀតណាម បានរំលោភបំពានស្តង់ដារសុវត្ថិភាពចំណីអាហារ។ នេះបើតាមការចុះផ្សាយរបស់កាសែត Việt Nam News។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការិយាល័យបានទទួលការព្រមាននេះ ដោយផ្ទាល់ពីអាជ្ញាធរទទួលបន្ទុកលើប្រព័ន្ធប្រកាសអាសន្នរហ័សសម្រាប់អាហារ និងចំណី (RASFF) របស់សហភាពអឺរ៉ុប (EU)។

ការព្រមាននេះធ្វើឡើង ក្រោយសមាគមម្រេច និងគ្រឿងទេសវៀតណាម បានផ្តល់អនុសាសន៍ថា ផលិតផលកសិកម្ម និងអាហារដែលនាំចេញទៅកាន់សហភាពអឺរ៉ុប ត្រូវតែគោរពយ៉ាងតឹងរឹងនូវបទប្បញ្ញត្តិសុវត្ថិភាពចំណីអាហាររបស់ប្លុក រួមទាំងបញ្ហាលើសារធាតុបន្សល់ពីថ្នាំសម្លាប់សត្វល្អិត សារធាតុរក្សាទុក និងសារធាតុបន្ថែមផ្សេងទៀតនៅក្នុងផលិតផល។

សមាគមបន្តថា អ្នកនាំចេញវៀតណាម ត្រូវប្រាកដថា ផលិតផលរបស់ខ្លួនគ្មានផ្ទុកសារធាតុគីមីលើស តាមរយៈការត្រួតពិនិត្យមុនការមុនចេញ ព្រោះថា ភាពប្រាកដប្រជាបែបនេះ មិនត្រឹមតែជួយអាជីវកម្មលើកកំពស់កេរ្តិ៍ឈ្មោះ និងគុណភាពផលិតផលប៉ុណ្ណោះទេ ប៉ុន្តែថែមទាំងបង្កើតលក្ខខណ្ឌអំណោយផលសម្រាប់ខ្លួនក្នុងការចូលទៅកាន់ និងពង្រីកទីផ្សារនាំចេញផងដែរ។

គួរគូសបញ្ជាក់ថា នាពេលថ្មីៗនេះ សហភាពអឺរ៉ុបបានសម្រេចបង្កើនការត្រួតពិនិត្យផលិតផលម្ទេស និងផ្លែស្រកានាគដែលនាំចូលពីវៀតណាមជាញឹកញាប់ ដែលភាគច្រើនទាក់ទងនឹងសុវត្ថិភាពចំណីអាហារ រួមទាំងការព្រួយបារម្ភលើសារធាតុគីមីផ្សេងៗ ដែលបន្សល់ពីការបាញ់ថ្នាំសម្លាប់សត្វល្អិតជាដើម៕

Related Topics: