ព័ត៌មានជាតិ

ប្រជាពលរដ្ឋខ្មែរប្រមាណ ៥០០ នាក់ នៅប្រទេសជប៉ុន ប្រមូលផ្ដុំតវ៉ា និងថ្កោលទោស ប្រឆាំងការឈ្លានពានរបស់ចោរសៀមលើអធិបតេយ្យភាពកម្ពុជា

បានផុស

១០ ខែ មុន

នៅ

ថ្ងៃអាទិត្យ ២៧ កក្កដា ២០២៥

ដោយ

(ជប៉ុន)៖ ប្រជាពលរដ្ឋខ្មែរដែលកំពុងតែរស់នៅ និងធ្វើការនៅប្រទេសជប៉ុន នៅព្រឹកថ្ងៃទី២៧ ខែកក្កដា ឆ្នាំ២០២៥ នេះ បានប្រមូលផ្ដុំគ្នាតវ៉ា និងថ្កោលទោសប្រឆាំងនឹងការឈ្លានពានរបស់សៀមមកលើអធិបតីភាពនៃព្រះរាជាណាចក្រកម្ពុជា។ ការជួបជុំនេះ គឺធ្វើឡើងពីពលរដ្ឋខ្មែរគ្រប់និន្នាការទាំងអស់ ដើម្បីបញ្ជូនសារប្រឆាំងការឈ្លានពានថៃ និងគាំទ្រវីរកងទ័ពខ្មែរដែលអង់អាចក្លាហានការពារបូរណភាពទឹកដី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ពលរដ្ឋខ្មែរនៅប្រទេសជប៉ុនបានជួបជុំគ្នាចំនួន ៦ ទីតាំង ក្នុងនោះរួមមាន ការជួបជុំនៅស្រុកអាយកាវ៉ា ខេត្តកាណាហ្គាវ៉ា ការជួបជុំនៅក្រុងតូយ៉ូហាស៊ី ខេត្តអាយឈិ និងការជួបជុំនៅតារាងបាល់ទាត់ NishiGifu នៅខេត្តហ្គិហ្វុ ប្រទេសជប៉ុនជាដើម ដែលសរុបមានប្រមាណជិត ៥០០នាក់។

សូមបញ្ជាក់ថា ក្រៅពីការប្រមូលផ្តុំនាពេលនេះ ពលរដ្ឋខ្មែរនៅជប៉ុន នឹងបន្តប្រមូលផ្តុំជាបន្តបន្ទាប់ដើម្បីបង្ហាញការរួបរួមគ្នាជាមួយពលរដ្ឋក្នុងស្រុក និងរដ្ឋាភិបាលកម្ពុជាប្រឆាំងការឈ្លានពានពីសំណាក់ទាហានថៃមកលើកម្ពុជា។

គួររំលឹកថា ក្រៅពីប្រទេសជប៉ុន ពលរដ្ឋខ្មែរនៅលើពិភពលោកដែលរួមមាន កូរ៉េ និងអូស្ត្រាលីជាដើម បានប្រមូលផ្តុំគ្នាធ្វើបាតុកម្មប្រឆាំងការឈ្លានពានរបស់កងទ័ពថៃមកលើទឹកដីនៃព្រះរាជាណាចក្រកម្ពុជាដែលបានបង្កវិនាសកម្មដល់អាយុជីវិតមនុស្ស និងប្រាង្គប្រាសាទដែលជាសម្បត្តិបេតិកភណ្ឌពិភពលោក ហើយការឈ្លានពានរបស់ថៃនេះ បានបណ្តាលឱ្យពលរដ្ឋរាប់ម៉ឺននាក់ចាកចេញពីផ្ទះសំបែងថែមទៀតផង៕