ព័ត៌មានអន្ដរជាតិ
ឧស្សាហកម្មកាត់ដេរ និងវាយនភណ្ឌវៀតណាម រំពឹងកើនឡើងនៅឆមាសទី២ ដោយសារកំណើនបញ្ជាទិញ
ឧស្សាហកម្មកាត់ដេរ និងវាយនភណ្ឌរបស់ប្រទេសវៀតណាម រំពឹងថានឹងមានកំណើនដ៏រឹងមាំនៅក្នុងឆមាសទី២នៃឆ្នាំនេះ ដោយសារតែកំណើននៃការបញ្ជាទិញ និងភាពប្រសើរឡើងនៃតម្រូវការអ្នកប្រើប្រាស់។ នេះបើតាមការចុះផ្សាយរបស់កាសែត Viet Nam News។
ប្រធានសមាគមវាយនភណ្ឌ និងកាត់ដេរវៀតណាម លោក Vũ Đức Giang បានលើកឡើងថា សហគ្រាសជាច្រើនទទួលបានការបញ្ជាទិញសម្រាប់ខែតុលា និងវិច្ឆិកា ដែលផ្ដល់ជាសង្ឃឹមសម្រាប់កំណើនដ៏រឹងមាំសម្រាប់ឆមាសចុងក្រោយ ឆ្ពោះទៅសម្រេចបាននូវគោលដៅនាំចេញចំនួន ៤៤ ប៊ីលានដុល្លារពេញមួយឆ្នាំ ២០២៤។
កំណើនបញ្ជាទិញ កើតឡើងខណៈសេដ្ឋកិច្ចនៃប្រទេសនាំចូលសំខាន់ៗសម្រាប់ផលិតផលកាត់ដេរ និងវាយនភណ្ឌ ដូចជាសហរដ្ឋអាមេរិក និងសហភាពអឺរ៉ុប កំពុងស្ទុះងើបឡើងវិញ ខណៈអតិផរណាក្នុងបណ្ដាប្រទេសទាំងអស់នោះស្ថិតនៅក្រោមការគ្រប់គ្រង ដែលធ្វើឱ្យអំណាចទិញមានភាពប្រសើរឡើង។ ជាមួយគ្នានោះ ស្ដុកទំនិញរបស់ម៉ាកសម្លៀកបំពាក់ផ្សេងៗក៏ធ្លាក់ចុះយ៉ាងខ្លាំង។
អគ្គនាយកក្រុមហ៊ុនវាយនភ័ណ្ឌ និងកាត់ដេរជាតិវៀតណាម លោក Cao Hữu Hiếu បាននិយាយថា ក្រុមហ៊ុនកាត់ដេរភាគច្រើនមានការបញ្ជាទិញសម្រាប់ផលិតកម្មរហូតដល់ដំណាច់ត្រីមាសទី ៣ ហើយការចរចារសម្រាប់ការបញ្ជាទិញថ្មីសម្រាប់ត្រីមាសចុងក្រោយ ដែលជារដូវកាលកំពូលសម្រាប់លក់ ដូចជារដូវបុណ្យណូអែល និងឆ្លងឆ្នាំសកលជាដើម។
លោក Hiếu បានព្យាករថា ការនាំចេញសម្លៀកបំពាក់ និងវាយនភណ្ឌរបស់វៀតណាម នឹងកើនឡើងពី ៨ ទៅ ១០ ភាគរយនៅឆ្នាំ ២០២៤ នេះ។
បើតាម Viet Nam News ទំហំនៃការនាំចេញសម្លៀកបំពាក់ និងវាយនភណ្ឌរបស់វៀតណាម ត្រូវបានប៉ាន់ប្រមាណថាបានឈានដល់ ១៦,២៨២ ប៊ីលានដុល្លារក្នុងឆមាសទី១នៃឆ្នាំនេះ ដោយកើនឡើង ៣ ភាគរយ ធៀបនឹងរយៈពេលដូចគ្នាកាលពីឆ្នាំមុន។
ទោះជាមានកំណើនបែបនេះក៏ដោយ លោក Giang បានលើកឡើងផងដែរថា ក្រុមហ៊ុនកាត់ដេរកំពុងប្រឈមមុខនឹងបញ្ហាជាច្រើន ដូចជាការបញ្ជាទិញមានទំនោរតូចជាងមុន និងពេលវេលាផលិតកម្មខ្លីជាដើម។ ក្រៅពីនេះ ក្រុមវៀតណាម ក៏រងនូវបទប្បញ្ញត្តិតឹងរ៉ឹងសម្រាប់ផលិតកម្មបៃតង និងប្រកបដោយនិរន្តរភាព ដើម្បីអាចនាំចេញទៅកាន់ទីផ្សារដូចជាសហភាពអឺរ៉ុប និងសហរដ្ឋអាមេរិក។
លើសពីនេះ កង្វះកម្លាំងពលកម្មក៏ជាបញ្ហាប្រឈមផងដែរ។ តាមការប៉ាន់ស្មាន ឧស្សាហកម្មកាត់ដេរ និងវាយនភណ្ឌរបស់វៀតណាម ត្រូវការកម្មករប្រមាណ ៥០០ ០០០ នាក់ បន្ថែមទៀត៕
-
ព័ត៌មានអន្ដរជាតិ១ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
កីឡា៥ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៤ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
អត្ថាធិប្បាយ៦ ថ្ងៃ agoវិចារណកថាចក្ខុវិស័យកែទម្រង់យោធាកម្ពុជា៖ ពីកម្លាំងបរិមាណ ឆ្ពោះទៅកងទ័ពជំនាញឌីជីថល និងមនសិកាការពារជាតិ
-
ព័ត៌មានអន្ដរជាតិ១៣ ម៉ោង agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានអន្ដរជាតិ៤ ម៉ោង agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
ព័ត៌មានអន្ដរជាតិ៧ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានជាតិ៣ ថ្ងៃ agoរោងចក្រផលិតជីក្រុមហ៊ុន ម៉ុង ឫទ្ធី ចាយទុនប្រមាណ ១០ លាន នឹងចាប់ផ្តើមផលិតចែកចាយលក់ក្នុងតម្លៃទាប ជួយកសិករដាំដុះដំណាំកសិកម្ម