ព័ត៌មានអន្ដរជាតិ
សិង្ហបុរីស៊ើបអង្កេតមនុស្សជាង ៣០០ នាក់ ក្នុងករណីបោកប្រាស់ ១២,៨ លានដុល្លារ
ប៉ូលិសសិង្ហបុរី កំពុងធ្វើការស៊ើបអង្កេតមនុស្សចំនួន ៣០៥ នាក់ ជុំវិញការចោទប្រកាន់ក្នុងករណីបោកប្រាស់ជនរងគ្រោះយកប្រាក់ជាង ១២,៨ លានដុល្លារ។ នេះបើតាមការចុះផ្សាយរបស់កាសែតក្នុងស្រុក Strait Times។
ក្នុងសេចក្តីថ្លែងការណ៍មួយកាលពីសប្ដាហ៍មុន ប៉ូលិសសិង្ហបុរីបាននិយាយថា បុរសចំនួន ២២៣ នាក់ និងស្រ្តី ៨២ នាក់ ដែលមានអាយុចន្លោះពី ១៥ ដល់ ៧៩ ឆ្នាំ កំពុងស្ថិតនៅក្រោមការស៊ើបអង្កេត ចំពោះការចោទប្រកាន់ថាជាប់ពាក់ព័ន្ធក្នុងសំណុំរឿងជាង ១ ៥០០ ករណី ក្នុងនាមជាអ្នកបោកប្រាស់ ឬបណ្ដាញកាន់លុយដែលបានមកពីការឆបោក។
បើតាម Strait Times គម្រោងនៃការបោកប្រាស់ ដែលរងការចោទប្រកាន់រួមមាន ការវិនិយោគ ពាណិជ្ជកម្មអេឡិចត្រូនិក ការងារ ការក្លែងបន្លំជាមិត្តភ័ក្តិ «អ្នកទិញក្លែងក្លាយ» និងការបោកប្រាស់ដោយប្រើការលួមលោមស្នេហាតាមអ៊ិនធឺណិត។ ជនសង្ស័យកំពុងរងការស៊ើបអង្កេតពីបទឆបោក លាងលុយ និងផ្តល់សេវាទូទាត់ប្រាក់ដោយគ្មានអាជ្ញាប័ណ្ណ។
អ្នកដែលរកឃើញថាមានជាប់ពិរុទ្ធពីបទឆបោក អាចត្រូវជាប់ពន្ធនាគាររហូតដល់ ១០ ឆ្នាំ និងពិន័យជាប្រាក់ ខណៈដែលបទល្មើសនៃការលាងលុយ ត្រូវផ្តន្ទាទោសដាក់ពន្ធនាគាររហូតដល់ ១០ ឆ្នាំ ពិន័យជាប្រាក់រហូតដល់ ៥០០ ០០០ ដុល្លារ ឬទាំង២។ ប្រសិនបើរងការផ្តន្ទាទោសពីបទអនុវត្តសេវាកម្មទូទាត់ពាណិជ្ជកម្មដោយគ្មានអាជ្ញាប័ណ្ណ ជនសង្ស័យអាចត្រូវផាកពិន័យរហូតដល់ ១២៥ ០០០ ដុល្លារអាមេរិក ជាប់គុករហូតដល់ ៣ ឆ្នាំ ឬទាំង២។
គេមើលឃើញថា ការបោកប្រាស់នៅប្រទេសសិង្ហបុរីកំពុងកើនឡើង ដោយស្ថិតិឆបោកពាក់កណ្តាលឆ្នាំ និងឧក្រិដ្ឋកម្មតាមអ៊ិនធឺណិតរបស់ប៉ូលិសសិង្ហបុរី ដែលចេញផ្សាយនៅថ្ងៃទី ២២ ខែសីហា បានបង្ហាញថា ចំនួនករណីក្នុងឆមាសទី១នៃឆ្នាំ ២០២៤ បានកើនឡើង ១៦,៣ ភាគរយ ដល់ ២៦ ៥៨៧ ករណី ដែលជាកំណត់ត្រាខ្ពស់ថ្មី។ ជនរងគ្រោះក្នុងឆ្នាំ ២០២៤ បានបាត់បង់សរុបជាទឹកប្រាក់ច្រើនជាង ៣៨៥,៦ លានដុល្លារ កើនឡើង ២៤,៦ ភាគរយ ធៀបនឹងការបាត់បង់ ៣០៩,៤ លានដុល្លារ ក្នុងឆមាសទី១ឆ្នាំ ២០២៣៕
លោក Muñoz ៖«ពានរបស់យើងគឺជាក្រុមមួយកំពុងឆ្ពោះទៅមុខ»
អ្នកធាក់ស៊ីក្លូវជិត ៤០០ នាក់ ទទួលបានអំណោយពីលោកជំទាវបណ្ឌិតពេជ ចន្ទមុន្នី
សម្ដេច ហ៊ុន ម៉ាណែត កោតសរសើរក្លឹបបាល់ទាត់ព្រះខ័នរាជស្វាយរៀង ទទួលបានជើងឯករង ពាន AFC CHALLENGE LEAGUE
អាល្លឺម៉ង់ ប្រកាសលែងបង្ហើបដំណឹងអំពីជំនួយយោធាដែលផ្ដល់ឲ្យអ៊ុយក្រែនទៀតហើយ
រដ្ឋមន្ត្រី នេត្រ ភក្ត្រា វាយតម្លៃខ្ពស់ចំពោះក្រុមការងារគណបក្សចុះមូលដ្ឋាន រួមគ្នាបម្រើប្រជាពលរដ្ឋ
មាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
អឺរ៉ុបទាមទារបទឈប់បាញ់ដោយគ្មានលក្ខខណ្ឌនៅអ៊ុយក្រែន គំរាមដាក់ទណ្ឌកម្មថ្មីលើរុស្ស៊ី
អាល្លឺម៉ង់ ប្រកាសលែងបង្ហើបដំណឹងអំពីជំនួយយោធាដែលផ្ដល់ឲ្យអ៊ុយក្រែនទៀតហើយ
ពូទីន ស្នើកិច្ចចរចាសន្តិភាពដោយផ្ទាល់ជាមួយអ៊ុយក្រែន នៅសប្ដាហ៍ក្រោយ
ក្រសួងការងារដោះស្រាយបញ្ចប់ទំនាស់ រវាងរដ្ឋបាលនិងបុគ្គលិករោងចក្រស៊ីង កៃ សេន
-
ព័ត៌មានអន្ដរជាតិ៥ ថ្ងៃ agoប៉ាគីស្ថានបាញ់ទម្លាក់យន្តហោះចម្បាំងឥណ្ឌា៥គ្រឿង ខណៈជនស៊ីវិលស្លាប់កើនឡើងជាបន្ត
-
ព័ត៌មានអន្ដរជាតិ១ សប្តាហ៍ agoរុស្ស៊ីព្រមានអ៊ុយក្រែន បើហ៊ានវាយប្រហារថ្ងៃ៩ឧសភា ក្រុងកៀវទំនងមិនអាចរស់ដល់ថ្ងៃ១០ឧសភាទេ
-
ជីវិតកម្សាន្ដ១៨ ម៉ោង agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ព័ត៌មានអន្ដរជាតិ៥ ថ្ងៃ agoត្រាំ ងាកទៅរកមេដឹកនាំដ៏មានឥទ្ធិពលមួយរូប ឲ្យជួយបញ្ចប់សង្គ្រាម រុស្ស៊ី-អ៊ុយក្រែន
-
ព័ត៌មានជាតិ៤ ថ្ងៃ agoស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានជាតិ៤ ថ្ងៃ agoអាជ្ញាធរខណ្ឌ៧មករា ទុកឱសានវាទ៣ថ្ងៃ ដល់ក្រុមអាជីវករលក់ទុរេន នៅផ្លូវព្រះសីហនុ បង្កភាពអនាធិបតេយ្យ
-
ព័ត៌មានអន្ដរជាតិ៦ ថ្ងៃ agoរុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា
-
ព័ត៌មានអន្ដរជាតិ៣ ថ្ងៃ agoខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ