ព័ត៌មានអន្ដរជាតិ
វៀតណាមត្អូញត្អែរពីតម្លៃអង្ករនាំចេញ ធ្លាក់ចុះទាបបំផុតក្នុងរយៈពេល ៤ ឆ្នាំ
កសិករ និងពាណិជ្ជករវៀតណាម ត្អូញត្អែរពីការធ្លាក់ចុះនៃតម្លៃអង្ករនាំចេញ ដល់កម្រិតទាបបំផុតក្នុងរយៈពេល៤ឆ្នាំ ដែលបណ្ដាលមកពីកម្សោយតម្រូវការ និងការប្រកួតប្រជែងកាន់តែខ្លាំង។ នេះបើតាមការចុះផ្សាយរបស់កាសែត VnExpress កាលពីថ្ងៃអាទិត្យ។
តម្លៃអង្ករបាក់ ៥ ភាគរយ របស់វៀតណាម បានធ្លាក់ចុះដល់ ៤៣៤ ដុល្លារ/តោន ដែលវាជាតម្លៃទាបបំផុតក្នុងរយៈពេល៤ឆ្នាំ និងទាបជាងតម្លៃអង្កររបស់គូប្រជែងធំៗទាំងអស់ រួមមានថៃ (៤៧៩ ដុល្លារ/តោន) ឥណ្ឌា (៤៤០ ដុល្លារ/តោន) និងប៉ាគីស្ថាន (៤៤៨ ដុល្លារ/តោន)។ នេះបើតាមការឱ្យដឹងរបស់សមាគមអាហារវៀតណាម។
VnExpress បានស្រង់សម្ដីនៃការព្រួយបារម្ភរបស់កសិករវៀតណាម ដែលត្អូញត្អែរថា ការធ្លាក់ចុះនៃតម្លៃអង្ករនឹងធ្វើឱ្យប៉ះពាល់ខ្លាំងដល់ពួកគេដោយសារតែតម្លៃផលិតកម្មខ្ពស់ ខណៈពាណិជ្ជករបង្អែបង្អង់នឹងការប្រមូលទិញស្រូវថ្មីនារដូវប្រមូលផលដើមឆ្នាំ ២០២៥ ហើយក៏មិនហ៊ានទិញក្នុងតម្លៃខ្ពស់ដែរ ដោយសារតែខ្លាចខាត។
សមាគមអាហារវៀតណាមបានអះអាងថា ការធ្លាក់ចុះយ៉ាងខ្លាំងនៃតម្លៃនាំចេញអង្កររបស់វៀតណាម គឺបណ្តាលមកពីកត្តាជាច្រើន ដែលក្នុងនោះរួមមាន ប្រទេសនាំចូលអង្ករធំៗចេញគោលនយោបាយកាត់បន្ថយការនាំចូល ជៀសវាងការទិញក្នុងតម្លៃខ្ពស់ និងចេញផែនការបញ្ឈប់ការនាំចូលអង្ករនៅឆ្នាំ ២០២៥ ជាដើម។
តំណាងរបស់សមាគមបានបន្តថា ប្រទេសហ្វីលីពីន និងឥណ្ឌូណេស៊ី ដែលជាអ្នកទិញអង្ករសំខាន់ៗ២របស់វៀតណាម បានបង្កើនការនាំចូលរបស់ពួកគេនៅឆ្នាំ ២០២៤ ដើម្បីរក្សាសន្តិសុខស្បៀង។ ជាលទ្ធផល ពួកគេមិនប្រញាប់ប្រញាល់ទិញអង្ករវៀតណាមទៀតទេ ដោយរងចាំតម្លៃធ្លាក់ចុះបន្ថែមទៀត។
ការធ្លាក់ចុះនៃតម្លៃអង្ករវៀតណាម ក៏រួមចំណែកផងដែរ ពីការសម្រេចចិត្តរបស់ឥណ្ឌាក្នុងការបន្តការនាំចេញអង្ករជាថ្មី ដែលធ្វើឱ្យការប្រកួតប្រជែងមានកាន់តែខ្លាំងឡើងៗ។ អ្នកជំនាញមើលឃើញថា ការណ៍នេះនឹងធ្វើឱ្យតម្លៃអង្ករនាំចេញរបស់ប្រទេសផ្សេងៗ បន្តធ្លាក់ចុះជាមួយគ្នា ចំពេលដែលការផ្គត់ផ្គង់សកលរំពឹងថានឹងកើនឡើងគួរឱ្យកត់សម្គាល់នៅឆ្នាំ ២០២៥ នេះ៕
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៦ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
សន្តិសុខសង្គម៧ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»