Connect with us

ព័ត៌មានជាតិ

​រដ្ឋាករទឹករកចំណូលបានជាង ៣៤៨ ពាន់លាន​រៀល​កាលពីឆ្នាំមុន

បានផុស

នៅ

រដ្ឋាករទឹកស្វយ័តក្រុងភ្នំពេញ(PWSA) ដែលជាក្រុមហ៊ុនពាក់កណ្តាលស្វយ័ត និងបានចុះបញ្ជីនៅផ្សារមូលបត្រកម្ពុជា បានរាយការណ៍ថា នៅក្នុងឆ្នាំ២០២៤ នេះ ថាខ្លួនរកចំណូលបានចំនួនជិត ៣៤៨ ពាន់លានរៀល កើនឡើង​ ៤,២៩% ធៀបនឹងឆ្នាំ២០២៣ ខណៈប្រាក់ចំណេញប្រតិបត្តិការចំនួនជាង ៨៩ពាន់លានរៀល បានកើនឡើង​ ចំណេញសុទ្ធចំនួនជាង ៨៥ពាន់លានរៀល កើនឡើង​ ១៧​% បើធៀបនឹងឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

PWSA បានលើកឡើងថា ៖«មូលហេតុចម្បងនៃការកើនឡើងនៃចំណូល ចំណេញប្រតិបត្តិការ និងចំណេញសុទ្ធ នៅក្នុងឆ្នាំ២០២៤ គឺ បណ្តាលមកពី ចំណូលពីការលក់បានកើនឡើងចំនួនជាង ២០ពាន់លានរៀល ស្មើនឹង ៦,៨៥% និងចំណូលហិរញ្ញវត្ថុបានកើនឡើងចំនួន ១៨ ពាន់លានរៀល ស្មើនឹង ៤៦,៤៤% ព្រមទាំងចំណាយពន្ធបានថយចុះចំនួនជាង ៤ពាន់លានរៀល ស្មើនឹង ១៥,៨២% ផងដែរ។

យោងតាមរបាយការណ៍របស់ PWSA ក្រុមហ៊ុនបានផ្គត់ផ្គង់ទឹកទៅដល់ក្រុមគ្រួសារ ដែលមានទីលំនៅនៅទីក្រុងភ្នំពេញ និងតាមបណ្តាទីតាំងនានា ដែលនៅជុំវិញទីក្រុង។ ហើយដើម្បីទ្រទ្រង់អាជីវកម្មចែកចាយទឹកប្រើប្រាស់ PWSA ត្រូវតែផ្គត់ផ្គង់នូវបណ្តាញ ទឹកធ្វើ ជាសេវាកម្មទ្រទ្រង់។

PWSA លើកឡើងថា ប្រាក់ចំណូលបានមកពីការតភ្ជាប់ទឹក (សេវាកម្មទ្រទ្រង់សម្រាប់ការផ្គត់ផ្គង់ទឹកប្រើប្រាស់) មានចំនួនតិចជាង ៣% (២០២៣៖ ៤%) នៃប្រាក់ចំណូលសរុបខណៈពេលដែលចំណូលដែលបានមកពីការ ផ្គត់ផ្គង់ទឹកប្រើប្រាស់មានចំនួន ៩៧% (២០១៩៖ ៩៦%) នៃប្រាក់ចំណូលសរុប​។

​កាលពីថ្ងៃទី១០ ខែមេសា ឆ្នាំ២០២៤.១.ស.ក និង ក្រុមហ៊ុន VINCI Construction Grands Projects បាន ចុះកិច្ចព្រមព្រៀងលើការសាងសង់រោងចក្រផលិតទឹកស្អាតបាក់ខែងដំណាក់កាលទី៣ ដែលមានសមត្ថភាព ផលិតទឹកបាន១៩៥ ពាន់ម៉ែត្រគូបក្នុងមួយថ្ងៃ។

«កិច្ចសន្យាសាងសង់នេះមានទឹកប្រាក់ចំនួន ១០៣លានដុល្លារ អាមេរិក ដែលបានពីផ្តល់កម្ចីហិរញ្ញប្បទានពីក្រសួងសេដ្ឋកិច្ច និងហិរញ្ញវត្ថុ ដែលផ្តល់មូលនិធិដោយដៃគូអភិវឌ្ឍន៍ បារាំងចំនួន ៦១លានដុល្លារអាមេរិក និងមូលធនរបស់ PWSA ចំនួន ៤២លានដុល្លារអាមេរិក»។ សម្រាប់ការសាងសង់ បានចាប់ផ្តើមនៅខែមិថុនា ឆ្នាំ២០២៤ និងបញ្ចប់នៅត្រីមាសទី៣ ឆ្នាំ២០២៧ ។ បេះបើយោងតាម PWSA៕

Helistar Cambodia - Helicopter Charter Services
Sokimex Investment Group
សន្តិសុខសង្គម១១ នាទីutes មុន

សមត្ថកិច្ចខណ្ឌកំបូល ឃាត់ម៉ូតូ​ដែល​ប្រេីប្រាស់​សុីម៉ាំង​បំពង​សំឡេង​កែច្នៃ​១០គ្រឿង

សេចក្ដីជូនដំណឹង៥៩ នាទីutes មុន

ការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស

ព័ត៌មានជាតិ១ ម៉ោង មុន

អាជ្ញាធរខេត្តជាប់ព្រំដែន អះអាងថា ច្រកទ្វាររវាងកម្ពុជា-ថៃ គឺដំណើរការធម្មតា ពុំមានការបិទឡើយ

សេចក្ដីជូនដំណឹង២ ម៉ោង មុន

ក្រុមហ៊ុន WOWNOW ពង្រីកចំនួនរថយន្តតាក់ស៊ីថ្មី ១០០គ្រឿងបន្ថែម!

ព័ត៌មានជាតិ២ ម៉ោង មុន

វិទ្យាស្ថានជាតិពហុបច្ចេកទេសអង្គរ ខេត្តសៀមរាប ផ្ដល់អាហារូបករណ៍១០០% ដល់យុវជនមកពីគ្រួសារក្រីក្រ ចំនួន២ ៤០០កន្លែង

Sokha Hotels

ព័ត៌មានពេញនិយម