Picasso នឹងកៀរគរទុនចំនួន ១២លានដុល្លារពីការបោះផ្សាយមូលបត្រ នៅ CSX នាខែវិច្ឆិកា​

ក្រុមហ៊ុន ពីកាសូ ស៊ីធី ហ្គាដិន ឌីវេឡុបម៉ិន ម.ក ​(PCG” or “Picasso”) ដែលជាក្រុមហ៊ុនអភិវឌ្ឍន៍ខុនដូដ៏ធំជាងគេមួយនៅកម្ពុជា នឹងធ្វើការបោះផ្សាយលក់មូលបត្រកម្មសិទ្ធិនៅផ្សារមូលបត្រកម្ពុជា (CSX) ដើម្បីប្រមូលទុនចំនួន១២លានដុល្លារក្នុងការយកទៅពង្រីកសកម្មភាពអាជី​វកម្មរបស់ខ្លួន។

ងតាមសេចក្តីជូនដំណឹងរបស់ CSX នៅរសៀលថ្ងៃទី១៣ ខែតុលា ការបោះផ្សាយលក់មូលបត្រកម្មសិទិ្ធជាសាធារណៈលើកដំបូង(IPO) របស់ក្រុមហ៊ុន ពីកាសូ ស៊ីធី ហ្គាដិន ឌីវេឡុបម៉ិន  ជាមួយការធានាផ្តល់ជូនភាគលាភ ៧% ក្នុងមួយឆ្នាំ (បង់ជាត្រីមាស) រយៈពេល ៥ឆ្នាំ នេះ​។

CSX បានបញ្ជាក់ទៀតថា ការធ្វើបរិវិសកម្មអប្បរមាគឺត្រឹមតែ ១០០ ភាគហ៊ុន ដោយមួយភាគហ៊ុនត្រឹមតែ 4,800 រៀលប៉ុណ្ណោះ​ ខណៈការបោះផ្សាយភាគហ៊ុនថ្មីមានត្រឹមតែ ១០ លានភាគហ៊ុន។ ហើយការធ្វើបរិវិសកម្ម ចាប់ផ្តើមពីថ្ងៃទី១៣ ដល់ ថ្ងៃទី២៤ ខែតុលា ឆ្នាំ២០២៥។

​ក្រុមហ៊ុន ខេមបូឌា ស៊ីឃ្យួរឹធី ម.ក ក្នុងនាមជាក្រុមហ៊ុនធានាទិញមូលបត្រតែមួយគត់របស់ ក្រុមហ៊ុន ពីកាសូ ស៊ីធី ​សម្រាប់ការបោះផ្សាយលក់មូលបត្រកម្មសិទ្ធិលើកដំបូងជាសាធារណៈ បានឱ្យដឹងថា ដំណឹងពីកម្មវិធីរ៉ូដសូ និងការធ្វើបរិវិសកម្ម ដែលនឹងចាប់ផ្តើមពី ថ្ងៃទី១៣ ដល់ ថ្ងៃទី២៤ ខែតុលា ឆ្នាំ២០២៥ ខាងមុខនេះ។ កម្មវិធីរ៉ូដសូ នឹងប្រព្រឹត្តិទៅនៅរាជធានីភ្នំពេញ តាមបណ្តាខេត្ត រួមទាំង សិង្ហបុរី ហុងកុង សៀងហៃ និងតៃវ៉ាន់ ដែលរៀបចំឡើងដោយ ក្រុមហ៊ុន ពីកាសូ ស៊ីធី ហ្គាឌិន ឌីវេឡុបម៉ិន ម.ក សហការជាមួយក្រុមហ៊ុនធានាទិញមូលបត្រ។

ក្រុមហ៊ុន ពី​កា​សូ ត្រូវបានបង្កើតឡើងក្នុងឆ្នាំ ២០១៦ នៅរាជធានីភ្នំពេញ ប្រទេសកម្ពុជា ដែលជាក្រុមហ៊ុនអភិវឌ្ឍន៍អចលនទ្រព្យដ៏លេចធ្លោមួយដែលមានឯកទេសក្នុងការសាងសង់លំនៅដ្ឋានគុណភាពខ្ពស់ សម្រាប់ពាណិជ្ជកម្ម និងមានលក្ខណសម្បត្តិសម្រាប់ការប្រើប្រាស់ចម្រុះ។ ​

Picasso City Garden គឺជាគម្រោងល្បីមួយក្នុងចំណោមគម្រោងល្បីៗនានារបស់ក្រុមហ៊ុន ដែលតំណាងអោយប្រភេទគេហដ្ឋាន បែបសហវិជិត​ “ខុនដូ” ប្រណីតដំបូងគេនៅអាស៊ី ដែលត្រូវបានបំផុសគំនិតពីវិចិត្រករគំនូរដ៏អស្ចារ្យនៅលើពិភពលោក គឺលោក Pablo Picasso​៕