កូវីដ-១៩

រដ្ឋឥណ្ឌាមួយនេះ រាល់ធ្វើតេស្តមនុស្ស២នាក់ គឺមានម្នាក់វិជ្ជមានកូវីដ-១៩

បានផុស

៤ years មុន

នៅ

ថ្ងៃសៅរ៍ ៨ ឧសភា ២០២១

ដោយ

រដ្ឋភាគខាងត្បូងប្រទេសឥណ្ឌា គឺរដ្ឋ Goa បានកំពុងឆ្លងយ៉ាងខ្លាំងដោយរាល់មនុស្ស២នាក់ទៅធ្វើតេស្ត គឺមានម្នាក់វិជ្ជមានកូវីដ-១៩។

ករណីនេះបានធ្វើឲ្យរដ្ឋ Goa ក្លាយជារដ្ឋមានអត្រាឆ្លងខ្ពស់ជាងគេបំផុតក្នុងចំណោមរដ្ឋទាំងអស់ទូទាំងប្រទេសឥណ្ឌា ដែលកូវីដ-១៩បានកំពុងវាយប្រហារធ្ងន់ធ្ងរបំផុត។ នេះគ្រាន់តែក្នុងចំណោមមនុស្សដែលបានធ្វើតេស្តប៉ុណ្ណោះ ដូច្នេះមានន័យថា អត្រានៃការឆ្លងក្នុងចំណោមមនុស្សដែលមិនបានធ្វើតេស្តប្រហែលជាមានខ្ពស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានមន្ទីរសុខាភិបាលរដ្ឋ Goa លោក Vishwajit P. Rane បានឲ្យដឹងថា នៅថ្ងៃសុក្រ ម្សិលមិញ រដ្ឋរបស់លោកមានអត្រាវិជ្ជមានខ្ពស់បំផុតជាប់កំណត់ត្រាថ្មីគឺ ៥១.៤%។ អាជ្ញាធររដ្ឋបានលើកឡើងថា បំរាមបិទខ្ទប់ទាំងស្រុងប្រហែលជាត្រូវការដើម្បីទប់ស្កាត់កូវីដ-១៩។

យោងតាមការិយាល័យព័ត៌មានរបស់ររដ្ឋនេះឲ្យដឹងថា នៅថ្ងៃសុក្រ មានការធ្វើតេស្តមនុស្សប្រហែល ៦៩០ ៣៦០ នាក់។

លោក Vishwajit P. Rane បាននិយាយថា ៖«នោះជាតម្រូវការសម្រាប់ពេលវេលារបស់យើង»។ លោកបន្ថែមថា អភិបាលរដ្ឋបានកំពុងពិចារណាយ៉ាងយកចិត្តទុកដាក់ក្នុងការដាក់បំរាមបិទខ្ទប់។

«យើងមានបញ្ហានៃការផ្គត់ផ្គង់អ៊ុកស៊ីសែន និងបញ្ហាផ្សេងៗទៀត។ យើងត្រូវធ្វើឲ្យអត្រាវិជ្ជមានធ្លាក់ចុះ។ នោះជាមធ្យោបាយតែមួយឆ្ពោះទៅមុខ»។

រលកកូវីដ-១៩លើកទី២នៅប្រទេសឥណ្ឌាបានវាយប្រហារខ្លាំងនៅរដ្ឋធំៗនិងរដ្ឋដែលមានប្រជាជនច្រើន។ ករណីនៅរដ្ឋធានីញូវដេលី បានចាប់ផ្តើមហក់ឡើងចុងខែមីនា និងសាយភាយយ៉ាងលឿននៅខែមេសា ហើយវីរុសបានឆ្លងពីរដ្ឋមួយទៅរដ្ឋមួយ ពីកន្លែងមួយទៅកន្លែងមួយទូទាំងប្រទេស។