កូវីដ-១៩

មកដល់ពេលនេះ ខេត្តព្រៃវែងមានអ្នកឆ្លងជំងឺកូវីដ ១៩ ជាង៤៥០នាក់ និងស្លាប់៥នាក់

បានផុស

៥ years មុន

នៅ

ថ្ងៃអង្គារ ១ មិថុនា ២០២១

ដោយ

រហូតមកដល់ព្រឹកថ្ងៃទី០១មិថុនាឆ្នាំ២០២១នេះខេត្តព្រៃវែងមានអ្នកឆ្លងជំងឺកូវីដ ១៩ចំនួន៤៥៩នាក់និងស្លាប់បានត់បង់ជីវិតចំនួន៥នាក់។

យោងតាមរបាយការណ៍របស់រដ្ឋបាលខេត្តព្រៃវែងបានឱ្យដឹងថា ក្នុងចំណោមអ្នកឆ្លងចំនួន៤៥៩នាក់នោះមានអ្នកជំងឺជាសះស្បើយចំនួន១៩៦នាក់និងកំពុងសម្រាកព្យាបាលនៅមន្ទីរពេទ្យចំនួន២៥៨នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការគត់សម្គាល់នៅថ្ងៃទី៣១ខែឧសភាជាលើកដំបូងហើយដែលខេត្តព្រៃវែងមានករណីឆ្លងជំងឺកូវីដ ១៩ច្រើនរហូតទី៦៥នាក់ក្នុងរយៈពេល២៤ម៉ោងដែលអ្នកឆ្លងថ្មីទាំងនោះរួមមានជាកម្មកររោងចក្រ អ្នកធ្វើដំណើរពីភ្នំពេញឬខេត្តដែលមានហានិភ័យមួយចំនួនទៀតទៅលេងស្រុកកំណើតនិងពលករមកពីប្រទេសថៃជាដើម។

យ៉ាងណាក៏ដោយ រដ្ឋបាលខេត្តបានធ្វើការអំពាវនាវដល់អ្នកដែលបានធ្លាប់ប្រាស្រ័យទាក់ទងជាមួយអ្នកជំងឺកូវីដ ១៩ ត្រូវទៅធ្វើតេស្តរកវីរុសកូវីដ ១៩និងធ្វើចត្តាឡីស័កឱ្យបានត្រឹមត្រូវតាមការណែនាំរបស់ក្រសួងសុខាភិបាល។ចំណែកអ្នកប៉ះពាល់ដោយប្រយោលត្រូវធ្វើចត្តាឡីស័កនៅតាមផ្ទះរៀងៗខ្លួន និងកុំប៉ះពាល់ជាមួយអ្នកដទៃហើយពេលមានករណីក្តៅខ្លួន ក្អក ហៀសំបោរ ថប់ដង្ហើមសូមប្រញាប់រួសរាន់ទៅធ្វើសំណាកជាបន្ទាន់៕

អត្ថបទ៖ សំអឿន