Connect with us

កូវីដ-១៩

កម្មការិនី​រោងចក្រ​នៅ​ខេត្តស្វាយរៀង​ម្នាក់​បាន​ស្លាប់​នៅផ្ទះ ​ពេល​ធ្វើ​តេស្ត​ទើប​ឃើញ​មាន​វិជ្ជមាន​កូវីដ១៩

បានផុស

នៅ

ស្ត្រី​ឈ្មោះ​ មិន ​គ​ន្ធា​ អាយុ​៤២​ឆ្នាំ​ ដែល​កន្លងមក​មានមុខ​របរ​កម្មការិនី​រោងចក្រ​កៅ​វ៉េ​ បាន​ទទួល​មរណភាព​នៅ​គេហដ្ឋាន​ ស្ថិតនៅ​ភូមិ​លៀប​ ឃុំ​កណ្ដៀង​រាយ​ ស្រុក​ស្វាយទាប​ កាលពី​ថ្ងៃទី​១៩​ខែមិថុនា​ឆ្នាំ២០២១ ​វេលា​ម៉ោង​៣​រសៀល​ ពេល​ធ្វើ​តេស្ត​ ទើប​រក​ឃើញ​មាន​វិជ្ជមាន​កូ​វីដ១៩​។

យោង​តាម​របាយការណ៍​របស់​រដ្ឋបាល​ខេត្តស្វាយរៀង​ចុះ​ថ្ងៃទី​២១​ មិថុនា​បាន​ឲ្យ​ដឹង​ថា ក្រុមការងារ​ស្រាវជ្រាវ​និង​តាមដាន​បុគ្គល​សង្ស័យ​ថា ​មាន​ផ្ទុក​ជំងឺ​កូ​វីដ ១៩​ខេត្ត​សហការ​ជាមួយ​ក្រុម​ឆ្លើយតប​បន្ទាន់​បានធ្វើ​កោសល្យវិច័យ​យក​វត្ថុ​សំណាក​តាមរយៈ​ការធ្វើ​តេស្ត​រហ័ស​រកឃើញ​វិជ្ជមាន​កូ​វីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាម​ការ​សន្និដ្ឋាន​រប​ស់​ក្រុមគ្រូពេទ្យ​ស្ត្រី​ខាងលើ​ បាន​ទទួល​មរណភាព​ដោយសារ​ជំងឺ​កូ​វីដ​១៩ ហើយ​បាន​ប៉ះពាល់​ផ្ទាល់​ចំនួន ២​នាក់​និង​ក្រុមការងារ​បាន​យក​វត្ថុ​សំណាក​វិភាគ​ធ្វើតេស្ត​នឹងដាក់​ឲ្យ​ធ្វើ​ច​ត្តា​ឡី​ស័ក​នៅផ្ទះ​រង់ចាំ​លទ្ធផល​ចាត់វិធានការ​បន្ត​។​

ចំណែក រដ្ឋបាល​ខេត្ត​ស្វាយរៀង​បាន​សម្តែង​នូវ​ក្តី​រន្ធត់ និង​សោក​ស្តាយ​ដោយ​បាន​ទទួល​ព័ត៌មាន​អំពី​ការ​ស្លាប់​របស់​អ្នកមាន​វិជ្ជមាន​កូ​វីដ​-១៩ ចំនួន ០១​នាក់ កាលពី​ថ្ងៃទី​១៩ ខែមិថុនា ឆ្នាំ​២០២១ បានបង្ហាញ​យ៉ាងច្បាស់​លាស់​ពី​ហានិភ័យ​ដ៏​កាច​សាហាវ​ដល់​អាយុជីវិត​បងប្អូន​ប្រជាពលរដ្ឋ​ខេត្តស្វាយរៀង​ក៏​ដូច​មនុស្ស​ទូទៅ​ក្នុង​ព្រះរាជាណាចក្រ​កម្ពុជា​។​

យ៉ាងណាក៏ដោយ រដ្ឋបាល​ខេត្ត​បាន​ណែនាំ​ដល់​បងប្អូន​ប្រជាពលរដ្ឋ​សូម​បង្កើន​ការប្រុងប្រយ័ត្ន​ចំពោះ​សុខភាព​ផ្ទាល់ខ្លួន ក៏ដូចជា​ក្រុមគ្រួសារ ដោយ​គោរព​ឱ្យបាន​ខ្ជាប់ខ្ជួន​វិធានការ​សុខាភិបាល ជាពិសេស អនុវត្ត ៣​កុំ និង ៣​ការពារ ។​

គួរ​បញ្ជាក់​ថា ​គិត​ត្រឹម​ព្រឹក​ថ្ងៃទី​២១​ ខែមិថុនា ​ឆ្នាំ​២០២១​នេះ ខេត្តស្វាយរៀង​មាន​អ្នក​ឆ្លង​ជំងឺ​កូ​វីដ​១៩​ចំនួន​១៥៧០​នាក់​ស្រី​៩១២​នាក់ ជាសះស្បើយ​ចំនួន​១០៧៦​នាក់​ស្រី​៦០៦​នាក់​កំពុង​ព្យាបាល​ចំនួន​៤៨៣​នាក់​ស្រី​៣០៣​នាក់​និង​ស្លាប់​ចំនួន​១១​នាក់​ស្រី​៤​នាក់​៕

ដោយ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ ម៉ោង មុន

អំពើពុករលួយ ធ្វើឱ្យប្រធានសមាគមបាល់ទាត់ថ្នាក់ជាតិរបស់ប្រទេសចិន ត្រូវជាប់ពន្ធនាគារអស់មួយជីវិត

ព័ត៌មានជាតិ៤ ម៉ោង មុន

ក្នុង​ត្រីមាស​ទី១​ឆ្នាំនេះ ខេត្ត​កែប នាំចេញ​ផ្លែស្វាយ​កែវ​រមៀត​ជាង ៧​ពាន់​តោន កើនឡើង ៨២%

ព័ត៌មានជាតិ៦ ម៉ោង មុន

ផ្លូវ​ប្រប​មាត់​ព្រែក​ពី​គល់​ស្ពាន​ថ្មី​ដល់​ស្ពាន​ចាស់ រួម​ជា​មួយ​សួន​កម្សាន្ត និង​លេច​រូបរាង​​ឆាប់​ៗក្នុងខេត្តកំពត

ព័ត៌មានជាតិ៦ ម៉ោង មុន

ដីព្រៃ​ក្នុង​ដែន​ជម្រក​សត្វព្រៃ​គូលែន​-​ព្រហ្ម​ទេព ក្បែរ​បរិស្ថាន​តា​កឹង កំពុង​រង​ការ​ឈូសឆាយ​កាប់បំផ្លាញ

ព័ត៌មានជាតិ៧ ម៉ោង មុន

កម្ពុជា-ថៃ ជួបប្រជុំ​ទ្វេភាគី​លើក​ទី​១៤​ស្តីពី​កិច្ចសហប្រតិបត្តិការ​ប្រយុទ្ធ​ប្រឆាំង​គ្រឿងញៀន

Sokha Hotels

ព័ត៌មានពេញនិយម