Connect with us

កូវីដ-១៩

លោក​យាយ​វ័យ​៨០​ឆ្នាំ ​រស់​នៅ​ម្នាក់​ឯងដល់​ពេល​ស្លាប់​រក​ឃើញ​វិជ្ជមានកូវីដ

បានផុស

នៅ

គួរ​ឲ្យ​អាណិត​លោក​យាយម្នាក់វ័យ៨០ឆ្នាំហើយ​ រស់​នៅ​តែម្នាក់ឯង​គ្មានកូនចៅស្នាក់អាស្រ័យជាមួយ។ លុះ​ដល់​ពេល​ស្លាប់​ទៅ​បែ​ជា​រក​ឃើញ​វិជ្ជមានកូវីដ១៩ ពុំ​ដឹង​ថា ​លោក​យាយ​ឆ្លង​តាម​អ្នក​ណា​ឲ្យ​ពិត​ប្រាកដ។

យោង​តាម​សេចក្តី​រាយការណ៍​ពី​សាលា​សង្កាត់​ព្រែក​ឯង​បាន​ឲ្យ​ដឹង​ថា​ កាល​ពី​វេលា​ម៉ោង​១​​៨​និង​០០នាទី​យប់​ថ្ងៃ​ទី​២៥​ ខែ​មិថុនា​នេះ​លោក​យាយ​ឈ្មោះ វ៉ាន់ ចក់ អាយុ៨០ឆ្នាំ​រស់​នៅ​ក្នុង​ភូមិ​ចុង​ព្រែ​ក សង្កាត់​ព្រែក​ឯង​ខណ្ឌច្បារ​អំពៅ​រាជធានី​ភ្នំពេញ​បានស្លាប់​នៅ​ក្នុង​ផ្ទះ ខណះ​ដែល​អ្នក​រស់​នៅ​ក្បែរ​ខាង​មិន​ឃើញ​លោក​យាយ​ដើរ​ចេញ​ពី​ផ្ទះ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តី​រាយការណ៍​បាន​បន្ត​ថា​ លុះ​ដល់​ពេល​អាជ្ញាធរ​រាយការណ៍​ទៅ​មន្ទីរពេទ្យ​បង្អែក​ខណ្ឌច្បារ​អំពៅ​ឲ្យ​ចុះ​មក​ពិនិត្យ​សំណាក​សព​ស្រាប់​តែ​រក​ឃើញ​មាន​វិជ្ជមាន​កូវីដ​១៩។​

អ្នក​រស់​នៅ​ក្បែរ​ខាង​បាន​និយាយ​ថា​លោក​យាយ​រស់​នៅ​ក្នុង​ផ្ទះ​តែ​ម្នាក់​ឯង​គ្មាន​កូន​ចៅ​និង​គេ​ទេ​ហើយ​ក៏​ពុំ​ដឹង​ថា​លោក​យាយ​មាន​ជំងឺ​រហូត​ដល់​ស្លាប់​និង​ពុំ​ដឹង​ថា​ ឆ្លង​ជំងឺ​នេះ​ពី​អ្នកណាផងដែរ។

សព​​លោក​យាយ​ត្រូវ​បាន​គ្រូពេទ្យ​រៀប​ចំ​​ខ្ចប់​យក​ទៅ​បូជា​តាម​លក្ខណៈ​បច្ចេកទេស​ក្រសួងសុខាភិបាល​ដោយ​មិន​អនុញ្ញាត​ឲ្យ​ជួប​ជុំ​ធ្វើ​បុណ្យ​ឡើយ​៕​

អត្ថបទ៖​នរា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម