អាជីវករ និងប្រជាពលរដ្ឋ​នៅផ្សារតូច ទួលសង្កែ​ពាក់ព័ន្ធជាមួយកូវីដ-១៩​​ប្រភេទ Delta
Connect with us
Helistar Cambodia - Helicopter Charter Services

កូវីដ-១៩

អាជីវករ និងប្រជាពលរដ្ឋ​នៅផ្សារតូច ទួលសង្កែ​ពាក់ព័ន្ធជាមួយកូវីដ-១៩​​ប្រភេទ Delta

បានផុស

នៅ

អនុគណៈកម្មការសស្រាវជ្រាវជំងឺកូវីដ-១៩ បានឲ្យដឹងនារសសៀលថ្ងៃទី០២ ខែសីហា ឆ្នាំ២០២១នេះថា ក្រុមគ្រូពេទ្យបានចុះយកសំណាកអាជីវករ និងប្រជាពលរដ្ឋនៅផ្សារតូចទួលសង្កែ បន្ទាប់ពីបានរកឃើញថា មានការពាក់ព័ន្ទជាមួយជំងឺកូវីដ-១៩ប្រភេទ Delta។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានោះ អនុគណៈកម្មការសស្រាវជ្រាវជំងឺកូវីដ-១៩ បានអំពាវនាវឱ្យពាក់ម៉ាស រក្សាគម្លាត និងឧស្សា​ហ៍លាងដៃ ប្រសិនបើមិនចាំបាច់ សូមកុំចេញពីផ្ទះ បើចេញពីផ្ទះ មេត្តាមានការប្រុងប្រយ័ត្នខ្ពស់ និងមានទទួល​ខុសត្រូវ។

ទាក់ទងជំងឺកូវីដ-១៩ប្រភេទ Delta នេះ លោកស្រីវេជ្ជៈបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបានថ្លែងនៅក្នុងឱកាសនាំយកអំណោយរបស់សម្ដេចតេជោ ហ៊ុន សែន ចែកជូនលោក​យាយ លោកតា មានអាយុជាង១០០ឆ្នាំ ដែលបានស្ម័គ្រចិត្តចាក់វ៉ាក់សាំងបង្ការជំងឺកូវីដ១៩ នៅខេត្តកំពត​កាលពីព្រឹកថ្ងៃទី២ ខែសីហា នេះថា វីរុសកូវីដ១៩ ប្រភេទអាល់ហ្វា បានវាយលុកក្នុងប្រទេសកម្ពុជា ប៉ុន្តែរយៈពេល២ថ្ងៃប៉ុណ្ណោះ ពោលគឺចាប់ពីថ្ងៃទី៣១ ខែកក្កដា និងថ្ងៃទី០១ ខែសីហា ឆ្នាំ២០២១ កម្ពុជារកឃើញអ្នកឆ្លងវីរុសកូវីដ១៩ បំប្លែងខ្លួនថ្មី Delta ១០៩នាក់ ហើយសរុបរយៈពេល៥ ខែឆ្នាំ២០២១នេះ កម្ពុជាមានអ្នកឆ្លងកូវីដ១៩ បំប្លែងថ្មី Delta ចំនួន២២៣ នាក់។

លោកស្រីបញ្ជាក់ថា វីរុសកូវីដ១៩ ប្រភេទអាល់ហ្វា បានវាយលុកក្នុងប្រទេសកម្ពុជា ប៉ុន្តែថ្មីៗនេះវីរុសបំប្លែងខ្លួនថ្មី Delta ក៏កំពុងវាយលុកយ៉ាងសកម្ម នៅក្នុងសហគមន៍ តាមកន្លែងជាដុំៗ  ហើយពិភពលោកកំពុងមានការព្រួយបារម្ភខ្លាំងប្រភេទវីរុស Delta ដោយសារការចម្លងមានល្បឿនលឿន។ 

លោកបន្តថា វីរុសកូវីដ១៩ បំប្លែងខ្លួនថ្មីកន្លងមក រកឃើញឆ្លងលើបងប្អូនអ្នកដំណើរតាមជើងហោះហើរ និងពលករមកពីក្រៅប្រទេស ប៉ុន្តែថ្មីៗនេះ ជាការគួរឱ្យព្រួយបារម្ភខ្លាំង ដែលក្រុមគ្រូពេទ្យរកឃើញលើអ្នកជំងឺ ដោយមិនដឹងថា ខ្លួនឆ្លងមកពីណា។

ដូច្នេះថ្វីត្បិតកម្ពុជា បានចាក់វ៉ាក់សាំងមានល្បឿនលឿនជាង៧០ភាគ​រយក៏ពិតមែន តែមេរោគអាចវាយលុកបានគ្រប់ពេលវេលា គ្រប់ទីកន្លែង បើសិនជាយើងមិនការពារខ្លួនបានល្អ៕ ដោយៈ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services