ជីវិតកម្សាន្ដ

កែវ ចាន់និមល ៖ ស៊ូនៅផ្ទះគ្មានចំណូលប្រសើរជាងមានលុយតែគ្មានកន្លែងចាយ

បានផុស

៤ years មុន

នៅ

ថ្ងៃអង្គារ ២០ មេសា ២០២១

ដោយ

ភ្នំពេញ ៖ ពិធីការិនីហង្សមាសមានវោហារមិនចេះរីង ស្ងួតអ្នក កែវ ចាន់និមល និងស្វាមីព្រមទាំងកូនបន្ទាប់ពីជាសះស្បើយពីជំងឺកូវីដ-១៩ បច្ចុប្បន្នគ្រួសារពួកគេបានមករស់នៅជុំជួបគ្នាយ៉ាងមានសេចក្តីសុខក្រោមដំបូលផ្ទះតែមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែយ៉ាងណាមិញទន្ទឹមគ្នាដែលគ្រួសាររបស់នាងបានរួចផុតនិងជាសះស្បើយពីកូវីដ ហើយត្រូវបានអនុញ្ញាតឲ្យវិលត្រឡប់មកផ្ទះវិញនោះដែររឿងដែលសំខាន់នោះគឺ កែវ ចាន់និមល នៅតែបន្តការអនុវត្តន៍ និង គោរពតាមការណែនាំដោយមិនចេញក្រៅផ្ទះឡើយ។

អំឡុងពេលនេះកំពុងស្នាក់នៅផ្ទះនេះដែរ អ្នកនាង កែវ ចាន់និមល បានថ្លែងប្រាប់ឲ្យដឹងថា គ្រួសាររបស់នាងពេលនេះ គឺនៅតែក្នុងផ្ទះមិនចេញក្រៅទេទោះបីគ្មានចំណូលក៏ដោយ។ អ្នកនាង កែវ ចាន់និមល បញ្ជាក់ថា ស៊ូនៅតែផ្ទះគ្មានចំណូល មានតែចំណាយក៏ពិតមែន តែក៏ប្រសើរជាងមានលុយតែគ្មានកន្លែងចាយ ជាពិសេសគ្មានឱកាសចាយលុយ ព្រោះតែអស់ជីវិត។

ពិធីការិនី កែវ ចាន់និមលបាននិយាយបន្តទៀតថា ពេលវេលានេះយើងពិបាកដូចគ្នាណាបងប្អូនតែពួកយើងនឹងអាចឆ្លងផុតនៅផ្ទះដើម្បីថែជីវិត។ ខ្មែរអាចធ្វើបានរួមគ្នាការពារនិងទប់ស្កាត់ការរីករាលដាលជំងឺកូវីដ-១៩នៅក្នុងប្រទេសរបស់យើង៕

ដោយ ៖ ចាន់រ៉ា