នៅ សុនិតា បង្ហើបគន្លឹះជោគជ័យ៨ចំណុចដល់អ្នកគាំទ្រ

តារាស្រីមានប្រជាប្រិយអ្នកនាង នៅ សុនិតា ត្រូវបានទស្សនិកជនមើលឃើញថា នាងមិនត្រឹមតែជោគ​ជ័យលើអាជីពសិល្ប:និងមុខរបរផ្ទាល់ខ្លួនទេ គឺនាងថែមទាំងសមប្រកបរឿងជីវិតស្នេហាផងដែរ។

ដោយធ្លាប់ឆ្លងកាត់រឿងរ៉ាវជីវិតតស៊ូជាច្រើនរាប់មិនអស់ទើបអ្នកនាង នៅ សុនិតា ដាច់ចិត្តចេញមុខបង្ហើបប្រាប់ពីគន្លឹះជោគជ័យមួយចំនួនដល់មហាជនដើម្បីទុកជាការពិចារណា។ ខ្លឹមសារទាំង៨ចំណុចត្រូវបានពិធីការិនី នៅ សុនិតា បង្ហាញដូចខាងក្រោមនេះ,

១.ខ្ជិលគឺជាពាក្យដែលមិនមាននៅក្នុងវចនានុក្រមរបស់មនុស្សជោគជ័យទេ។ ២. កុំព្យាយាមគេចកំហុសខ្លួនឯង ព្រោះអ្នកអាចនឹងទូលវារាប់ពាន់កំហុសទៅថ្ងៃមុខ។ ៣.យកកំហុសមកកែឆ្នៃភាពខ្វះចន្លោះដែលមានទុកជាបទពិសោធន៍។ ៤.មិនដែលឃើញមនុស្សជោគជ័យណាដែលមិនធ្លាប់បរាជ័យនោះទេ បើមិនធ្លាប់បរាជ័យមានន័យថា ក៏មិនធ្លាប់ជោគជ័យដែរ។ ,៥.ចង់មានចង់បានតែយកខ្នងធ្វើគូទ លើលោកនេះគ្មានសំណាងផ្តល់អោយមនុស្សដែលមិនប្រឹងប្រែងនោះទេ។ ៦.កាលវិភាគជីវិតគឺជាទម្លាប់នៃភាពដាស់តឿនសម្រាប់មនុស្សជោគជ័យ។ ៧.ចុងក្រោយកុំភ្លេចចាយលុយអោយមានផែកការណ៍អោយច្បាស់ក្នុងខ្លួន(តក់ៗពេញបំពង់ )មិនដែលឃើញអ្នកមានណាមានប្រវត្តិសន្សំលុយប្រាក់ដុល្លាឡើងទៅទេ គេសន្សំចាប់ផ្តើមពីកាក់ល្អិត។ ៨.ផ្តល់ឱកាសអោយខ្លួនឯងមានការចូលរួមនិងទំនាក់ទំនងព្រមទាំងភាពក្លាហាន។

ខ្លឹមសារទាំង៨ចំណុចរបស់តារាស្រី នៅ សុនិតា ទទួលបានការគាំទ្រពីទស្សនិកជនខណ:គេយល់ដែរថា នេះជាបទពិសោធន៍ថ្មីដ៏ល្អសម្រាប់ការពិចារណា៕

អត្ថបទ ៖ ចាន់រ៉ា