ជីវិតកម្សាន្ដ

ប៊ុត សីហា សន្យាឈប់ធ្វើអ្នកម្តាយពិបាកចិត្តដូចមុន

បានផុស

៤ years មុន

នៅ

ថ្ងៃព្រហស្បតិ៍ ១០ មីនា ២០២២

ដោយ

តារាចម្រៀង និងជាម្ចាស់ពាន The Voice Cambodia រដូវកាលទី ១ លោក ប៊ុត សីហា ខណៈដែលទីផ្សាយចម្រៀងរបស់លោកហាក់មានភាពស្ងប់ស្ងាត់មួយសន្ទុះធំក្រោយពេលបែកធ្លាយព័ត៌មាន អាស្រូវជាបន្តបន្ទាប់នោះ បានធ្វើឲ្យអ្នកគាំទ្រមួយចំនួនស្ទើរតែភ្លេចមុខបាត់ទៅហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានៃការបាត់មុខពីសិល្បៈមួយរយៈនេះដែរតារាចម្រៀងប្រុសលោក ប៊ុត សីហា ថ្មីៗនេះបានប្រកាសដោយទទួលស្គាល់ពីកំហុសឆ្លងរបស់ខ្លួន និងបានសច្ចាជាមួយអ្នកម្តាយជាទីស្រលាញ់ថា លោកឈប់ធ្វើឲ្យម្តាយ-ឪពុកពិបាកចិត្តដូចមុនទៀតហើយពោលគឺ សីហា បានសន្យាកែប្រែរាល់កំហុសដែលធ្លាប់កើតមានឡើងកន្លងមក។

តារាចម្រៀងលោក ប៊ុត សីហា បានបញ្ចេញសំណេរទៅកាន់ម្តាយថា អរគុណអ្នកម្តាយដែលបានផ្តលកំណើតខ្ញុំទោះបីក្នុងគ្រួសារអ្នកស្រុកស្រែជីវភាពមិន សូវជាធូរធារតែពុកម៉ែផ្តល់ក្តីស្រលាញ់ដល់កូនចៅគ្រប់គ្នា។ ក្នុងមួយជីវិតរបស់កូននេះ ក៏សងនូវគុណលោកទាំងពីរមិនគ្រប់ឡើយឲ្យកូនសុំទោសផងណា ដែលពេលកន្លងមកធ្វើឲ្យពុកម៉ែពិបាកចិត្តគិតពីខ្ញុំ។

លោក ប៊ុត សីហា បានបញ្ជាក់បន្ថែមទៀតថា កូនសន្យាឈប់ធ្វើឲ្យម៉ែពិបាកចិត្តទៀតហើយមើលថែសុខភាពវិញណាម៉ែណា។ ទន្ទឹមគ្នានេះ ក៏មានការលើកទឹកចិត្តដោយខ្លះលើកឡើងថាស៊ូៗក្មួយត្រូវតែជោគជ័យម្ដាយក្មួយបងប្រុសបងស្រីក្មួយលំបាកយូរហើយ ក្មួយត្រូវតែប្រឹងដើម្បីក្រុមគ្រួសាររបស់ក្មួយទៅថ្ងៃខាងមុខមានជីវភាពសមរម្យដូចគេឯងគ្រប់គ្នា សង្ឃឹមថាក្មួយមិនឱ្យបងស្រីពិបាកចិត្តទៀតទេ។

គួររម្លឹកថា កន្លងមកបន្ទាប់ពីរងនូវរឿងអាស្រូវពាក់ព័ន្ធបទល្មើសប្រើប្រាស់គ្រឿងញៀននិ ងពាក្យចចាមអារ៉ាមរិះគន់មួយចំនួនទៀត គេសង្កេតឃើញថា អតីតម្ចាស់ពានកម្មវិធីចម្រៀងលំដាប់ពិភពលោកT he VoiceCam bodia រដូវកាលទី ១ លោក ប៊ុត សីហា ហាក់ស្ងប់ស្ងាត់ពីវិថីសិល្បៈ ខណៈប្រជាប្រិយភាពក៏មានការធ្លាក់ចុះ បើទោះបីជាលោកខំប្រឹងស្ដារកេរ្ដិ៍ឈ្មោះឡើងវិញយ៉ាងណាក្តី៕

អត្ថបទ៖ ចាន់រ៉ា