ជីវិតកម្សាន្ដ
តារាសម្តែង Will Smith សុំទោស Chris Rock ជាសាធារណៈ រឿងទះកំផ្លៀងលើឆាក Oscars (វីដេអូ)
តារាសម្តែង Will Smith បានសុំទោសដល់តារាកំប្លែង Chris Rock បន្ទាប់ពីលោកបានទះកំផ្លៀងលើឆាកប្រកាសពានរង្វាន់ Oscars ដែលបានធ្វើឲ្យមានការភ្ញាក់ផ្អើលយ៉ាងខ្លាំង។ តារាសម្តែងបាននិយាយថា ទង្វើរបស់លោកគឺមិនអាចទទួលយកបាន និងមិនអាចលើកលែងបាន។
លោក Will Smith បាននិយាយក្នុងសេចក្តីថ្លែងការណ៍មួយថា ៖«ខ្ញុំសូមធ្វើការសុំទោសជាសាធារណៈដល់លោក Chris។ ខ្ញុំពិតជាខុសឆ្គង និងធ្វើខុសហើយ»។
ការសុំទោសជាសាធារណៈនេះបានកើតមានឡើង បន្ទាប់ពីអង្គភាពពានរង្វាន់ Oscars បានថ្កោលទោសចំពោះទង្វើរបស់លោក Smith និងបានប្រកាសពិនិត្យមើលផ្លូវការ។
តារាសម្តែងបានទះកំផ្លៀងតារាកំប្លែង Rock នៅលើឆាកនៅពេលឡើងប្រកាសពានរង្វាន់ខ្សែភាពយន្តឯកសារល្អបំផុត ប៉ុន្តែលោកបាននិយាយកំប្លែងពីអ្នកស្រី Jada Pinkett ដែលជាប្រពន្ធរបស់លោក Smith ជុំវិញសក់ដែលជ្រុះដោយសារជំងឺ។
លោក Smith បាននិយាយក្នុងសេចក្តីថ្លែងការណ៍ដែលបង្ហោះលើ Instagram ថា ៖«អំពើហិង្សាគ្រប់ទម្រង់ទាំងអស់គឺជាថ្នាំពុល និងបំផ្លិចបំផ្លាញ»។
«ទង្វើរបស់ខ្ញុំនៅក្នុងពិធីប្រគល់ពានរង្វាន់ Academy Awards កាលពីយប់មិញពិតជាមិនអាចទទួលយកបាន និងមិនអាចលើកលែងបាន។ ការកំប្លែងសម្រាប់ខ្ញុំគឺជាចំណែកមួយនៃការងារ តែការកំប្លែងអំពីលក្ខខណ្ឌវេជ្ជសាស្ត្ររបស់ Jada គឺហួសហេតុពេកដែលខ្ញុំមិនអាចទ្រាំបាន និងមានប្រតិកម្មផ្លូវចិត្ត»។
លោក Smith បានធ្វើការសុំទោសផ្ទាល់ទៅលោក Rock ហើយលោកក៏សុំទោសទៅអង្គភាព Academy និងក្រុមគ្រួសារ Williams ផងដែរ។
លោកបានសរសេរថា ៖«ខ្ញុំពិតជាសោកស្តាយខ្លាំងណាស់ចំពោះទង្វើរបស់ខ្ញុំដែលបានធ្វើឲ្យប្រឡាក់នូវអ្វីដែលជាដំណើរដ៏ស្រស់ស្អាតសម្រាប់យើងទាំងអស់គ្នា»។
នៅក្នុងពិធីប្រចាំឆ្នាំនេះដែរ លោក Smith ក៏ទទួលបានពានរង្វាន់តារាសម្តែងប្រុសឆ្នើមប្រចាំឆ្នាំក្នុងរឿង King Richard៕
ប្រែសម្រួល៖ វីរបុត្រ
ប្រភព៖ CNN
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៥ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
សន្តិសុខសង្គម៧ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»