ច្បាស់ៗ នាយគ្រឿនចាកចេញពី CTN ទីកន្លែងផ្ដល់កំណើតសិល្បៈ

តារាកំប្លែងវោហារចាក់ទឹកមិនលិច នាយគ្រឿន បានសម្រេចចិត្តចាកចេញពីទ្រនំផ្ដល់ក្ដីសុខ និងការងារ CTN ដោយភាពស្រណោះស្រណោក។

ប្អូនប្រុសតារាកំប្លែង នាយពាក់មី គឺនាយគ្រឿងបានដើរចេញពី​ស្ថានីយ​ទូរទស្សន៍ CTN ទាំង​អាឡោះអាល័យក្រោយមានការពេញចិត្តចំពោះអ្នកគ្រប់ថ្មី។ នេះបើតាមផេកផ្លូវការរបស់លោកបានបង្ហោះថា រីករាយនៅអ្វីដែលយើងមាន ហើយបាត់បង់ទៅវិញ លាហើយ ស៊ីធីអិន ទីកន្លែងផ្ដល់កំណើតសិល្បៈដល់រូបខ្ញុំ លាបងប្អូនធ្លាប់រួមការងារគ្រប់កម្មវិធីនៅទីនេះ អរគុណ ស៊ីធីអិន អរគុណពូមីង ពុកម៉ែបងប្អូនដែលស្រលាញ់ និងគាំទ្រខ្ញុំរហូតមក។ ជុំវិញការចេញចាករបស់សិល្បៈករ ពិធីករ តារាកំប្លែង និងផលិតករជាច្រើនរូបនេះ ភាគច្រើនដោយការមិនពេញចិត្តជាមួយថ្នាក់ដឹកនាំថ្មី នៅស្ថានីយ​ទូរទស្សន៍ CTN។

ក្រោយតារាកំប្លែង នាយគ្រឿង បានបង្ហោះសារបែបនេះ ក៏មានបណ្ដាលហ្វេនៗអ្នកគាំទ្រ និងទស្សនិកជនជាច្រើន ជូនពរ និងលើកទឹកចិត្តនាយក្នុងដំណើរលើវិថីសិល្បៈជាបន្ដទៀត៕

អត្ថបទ៖ ផានិត