បាត់​ខ្លួន​តារា​សិច​ជប៉ុន​ ១០ថ្ងៃ ស្រាប់តែ​ប្រទះឃើញសាកសពនៅលើជម្រាលភ្នំ

តារាសម្តែងសិចជប៉ុន Rina Arano ត្រូវគេប្រទះឃើញសាកសពបោះចោលនៅលើជម្រាលភ្នំក្នុងព្រៃ ក្នុងទីក្រុង Hitachiota ខេត្ត Ibaraki ដែលមានចម្ងាយប្រហែល ៦ម៉ែត្រពីក្រោមផ្លូវព្រៃមួយ ក្រោយពីបាត់ខ្លួនរយៈពេល ១០ថ្ងៃ។

យោងតាមសារព័ត៌មានជប៉ុន នាងបានបាត់ខ្លួនកាលពីថ្ងៃទី៨ ខែមិថុនា ឆ្នាំ២០២២ លុះ ១០ថ្ងៃក្រោយមក សាកសពតារាស្រីរូបនេះត្រូវគេរកឃើញ ខណៈសាកសពមានសភាពអាក្រាតកាយ និងរលួយផ្នែកខ្លះទៅហើយ។

Rina ​ជា​តារា​ម៉ូដែល​ស្រាត​ឯករាជ្យ​ ហើយ​នាងក៏​ត្រូវ​បាន​គេ​ស្គាល់​ផង​ដែរ​ថា ជាតារាថត​វីដេអូ​អាសអាភាស​ដ៏ល្បីល្បាញម្នាក់។

តាមរយៈ​ខ្សែអាត់​វីដេអូ CCTV គេបាន​ឃើញនាងជា​លើក​ចុង​ក្រោយ ​នៅ​ក្នុង​រថយន្ត​របស់​បុរស​ម្នាក់ កាល​ពី​ថ្ងៃ​ទី៥ ខែ​មិថុនា។ បន្ទាប់ពីនោះ ស្រាប់តែគ្រួសាររបស់ Rina រាយការណ៍ថា នាងបានបាត់ខ្លួន។ ប៉ូលិសបានតាមដានទៅដល់ផ្ទះវីឡារបស់លោក Hiroyuki Sampei អាយុ ៣៣ឆ្នាំ ក្រោយសង្ស័យថាគាត់ជាជនចាប់ជំរិត និងបង្ខាំងនារីរងគ្រោះ ខណៈផ្ទះ​វីឡា​របស់គាត់​ស្ថិត​នៅ​មិនឆ្ងាយប៉ុន្មានពី​ផ្លូវ​ព្រៃ ​ដែលគេប្រទះសាក​សព​ Rina នោះទេ។

ការ​បោសសម្អាត​បន្ទប់​ក្រោម​ដី​នៃ​វីឡាបុរសរូបនេះ​ ប៉ូលិសបាន​រកឃើញ​ពូក​មួយ និង​របស់​របរ​ផ្សេង​ទៀត​ដែល​បញ្ជាក់​ថា​ មាន​មនុស្សធ្លាប់ស្នាក់​នៅ​ទីនោះ។ ទោះ​ជា​យ៉ាង​ណា Rian មិន​ត្រូវ​បាន​រក​ឃើញ​ឡើយ។

ដោយបដិសេធការចោទប្រកាន់នេះ Sampei បានអះអាងថា គាត់បាននាំ Rina ទៅវីឡារបស់គាត់ពិតមែន ហើយនាងបានយល់ព្រមឱ្យគាត់ថតរូបដាក់ខ្នោះ ប៉ុន្តែគាត់បានបើកឡានជូននាងទៅហាងក្បែរនោះ ហើយនាងក៏ចុះពីឡានគាត់ទៅ។

បើផ្អែកតាមរបាយការណ៍របស់ប៉ូលិសបានឱ្យដឹងថា Rina Arano ត្រូវបានចងភ្ជាប់ទៅនឹងដើមឈើដោយគ្មានសម្លៀកបំពាក់ ហើយបានស្លាប់អស់រយៈពេលជិតពីរសប្តាហ៍មកហើយ។ យោងតាមរបាយការណ៍នៃការធ្វើកោសល្យវិច័យ កាលពីថ្ងៃទី២១ ខែមិថុនា Rina អាចត្រូវបានគេច្របាច់កសម្លាប់។ យ៉ាងណាមិញ បច្ចុប្បន្នករណីនេះកំពុងស្ថិតក្រោមការស៊ើបអង្កេតនៅឡើយ៕

ប្រែសម្រួល៖ ​សន្យា

ប្រភព៖ Asiaone

ចុចអាន៖ Marian ត្រូវផលិតករស្នើថតរឿងថ្មីជាមួយតារាកូរ៉េ តែនាងបដិសេធ ព្រោះមូលហេតុនេះ