ជីវិតកម្សាន្ដ

រៀបការជិត ៥ ខែ Hyun Bin បង្ហើបជីវិតរស់នៅជាមួយភរិយា និងជិតក្លាយជាឪពុកគេ

បានផុស

២ years មុន

នៅ

ថ្ងៃពុធ ១៧ សីហា ២០២២

ដោយ

តារាសម្ដែងកូរ៉េ Hyun Bin បានទម្លាយអារម្មណ៍ពិតក្រោយរៀបការជាស្វាមី និងជិតក្លាយជាឪពុកគេ ក្នុងសន្និសីទសារព័ត៌មាននៃភាពយន្តថ្មី “Confidential Assignment 2: International” ថាមិនមានអ្វីផ្លាស់ប្ដូរឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងសន្និសីទសារព័ត៌មាន ដែលបានប្រារព្ធឡើងនៅ Grand Ballroom នៃសណ្ឋាគារ Seoul ដោយមាន នាយក Lee Suk Hoon, Hyun Bin, Yoo Hae Jin, YoonA និងតារាសម្ដែង Jin Sun Kyu បានចូលរួម ខណៈលោកបានបង្ហាញការដឹងគុណរបស់ខ្លួន បន្ទាប់ពីអ្នកទាំងនោះ បានមកអបអរសាទរក្នុងពិធីរៀបការលោក។

ក្នុងពិធីនោះ គេបានសួរលោកថា ក្រោយរៀបអាពាហ៍ពិពាហ៍ជាមួយតារាសម្ដែង Son Ye Jin និងថែមទាំងមានកូនដំបូងជាមួយគ្នាទៀត តើមានអ្វីផ្លាស់ប្ដូរ ចាប់តាំងពីពេលនោះមក។ Hyun Bin បានឆ្លើយថា “មិនមានអ្វីពិសេសប្រែប្រួលទេ ដោយសារតែនេះជារឿងផ្ទាល់ខ្លួនរបស់ខ្ញុំ។ អ្វីដែលខ្ញុំរង់ចាំ កាន់តែព្រួយបារម្ភ គឺខ្ញុំចង់ឲ្យគម្រោងភាពយន្តរបស់ខ្ញុំត្រូវបានគេស្រឡាញ់។ ខ្ញុំបារម្ភអំពីរបៀបដែលទស្សនិកជន នឹងមើលទៅគម្រោងភាពយន្ត ខ្ញុំសង្ឃឹមថា អ្នកនឹងមានសុទិដ្ឋិនិយម ខណៈពេលដែលខ្ញុំខិតខំធ្វើការណាស់ក្នុងរឿងនេះ។”

យ៉ាងណាមិញក្រោយ Hyun Bin ឆ្លើយរួច គេអាចសន្និដ្ឋានបានថា តារាសម្ដែងរូបនេះកំពុងព្រួយបារម្ភជាមួយនឹងភាពយន្តថ្មីរបស់ខ្លួន ខ្លាចថាពុំសូវមានអ្នកគាំទ្រដូចកាលលោកនៅលីវ។ ប៉ុន្តែបើអ្នកជាហ្វេនពិត ទោះអាយដលខ្លួនរៀបការហើយក្ដី ក៏នៅតែចាំគាំទ្រជារៀងរហូតដែរ។

គួរបញ្ជាក់ដែរថា Hyun Bin បានរៀបការជាមួយតារាសម្តែង Son Ye Jin កាលពីថ្ងៃទី ៣១ ខែមីនា បានធ្វើឲ្យកក្រើកពិភពសិល្បៈកូរ៉េ ហើយនៅដើមខែមិថុនា ពួកគេបានទម្លាយថា Son Ye Jin មានផ្ទៃពោះកូនដំបូង៕

ប្រែសម្រួល ៖ សាង ស្រីល័ក្ខ

ចុចអាន៖ទស្សនារូបថតអាពាហ៍ពិពាហ៍តួឯក ” Crash Landing On You” ខណៈនេះ ចេញជាផ្លូវការហើយ

ចុចអាន៖សមាជិក BTS ចំនួន ២ រូប ទៅទស្សនាការប្រគំតន្ត្រីរបស់ Billie Eilish