Connect with us

ជីវិតកម្សាន្ដ

MV ​បទ​ថ្មី ជំនូន​ ជួយ​ឲ្យ ស៊ូ ស៊ី​រី​កា ស្តារ​បានការ​គាំទ្រ​មក​វិញ

បានផុស

នៅ

​​តារា​ចម្រៀង​វ័យក្មេង​ចង្កេះអង្ក្រង​កញ្ញា ស៊ូ ស៊ី​រី​កា សម្រាប់​អាជីព​សិល្បៈ​របស់​នាង​នា​អំឡុង​មួយ​រយៈ​ពេល​ចុងក្រោយ ​ត្រូវ​ទស្សនិកជន​មើល​ឃើញ​ថា ​ទីផ្សារ​ចម្រៀង​និង​ស្ទុះ​នៃ​ការ​គាំទ្រ​ហាក់​មានការ​ធ្លាក់​ចុះ​ច្រើន ​ខណៈ​ដែល​បទ​ចម្រៀង​របស់​នាង​នៅ​ក្នុង​ផលិតកម្ម​ថោ​ន​ គឺ​ដូច​ជា​មាន​សកម្មភាព​រវើយ​ខុសប្លែក​កាលពី​គ្រា​មុន​ៗ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ដោយសារតែ​ហេតុផល​នៃ​ភាព​ស្ងប់ស្ងាត់ ​ចំពោះ​ការ​ចេញ​ចរាចរណ៍​ចម្រៀង​ ដើម្បី​ប្រជែង​យក​ទីផ្សារ​គាំទ្រ​ដូច​តារា​ប្រុស​-​ស្រី​ឯទៀត​នេះ ​ទើប​កាលនោះ​ធ្វើ​ឲ្យ​តារា​ចម្រៀង​ស្រី​សំឡេង​ផ្អែម ស៊ូ ស៊ី​រី​កា ហាក់​មាន​ភាព​បាក់​ស្រុត​ចុះ​នូវ​ការ​គាំទ្រ​និង​ប្រជាប្រិយភាព​អស់​មួយ​កម្រិត​។ ​ប៉ុន្តែ​យ៉ាង​ណា​មិញ​ពេលនេះ ​ស្រី​ស្រស់ ស៊ូ ស៊ី​រី​កា ក៏បាន​ស្រវា​ចាប់​យក​ឱកាស​ ដើម្បី​ស្តារ​ឡើង​វិញ​នូវ​ប្រជាប្រិយភាព​និង​ការ​គាំទ្រ​លើ​ចំណែក​ទីផ្សារ​ចម្រៀង​ជាថ្មី​។

​ជាក់ស្តែង​ថ្មីៗ​នេះ ​នាង​ត្រូវ​បាន​ទស្សនិកជន​និង​អ្នកគាំទ្រ​ជាច្រើន​ផ្ទុះ​ការចាប់អារម្មណ៍​ជាថ្មី​ ក្រោយ​ពេល​ដែល​តារា​ស្រី​រូប​នេះ​ បាន​ចេញ​បទ​ចម្រៀង​មាន​ចំណងជើង​ថា​ ជំនូន​ ដែល​ជា​ការបក​ស្រាយ​ដោយ​តារា​ចម្រៀង ស៊ូ ស៊ី​រី​កា​ និង​លោក​ ប៊ូ​អូ​ប៊ី ស្ថិត​នៅ​ក្នុង​សមិទ្ធផល​រួមគ្នា​រវាង​កិច្ចសហការ​ផលិតកម្ម​ថោ​ន​ និង​GMM​របស់​ថៃ​ ខណៈ​បទ​នេះ​កំពុង​ទទួល​បាន​ការ​គាំទ្រ​និង​សរសើរ​ពី​មជ្ឈដ្ឋាន​មហាជន​គ្រប់គ្នា​។

​តាមរយៈ​MV​បទ​ថ្មី ជំនូន របស់ ស៊ូ ស៊ី​រី​កា នេះ​ដែរ​ក្រៅ​តែ​មាន​ចំនួន​នៃ​ការចូលរួម​ទស្សនា​ច្រើន​ពី​សំណាក់​ទស្សនិកជន​គ្រប់​ស្រទាប់​វ័យ​នោះ ​ក៏​មាន​ការ​បន្ត​ចែករំលែក​បន្តបន្ទាប់​នៅ​លើ​បណ្តាញ​សង្គម​ហ្វេ​ស​ប៊ុ​ក​ផង​ដែរ​។​ ក្នុង​នោះ​ក៏​មាន​ការ​បញ្ចេញមតិ​ថា ​បទ​នេះ​ពិតជា​ប្លែក​មែន​! ធ្លាប់តែ​ឃើញ​បែប​កម្សត់​និង​សំឡេង​បែប​ខ្ពស់ ម្តង​នេះ​ប្លែក​ពិតជា​ទាក់ទាញ​ពីរោះ​ណាស់ អត្ថន័យ​ជ្រាលជ្រៅ​សម្រាប់​អ្នកមាន​ប្ដី​ប្រពន្ធ​។ ពីរោះ​ខ្លាំង​ណាស់ ស៊ី​រី​កា ស្រឡាញ់​ពេញ​បេះដូង ហើយ​កាយវិការ​ទាំង​ការ​ស្លៀកពាក់ ស័ក្ដិសម​ហើយ​ស៊ី​ជា​មួយ​នឹង​បទ (​ជំនូន​) ណាស់​ហើយ​នៅ​ខាងក្រៅ​ក៏​ស្អាត​ទៀត​។ ​ខ្ញុំ​សូម​គាំទ្រ​គ្រប់​ទម្រង់​សិល្បៈ​ចម្រៀង និង​ក្បាច់​រាំ ដែល​បង្ហាញ​ពី​វប្បធម៌​របស់​ជាតិ​យើង​។​ ទន្ទឹមគ្នា​នៃ​ការ​គាំទ្រ​ហើយ​លើក​សរសើរ​នេះ​ដែរ ​គេ​ឃើញ ស៊ូ ស៊ី​រី​កា បាន​សម្តែង​ពី​អារម្មណ៍​សប្បាយចិត្ត​និង​ក៏​អរគុណ​ចំពោះ​ការ​គាំទ្រ​ពី​សំណាក់​មហាជន​។

​កញ្ញា ស៊ូ ស៊ី​រី​កា បាន​ថ្លែង​បញ្ជាក់​បន្ថែម​ថា ​នាង​ខ្ញុំ ស៊ី​រី​កា​ សូម​អរគុណ​ដល់​ពុក​ម៉ែ​បងប្អូន​ ដែល​បាន​ស្រលាញ់​ហើយ​គាំទ្រ​រាល់​ការផលិត​របស់​ផលិតកម្ម​ថោ​ន​នឹង​រាល់​តារា​ចម្រៀង​របស់​ផលិតកម្ម​ថោ​ន​។​ នេះ​ជា​បទ​ដែល​ផលិតកម្ម​ថោ​ន​ បាន​សហ​ការណ៍​ចាប់ដៃ​គូរ​ជាមួយ​ផលិតកម្ម​GMM​របស់​ប្រទេស​ថៃ ​សង្ឃឹម​បងប្អូន​ស្រលាញ់​ហើយ​គាំទ្រ​។ ​ជូនពរ​បងប្អូន​ជៀស​ផុត​ពី​Covid-19 ទាំង​អស់​គ្នា​៕

អត្ថបទ៖ ចាន់​រ៉ា

សូមចុចអាន៖ ​អ្នកសិល្បៈល្បីៗ​ខ្មែរ​ជា​ច្រើន​រូប​នាំគ្នា​បង្អួត​សម្រស់​ ក្នុង​ឈុត​សម្លៀកបំពាក់​អបអរ​ថ្ងៃ បុណ្យ​ណូអែល​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម