តោះមកស្គាល់ ម្ចាស់ជយលាភី Cambodian Idol ទាំង ៤ រដូវកាល

កម្មវិធីប្រលងចម្រៀងលំដាប់ថ្នាក់ពិភពលោក Cambodian Idol ដែលបាននិងកំពុងទទួលការចាប់អារម្មណ៍ និងគាំទ្រជាខ្លាំងពីសំណាក់ប្រជាជនកម្ពុជា ហើយតើអ្នកនៅចាំម្ចាស់ជយលាភីទាំង ៣ រដូវកាលរបស់កម្មវិធីនេះដែរឬទេ?

បើគិតមកដល់ពេលនេះ កម្មវិធី Cambodian Idol មានរហូតទៅដល់បួនរដូវកាល ក្នុងនោះក៏មានបេក្ខជន-បេក្ខនារីជាច្រើនបានអភិវឌ្ឍខ្លួនក្លាយជាតារាចម្រៀង ហើយក្នុងនោះក៏បានរកឃើញម្ចាស់ជយលាភីតាមរដូវកាលនីមួយ ដែលពោលពេញទៅដោយសមត្ថភាព និងទេពកោសល្យ ដើម្បីបម្រើអារម្មណ៍ទស្សនិកជនតាមរយៈបទចម្រៀងជាច្រើនបទដូចគ្នាផងដែរ។

ថ្ងៃនេះ កម្ពុជាថ្មី សូមរលឹកម្ចាស់ជយលាភីទាំង ៣ រដូវកាលដូចតទៅ៖

១. លោក នី រតនា ម្ចាស់ជយលាភី Cambodian Idol រដូវកាលទី ១ កាលពីឆ្នាំ ២០១៥ ហើយមកដល់ពេលនេះលោកក៏បានក្លាយជាតារាចម្រៀងប្រចាំផលិតកម្មហង្សមាស។

២. កញ្ញា ឈិន ម៉ានិច ម្ចាស់ជយលាភី Cambodian Idol រដូវកាលទី ២ កាលពីឆ្នាំ ២០១៦ ហើយនាងក៏បានក្លាយជាតារាចម្រៀងប្រចាំផលិតកម្មហង្សមាស។

៣. លោក គ្រី ថៃពៅ ម្ចាស់ជយលាភី Cambodian Idol រដូវកាលទី ៣ កាលពីឆ្នាំ ២០១៨ ហើយលោកក៏បានក្លាយជាតារាចម្រៀងប្រចាំផលិតកម្មហង្សមាស។

ហើយកាលពីពេលថ្មីៗនេះ កម្មវិធី Cambodian Idol រដូវកាលទី ៤ ក៏បានរកឃើញម្ចាស់ជយលាភី គឺកំលោះតូច លីម តិចម៉េង ដែលបានឆក់បេះដូងប្រជាជនកម្ពុជារាប់ម៉ឺននាក់ បោះឆ្នោតគាំទ្ររហូតទទួលបានជោគជ័យ។ លើសពី Cambodian Idol រដូវកាលទី ៤ ក៏បានបំបែកកំណត់ត្រាការ Live លើផេកហ្វេសប៊ុកផ្លូវការរបស់ខ្លួន ដែលមានអ្នកចូលទស្សនារហូតទៅដល់ ៥០ ម៉ឺននាក់ផងដែរ៕

អត្ថបទ​៖ ផានិត