ជីវិតកម្សាន្ដ
តារាថៃ ៥ រូប ត្រូវមហាជនសរសើរពេញៗមាត់ ក្រោយសាងផ្នួស សងគុណឪពុកម្ដាយ
ក្នុងឱកាសចូលព្រះវស្សា ជារៀងរាល់ឆ្នាំ កូនប្រុសៗរបស់ពុទ្ធសាសនិក និយមសាងផ្នួសរយៈពេលខ្លី ដើម្បីសន្សំកុសលសម្រាប់ខ្លួនឯង ជាពិសេសតបស្នងសងគុណឪពុកម្ដាយ។ ជាក់ស្ដែង តារាប្រុសថៃ ៥រូប បានសម្រេចចិត្តកោរសក់ សាងផ្នួសជាព្រះសង្ឃ ដើម្បីឧទ្ទិសកុសលផលបុណ្យជូនដល់មាតាបិតា គួរឱ្យសរសើរជាទីបំផុត។ ពួកគេទាំងនោះរួមមាន៖
ពិធីករ Matthew Deane Chanthavanij
លេចមុខក្នុងកម្មវិធី Miss Grand International ពិធីករ Matthew Deane Chanthavanij បានទាក់ទាញការចាប់អារម្មណ៍ខ្លាំងក្លាពីអ្នកគាំទ្រជាតិ និងអន្តរជាតិដោយសារវោហារសព្ទ និងរូបរាងស្រស់សង្ហា។ ទន្ទឹមនឹងប្រជាប្រិយល្បីល្បាញ តារាប្រុសរូបនេះ មិនភ្លេចនឹកគុណដល់ឪពុកម្តាយរបស់ខ្លួនឡើយ ទើបថ្មីៗនេះ លោកសម្រេចចិត្តកោរសក់ បួសជាព្រះសង្ឃ ធ្វើឲ្យទស្សនិកជនសរសើរពេញៗមាត់តែម្ដង។
តារាចម្រៀង Mike Angelo
តារាកូនកាត់ថៃ-ចិន Mike Angelo ជាតារាប្រុសដ៏មានប្រជាប្រិយភាពពីអ្នកគាំទ្រស្រីៗយ៉ាងច្រើន។ លោកឆក់យកបេះដូងអ្នកគាំទ្រសន្ធឹកសន្ធាប់ ដោយសាររូបរាងសង្ហា ទឹកមុខទាក់ទាញ និងស្នាមញញឹមដ៏ស្រស់ស្អាត។
កាលពីពេលកន្លងទៅ Mike ធ្លាប់ធ្វើឲ្យមហាជនថៃ មានការចាប់អារម្មណ៍ជាខ្លាំង ក្រោយរូបលោកសម្រេចចិត្តកោរសក់ ស្លៀកស្បង់ ដើម្បីតបស្នងសងគុណឪពុកម្តាយ ដែលបានបង្កើត ចិញ្ចឹមបីបាច់ និងថែរក្សាលោកតាំងពីតូចក្រូចឆ្មា។ ទង្វើនេះរឹតតែធ្វើឱ្យ Mike Angelo ជះភាពសង្ហាមិនអន់ថយ ហើយហ្វេនៗកាន់តែគាំទ្រតារាប្រុសរូបនេះទ្វេដង។
តារាសម្ដែង Nadech Kugimiya
នៅក្នុងបញ្ជីកំពូលតារាប្រុសរបស់ឧស្សាហកម្មកម្សាន្តថៃ Nadech Kugimiya គឺជាបុរសសង្ហាដ៏មានឥទ្ធិពល ដែលទាក់ទាញចំណាប់អារម្មណ៍យ៉ាងខ្លាំងពីទស្សនិកជនគ្រប់មជ្ឈដ្ឋាន។ ក្នុងនោះលោកធ្លាប់បង្កការភ្ញាក់ផ្អើល ក៏ដូចជាកោតសរសើរខ្លាំងក្លាពីមហាជន បន្ទាប់ពីលោកសម្រេចចិត្តបួសជាព្រះសង្ឃ កំលុងចូលព្រះវស្សា ដើម្បីឧទ្ទិសកុសលដល់ឪពុកម្តាយ។
តារាសម្ដែង Peach Pachara Chirathivat
ដូចកូនប្រុសដទៃ ក្នុងព្រះពុទ្ធសាសនាដែរ Peach Pachara Chirathivat ធ្លាប់កោរសក់ ក្លាយជាព្រះសង្ឃ ដើម្បីសងគុណអ្នកមានគុណទាំងទ្វេ។ សកម្មភាពនេះ បានទាក់ទាញការចាប់អារម្មណ៍យ៉ាងផុសផុលពីសាធារណជនថៃ ដោយលោកបានទទួលការសរសើរច្រើនបំផុតពីប្រជាជនរបស់លោក។
តារាសម្ដែង Tor Thanapob
បន្ទាប់ពីបញ្ចប់រឿង “បេះដូងដែក” តារាសម្ដែង Tor Thanapob បានសម្រេចចិត្តបួសភ្លាមៗ ធ្វើឱ្យផ្ទុះការចាប់អារម្មណ៍ជាច្រើនពីអ្នកគាំទ្រ ហើយលោកថែមទាំងទទួលបានការស្រឡាញ់ចូលចិត្តខ្លាំងឡើង ព្រោះទង្វើនៃការដឹងរបស់លោកចំពោះឪពុកម្ដាយ៕
ប្រែសម្រួល៖ សន្យា
ចុចអាន៖ ហ្វេនទំនងមិនទាន់ស្គាល់ នេះជាបងប្អូនបង្កើតរបស់សមាជិក BLACKPINK
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង