ជីវិតកម្សាន្ដ

ដួង សុខគា ខកចិត្តខ្លាំង ក្រោយសម្តីដែលខ្លួននិយាយចង់ឲ្យសិល្បៈល្អ បែរជាគ្មានតម្លៃ

បានផុស

៣ years មុន

នៅ

ថ្ងៃចន្ទ ២៨ ធ្នូ ២០២០

ដោយ

តារាប្រុសពហុជំនាញ អាចលេងបានគ្រប់ទម្រង់សិល្បៈទាំងបុរាណ សម័យ អាយ៉ៃ កំប្លែងលោក ដួង សុខគា បានបង្ហាញពីអារម្មណ៍មិនសប្បាយហើយហួសចិត្តខ្លាំង ខណៈដែលបំណងល្អរបស់ខ្លួនមួយចំនួន ដែលនិយាយចង់ឲ្យសិល្បៈល្អតែបែរជាគ្មានតម្លៃឬត្រូវបានបុគ្គលនៅជុំវិញខ្លួនខ្លះគិតថា ពុំមានតម្លៃទៅវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងរបស់លោក ដួង សុខគា នេះបានធ្វើឲ្យអ្នកគាំទ្រមួយចំនួនយល់ឃើញថា ចំពោះពាក្យសម្តីរបស់ ដួង សុខគា ដែលនិយាយកន្លងមកតែងតែមានប្រយោជន៍សម្រាប់សង្គម ដែលផ្តល់ចំណេះដឹងច្រើនដល់មហាជន។ ម្យ៉ាងទៀតលោក ក៏ជាអ្នកសិល្បៈរៀមច្បង ដែលគួរឲ្យគោរពនិងកោតសរសើរចំពោះសមត្ថភាពទាំងការងារសិល្បៈនិងអាជីពផ្ទាល់ខ្លួន។ ប៉ុន្តែមិនគួរណា មានបុគ្គលមួយចំនួនបែរជាមើលលោកបំណងមិនល្អបែបនេះទេ។

លោក ដួង សុខគា បានរៀបរាប់បង្ហាញពីអារម្មណ៍អន់ចិត្តថា ថ្ងៃក្រោយយើងមិនបាច់ស្គាល់គ្នាទៀតក៏បាន។ សម្តីខំនិយាយចង់ឲ្យសិល្បៈល្អវាមិនមានតម្លៃទេ បើត្រង់កាច់គ្នាបង្ខូចគ្នាច្រណែនគ្នា និងនិយាយដើមគ្នាពូកែណាស់ សុំដកខ្លូន ព្រោះខុសម៉ាកគ្នា អ្នកណាចង់ថាអីក៏ថាទៅ។សំណេររបស់លោក ដួង សុខគា នេះបានធ្វើឲ្យមហាជននិងអ្នកគាំទ្រលើកទឹកចិត្តហើយបញ្ចេញទស្សនៈថា បើសិនជាយើងនិយាយចង់ឲ្យល្អ ហើយគេមិនស្តាប់ទេកុំខ្វល់ច្រើន ព្រោះចិត្តមនុស្សមានចរិតខុសគ្នា។

សូមជម្រាបថា លោក ដួង សុខគា កន្លងមកគឺជាអតីតពិធីករប្រុសល្បីឈ្មោះ និងទទួលបានការគាំទ្រខ្លាំងនៅស្ថានីយទូរទស្សន៍CTN ប៉ុន្តែក្រោយមកលោកក៏បានសម្រេចចិត្តចាកចេញពីកន្លែងចាស់ ដោយប្រើប្រាប់ជីវិតជាអ្នកសិល្បៈដែលឯករាជ្យ។ មិនតែប៉ុណ្ណោះរហូតមកទល់ពេលនេះ លោក ដួង សុខគា ក៏នូវតែរក្សាបានការគាំទ្រនិងប្រជាប្រិយភាពលើវិស័យសិល្បៈ ខណៈត្រូវបានទស្សនិកជនជាច្រើនតែនាំគ្នាលើកសរសើរ និងកោតស្ញប់ស្ញែងចំពោះសមត្ថភាពសិល្បៈរបស់លោក ដែលអាចធ្វើបានគ្រប់ទម្រង់ទាំងអស់៕

អត្ថបទ៖ ចាន់រ៉ា

សូមចុចអាន៖ ឧកញ៉ា ឌួង ឆាយ បង្ហោះរូបភាពជាមួយកូនៗនាថ្ងៃបុណ្យណូអែល ខណ:មហាជនសុំឲ្យត្រូវគ្នាវិញជាមួយភរិយា

Related Topics:តារាខ្មែរ