ជីវិតកម្សាន្ដ

ពេជ្រ សូលីកា ប្រតិកម្មយ៉ាងចាស់ដៃទៅបុគ្គលអគតិមួយចំនួនអង្គុយចាំតែទើស

បានផុស

៤ years មុន

នៅ

ថ្ងៃព្រហស្បតិ៍ ៨ កញ្ញា ២០២២

ដោយ

អ្នកមេម៉ាយរូបស្រស់ ពេជ្រ សូលីកា មួយរយៈចុងក្រោយហាក់ជួបប្រទះនូវរឿងរ៉ាវស្មុគស្មាញ និងមិនសប្បាយចិត្តមួយចំនួនពោល គឺចាប់តាំងពីមានដំណឹងនៃការបែកបាក់ស្វាមី។ រំលងបញ្ហាបែក បាក់ស្នេហានេះ មិនបានប៉ុន្មាន ពេជ្រ សូលីកា ស្រាប់តែកើតមានរឿងរ៉ាវយល់ច្រឡំទំនាក់ទំនងជាមួយបេក្ខជន សុភិទិ ប៉ុន្តែត្រូវបានអ្នកទាំងពីរបកស្រាយថា ត្រឹមការរាប់អានគ្នាប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកបើចាប់អារម្មណ៍មករឿងថ្មីមួយទៀតដែលធ្វើឲ្យអ្នកនាង ពេជ្រ សូលីកា ហាក់មិនសប្បាយចិត្តនោះបន្ទាប់ពីមានជនអគតិមួយចំនួនព្យាយាមបញ្ចេញយោបល់បែបបញ្ចើចបញ្ចើក្នុងអត្ថន័យឌឺដងផ្លែការឱ្យនាងរាល់សកម្មភាពបង្ហោះនៅលើគណនីហ្វេសប៊ុក។ ជាក់ស្តែងមុននេះ ពេជ្រ សូលីកា បានបង្ហោះប្រកាសជ្រើសរើសតួប្រុសដើម្បីថត MV ដូច្នេះថា«ចង់ថត MV បទថ្មីជួយ Comments តួប្រុសម្នាក់មួយមក»។

ភ្លាមៗនៃការបង្ហោះនោះស្រាប់តែមានការបញ្ចេញមតិមួយចំនួនពីអ្នកប្រើប្រាស់បណ្តាញសង្គមដោយលើកឡើង ក្នុងន័យមិនល្អដាក់បន្ទុកលើតារាស្រី ពេជ្រ សូលីកា។ ប្រតិកម្មឆ្លើយតបការបញ្ចេញទស្សនៈទាំងនោះកញ្ញា ពេជ្រ សូលីកា បានរៀបរាប់ដោយកំហឹងថា គួរនិយាយម៉េចឲ្យវាសមចូលខមិនខ្លួនឯងចូលShareខ្លួនឯង ហើយគិតតែខ្លួនឯងពេលណាទើបចោលសណ្ដានទើសហ្នឹងទៅ?។

អ្នកនាងបន្តថា គ្នាផុសសួរត្រឹមត្រូវទៅជាចេញនាំភ្លើងរឿងផ្សេង ខ្ញុំចំណាយលុយផ្ទាល់ខ្លួនដើម្បីធ្វើMV បទថ្មីចង់បានតួថ្មី ហើយវាក៏ជាស្នាដៃលើកដំបូងដែលធ្វើខ្លួនឯងក្រែងលោបងប្អូនណាមានមិត្តភក្ដិចង់ថតmentionមកខ្ញុំមានក្រុមការងារទាក់ទងទៅហើយ ម៉េចទៅជាភ្លាវអ៊ីចឹងទៅ? ប៉ិនខ្ញុំត្រូវការ attention មកធ្វើអីគួរសួរខ្លួនឯងវិញវាចេះតែម៉េចក្នុងខ្លួន?។ អ្នកណា Jo ឲ្យប្រាកដខួរក្បាលរៀនគិតរឿងវិជ្ជមានពីគេខ្លះផងទៅកុំសប្បាយអរអារឿងខមិនតែស្ករតាមគ្នាច្រើនពេកបើស្អប់ណាស់ទើសណាស់អូសចោលទៅបើខ្លួនឯងល្អជាងគេនោះ។

បន្ថែមពីនេះ អ្នកមេម៉ាយចាយរាងពេជ្រ សូលីកា លើកឡើងថាយូរៗចាំតែចាប់កំហុសហ្មង អីក៏ទើសអីក៏ខុស អាងគ្នាមិនមាត់កាន់តែខំជាន់អ៊ីចឹងគេមិច បាច់ធ្វើការរកស៊ីអីទេហ៎ អង្គុយស្ងៀម ហើយដើរតែទើសគេអ៊ីចឹងហ្មងមែន។ ខ្ញុំមិនចេះមកអង្គុយតែអត់ ប្រយោជន៍ខុសរបៀបអ៊ីចឹងទេ បើទំនេរអត់ស្អីធ្វើណាស់យកពេលវេលាគិតពីខ្លួនឯងឲ្យបានច្រើនទៅថាថីបានចេះតែដើរទើសគេបែបនេះ៕

អត្ថបទ៖ ចាន់រ៉ា