ពេជ្រ សូលីកា រំលឹករឿងរងអយុត្តិធម៌ និងក្តីអាម៉ាស់ ធ្លាប់ត្រូវគេលាបពណ៌ឱ្យរបួសផ្លូវចិត្តជាច្រើនកន្លងទៅ

ថ្វីត្បិតពេលនេះតារាចម្រៀងកូនមួយអ្នកនាង ពេជ្រ សូលីកា បានលាងរបួសផ្លូវចិត្តវិញ និងកំពុងជោគជ័យជាថ្មីលើវិថីសិល្ប:ក្រោយតារាស្រីរូបនេះធ្លាប់រងសម្ពាធផ្លូវចិត្ត ប៉ុន្តែមកទល់ពេលនេះស្រាប់តែនាងបានរំលឹកនូវភាពឈឺចាប់ដោយរងអយុត្តិធម៌ និងក្តីអាម៉ាស់ត្រូវបានគេលាបពណ៌ជាច្រើនកន្លងទៅ។

តារាចម្រៀង ពេជ្រ សូលីកា កន្លងទៅក៏ត្រូវបានជាប់ឈ្មោះជាស្ត្រីម៉េម៉ាយ បន្ទាប់ពីបែកបាក់ជាមួយអតីតស្វាមីអាណិកជននៅក្រៅប្រទេស តែទោះបីយ៉ាងណាតារាចម្រៀងស្រីរូបនេះបានក្លាយជាបន្ទុកក្នុងការចិញ្ចឹមប្រុសម្នាក់តែម្នាក់ឯង ខណ:របួសផ្លូវចិត្តមកដល់បច្ចុប្បន្នបានធូស្រាលវិញដូចដើម។

ទន្ទឹមគ្នាដែលពេលវេលាបានកន្លងផុតទៅយូរឆ្នាំមកនោះ ពេជ្រ សូលីកា ក៏បានចេញមករំលឹកនូវរឿងរ៉ាវដែលធ្លាប់រងការឈឺចាប់និងភាពអយុត្តិធម៌របស់នាង។ សូលីកា បានរៀបរាប់ខ្លឹមសារថា “ភាពរងអយុត្តិធម៌ និងក្តីអាម៉ាស់ដែលខ្ញុំទទួលបានច្រើនឆ្នាំកន្លងទៅ ដែលខ្ញុំធ្លាប់ត្រូវបានគេលាបពណ៌ដោយមិនញញើត ដៃខ្ញុំមិនអង្គុយចាំមើលកម្មឱ្យផលទេ ព្រោះខ្ញុំជឿលើបុណ្យបាបបុណ្យដែលធ្វើចេញពីចិត្ត”។

តារាចម្រៀង ពេជ្រ សូលីកា បានបន្តថាអ្នកសាងអ្វីវា និងវិលរកម្ចាស់ដើមវាវិញគុណ និង១០ព្រោះរបួសផ្លូវចិត្តនាងពេលនោះ វាធ្ងន់ធ្ងររហូតមិនអាចទទួលការព្យាបាលបានយ៉ាងដំណំ។ ពេលនោះពិបាកបំផុតគឺនាងត្រូវប្រឈរមុខជាមួយរឿងការជាន់ឈ្លីកិត្តិយសមើលងាយជេរប្រមាថដែលនាងមិនបានធ្វើដូចគេចោទប្រកាន់។

ពេជ្រ សូលីកា បញ្ជាក់បន្ថែមទៀតថា ចរិត Scorpio រៀងចរិតចាស់ទុំបន្តិច មិនចូលចិត្តបកស្រាយពីភាពស្អាតស្អំខ្លួនឯងឱ្យគេដឹងឮច្រើនទេព្រោះនាងនៅតែជឿលើពេលវេលាដោយទុកឱ្យពេលវេលាជាអ្នកធ្វើការ រួចបន្តសាងអំពើល្អដោយមិនរង់ចាំការតបស្នង (បែកគ្នាយូរហើយចរិតនៅតែក្មេងបៀមដៃ) ៕ ដោយ ៖ ចាន់រ៉ា