បង្កើតកម្មវិធី Miss Grand ១០ឆ្នាំហើយ លោក ណាវ៉ាត់ សល់ទ្រព្យផ្ទាល់ខ្លួនប៉ុន្មានទៅ?

ណាវ៉ាត់ អ៊ីសារ៉ាហ្គ្រីស៊ីល (Nawat Itsaragrisil) ធ្លាប់ជាបុគ្គលិកសារព័ត៌មាននៅស្ថានីយទូរទស្សន៍ប៉ុស្តិ៍លេខ៣ ថៃ ហើយបច្ចុប្បន្នលោកជាអ្នកជំនួញជោគជ័យមួយរូប ដែលទស្សនិកជនភាគច្រើនបានស្គាល់តាមរយៈនាយកស្ថាប័ន Miss Grand International ។

លោក ណាវ៉ាត់ ត្រូវបានគេស្គាល់ជាលើកដំបូងនៅក្នុងកម្មវិធីទូរទស្សន៍ទេសចរណ៍ និងបន្ទាប់មកលោកបានចូលបម្រើជាពិធីករនៅទូរទស្សន៍ប៉ុស្តិ៍លេខ៣ ដោយធ្វើជាម្ចាស់ផ្ទះកម្មវិធី “Travel variety talk show Today Show” និងក្លាយជានាយកប្រតិបត្តិ ក៏ដូចជាផលិតករនៃកម្មវិធីប្រកួតបវរកញ្ញាពិភពលោកថៃ អំឡុងឆ្នាំ ២០០៧ ដល់ឆ្នាំ ២០១២។

ក្រោយឈប់ធ្វើការឱ្យគេ នៅថ្ងៃទី៦ ខែវិច្ឆិកា ឆ្នាំ២០១៣ លោកចាប់ផ្តើមបង្កើតកម្មវិធីបវរកញ្ញាថ្នាក់ជាតិគឺ Miss Grand Thailand ​ហើយនៅថ្ងៃទី១៩ ខែឆ្នាំដដែល លោកបង្កើតកម្មវិធីនេះជាកម្មវិធីអន្តរជាតិដោយដាក់ឈ្មោះថា Miss Grand International ស្របពេលដែលបច្ចុប្បន្នកម្មវិធីសម្រស់មួយនេះបានសាយភាយទៅដល់ជិត ១០០ប្រទេស នៅជុំវិញពិភពលោក។

បន្ទាប់ពីបង្កើតកម្មវិធី ​Miss Grand International យ៉ាងជោគជ័យ អស់រយៈពេល ១០ឆ្នាំ ពេលនេះលោក ណាវ៉ាត់ អាចរកចំណូលបានវាល់លានបាតឱ្យស្ថាប័នរបស់ខ្លួន និងបានកើបប្រាក់ចំណេញរាប់លានបាតទៀត ចូលហោប៉ៅផ្ទាល់ខ្លួន។ យោងតាមការវិភាគពី Wikipedia, Popular Bio និង Celebrity Age បានឱ្យដឹងថា ឆ្នាំ២០២៣នេះ ស្ថាបនិក MGI លោក ណាវ៉ាត់ អ៊ីសារ៉ាហ្គ្រីស៊ីល ជាម្ចាស់ប្រាក់សុទ្ធប្រមាណ ៥លានដុល្លារអាមេរិក ដែលនេះមិនទាន់រាប់បញ្ចូលនូវអចលនទ្រព្យដទៃទៀតនោះទេ៕

ប្រែសម្រួល៖ សន្យា

ចុចអាន៖ ឆ្នាំ២០២៣ ទ្រព្យសម្បត្តិ Pope តួឯកប្រុសរឿង បុព្វេសន្និវាស កើនខ្ពស់មិនធម្មតា

ចុចអាន៖ ម្ចាស់មកុដ MGI ឆ្នាំនេះ រកចំណូលមិនសូវបានឱ្យក្រុមហ៊ុន