ម្ចាស់មកុដ Miss Grand International 2022 បវរកញ្ញា Isabella Menin ហាក់មិនសូវមានប្រជាប្រិយភាពក្នុងចំណោមអ្នកគាំទ្រវិស័យសម្រស់ ស្របពេលដែលទីផ្សារការងារលើការផ្សព្វផ្សាយម៉ាកយីហោនានា ក៏ពុំមានសូវមានអ្នកស្រវារកនាងដែរ។

ថ្វីត្បិតគ្រងតំណែងជាម្ចាស់ជយលាភីឯក MGI ឆ្នាំ២០២២ ប៉ុន្តែបវរកញ្ញា Isabella មិនសូវជាលេចធ្លោ អាចទាក់ទាញម្ចាស់ផលិតផលឱ្យជួលនាងផ្សព្វផ្សាយឡើយ ដែលនេះធ្វើឱ្យស្ថាប័ន Miss Grand International រកចំណូលមិនសូវបានច្រើន បើប្រៀបធៀបទៅនឹង Thuy Tien បវរកញ្ញាអាណត្តិនេះ ត្រូវបវរកញ្ញាអាណត្តិមុនវ៉ាដាច់ភឹងតែម្ដង។

កាលពីអាណត្តិមុន បវរកញ្ញា Thuy Tien គ្រងមកុដតែ ៣ខែប៉ុណ្ណោះ នាងអាចរកប្រាក់រហូតទៅដល់ជាង ៥លានដុល្លារឯណោះ។ ដោយឡែកចំពោះបវរកញ្ញា Isabella វិញ គ្រងមកុដបានជាង ៤ខែទៅហើយ តែនាងរកចំណូលមិនទាន់ដល់ខ្ទង់ ៥លាននោះទេ។

យ៉ាងណាក្ដី ទោះបីជាបវរកញ្ញា Isabella Menin មិនសូវមានប្រជាប្រិយភាពចំពោះម្ចាស់ម៉ាកយីហោទាំងនៅស្រុកថៃ និងអន្តរជាតិ ប៉ុន្តែកេរ្តិ៍ឈ្មោះរបស់នាងបានធ្វើឱ្យគណនី Miss Grand កើនអ្នកតាមដានឡើងវិញចំនួន ១លាននាក់ បន្ទាប់ពីអ្នកគាំទ្រវៀតណាម ចុច Unfollow ជាង ២លាននាក់ កាលពីខែតុលា ឆ្នាំ២០២២៕

ប្រែសម្រួល៖ សន្យា

ចុចអាន៖ Thuy Tien ក្លាយជាបវរកញ្ញា MGI ដំបូង រកចំណូលបានច្រើនជាងគេឱ្យក្រុមហ៊ុន

ចុចអាន៖ មុនក្លាយជាម្ចាស់មកុដ MGI ឆ្នាំនេះ​ បវរកញ្ញា Isabella Menin ជាសកម្មជនមនុស្សធម៌ និងមានប្រវត្តិអប់រំខ្ពស់