ថៃឈ្លោះថៃគ្នាឯង នាយករដ្ឋមន្ត្រី Anutin ប្ដឹងលោក Nawat ថាជា «មនុស្សមាត់គ្មានគម្រប»

តាមការចុះផ្សាយពីសារព័ត៌មាន thethaiger នាយករដ្ឋមន្ត្រីថៃ Anutin Charnvirakul កាលពីថ្ងៃទី១២ ខែតុលា បានសម្រេចចិត្តដាក់ពាក្យប្ដឹងទៅលើម្ចាស់ស្ថាប័ន Miss Grand International (MGI) លោក Nawat Itsarakraisil ពីបទបរិហារកេរ្តិ៍ ចំពោះការអត្ថាធិប្បាយអំពីជំងឺកូវីដ-១៩ ដោយថា «Nawat ជាមនុស្សមាត់គ្មានគម្រប»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការឆ្លើយតបនឹងបណ្តឹងបរិហារកេរ្តិ៍ ដែលប្តឹងដោយនាយករដ្ឋមន្ត្រីបច្ចុប្បន្ន ពីបទរិះគន់ជំងឺកូវីដ-១៩ កាលលោកនៅជារដ្ឋមន្ត្រីក្រសួងសុខាភិបាល ម្ចាស់ស្ថាប័ន MGI បានបញ្ជាក់​នៅលើទំព័រហ្វេសប៊ុកផ្ទាល់ខ្លួនទាំងគ្មានការព្រួយបារម្ភថា វា​គ្រាន់​តែ​ជា​រឿង​តូចតាច​ប៉ុណ្ណោះ ដូច្នេះ​លោក Anutin គួរ​តែចំណាយ​ពេល​ជួយ​ប្រជាជនច្រើនជាងមកប្ដឹងផ្ដល់លោកនាំតែខាតពេលវេលាប៉ុណ្ណោះ។

យ៉ាងណាមិញ បញ្ហាដ៏រសើបមួយនេះបានក្លាយជាប្រធានបទនៃការពិភាក្សាគ្នាយ៉ាងក្តៅគគុកក្នុងប្រទេសថៃ បន្ទាប់ពី​តុលាការ​ជាន់​ទាប ​បានសម្រេចច្រានចោល​សំណុំរឿង​ក្តីរបស់នាយករដ្ឋមន្ត្រី​ ប៉ុន្តែ​ភាគីលោក Anutin បាន​សម្រេច​បន្ត​ចាត់ការ​តាម​ផ្លូវច្បាប់​នៅ​សាលាឧទ្ធរណ៍។

ដោយឡែក អ្នក​​លេង​អ៊ីនធឺណិត​ជាច្រើនបាន​បញ្ចេញ​មតិ​ផ្សេងៗ ដែល​អ្នក​ខ្លះ​សម្ដែង​ការ​តក់ស្លុត​ចំពោះ​ស្ថានភាព​មួយនេះសឹងតែមិនជឿថា នាយករដ្ឋមន្ត្រី​បច្ចុប្បន្នបែរជាមានជម្លោះជាមួយម្ចាស់ស្ថាប័នបវរកញ្ញាទៅវិញ។ ជាពិសេស ជម្លោះជាមួយពាណិជ្ជកររូបនេះ ​មហាជនសុទ្ធតែដឹងហើយថា គ្មានផលចំណេញអ្វីឡើយ។

ជាក់ស្ដែង នាពេលកន្លងមក មេ MGI រូបនេះតែងតែដើរបង្ករឿងជាមួយមនុស្សជាច្រើន រាប់ចាប់តាំងពីសហម្ចាស់ Miss Universe Organization គឺស្រ្តីកែភេទ Anne Jakrajutatip ដែលធ្លាប់ឈ្លោះគ្នាបែកផ្សែងផ្អើលប្រទេសថៃ ព្រមទាំង NDប្រទេសជិតខាង និងម្ចាស់ស្ថាប័នបវរកញ្ញាមកពីជុំវិញពិភពលោកផងដែរ៕

អត្ថបទ៖ សាង ស្រីល័ក្ខ

ចុចអាន៖អត្តសញ្ញាណតារាប្រុស មានពាក្យចចាមអារ៉ាម ជាមួយ Song Hye Kyo កាល ១២ ឆ្នាំមុន