តារាម៉ូដែលនិងសម្ដែងស្រី Janie Tienphosuwan ទើបតែបង្ហាញនៅរូបភាពប៉ុន្មានសន្លឹកលើបណ្ដាញសង្គម IG ផ្ទាល់ខ្លួន ទទួលការសរសើរសម្រស់កើនខ្លាំង ប៉ុន្តែក៏ផ្ទុះការរិះគន់យ៉ាងចាស់ដៃដែរថា នាងកាន់តែមានរាងកាយស្គមស្គាំងលើសមុនទៀត។

ត្បិតថាអ្នកម្ដាយកូនមួយរូបនេះទទួលការសរសើរព្រោងព្រាតពីមួយថ្ងៃទៅមួយថ្ងៃ​ក៏ពិតមែន ប៉ុន្តែនៅពេលបញ្ចេញរូបរាងម្ដងនេះនាងបែរជាត្រូវមហាជន​គិតថា​នាងកាន់តែ​ស្គម​ខ្លាំង ​ខណៈតារាស្រី​រូបនេះ​ស្លៀក​ខោខូប៊យ​បង្ហាញ​កាន់​តែ​ច្បាស់​ពី​ចង្កេះ​ល្អិត​តូចមួយ។ លើសពីនេះ អ្នកគាំទ្រក៏បញ្ចេញមតិថា Janie មាន​រូបរាងស្វែលស្អាត តែពេលស្លៀក​ខោខូវប៊យ​របស់​មនុស្ស​ប្រុស​បែបនេះ​ កាន់តែ​បង្ហាញ​ចង្កេះ​ស្ដើង​ដូច​ក្រដាស A4 រហូតដល់មនុស្សជាច្រើនឃើញ​ហើយនិយាយជាសំឡេងដូចគ្នាៗ​ថានាងនៅស្អាតដូចយុវវ័យ​ទោះមានអាយុច្រើន តែអ្វីសំខាន់គឺនាងស្គមខ្លាំងណាស់។

យ៉ាងណាមិញមិនមែនជាលើកទីមួយទេសម្រាប់តារាសម្ដែងនិងម៉ូដែលរូបនេះ ដែលត្រូវមហាជនរិះគន់អមនឹងការសរសើរព្រោះសព្វថ្ងៃនេះនាងពិតមានរាងកាយស្គមខ្លាំងលើសមុន ដែលកាលពីមុន Janie មិនមែនមានរាងរៅស្វែលនោះទេ៕

ប្រែសម្រួល៖ សាង ស្រីល័ក្ខ

ចុចអាន៖Mew ទម្លាយអារម្មណ៍ពិតទាំងក្រៀមក្រំ ក្រោយជួបរឿងចម្រូងចម្រាសជាមួយ Bella Ranee

ចុចអាន៖Mai Davika បញ្ចេញរូបភាពសក់ខ្លី ​ទាក់ចិត្តទស្សនិកជនមិនតិចនាក់