ជីវិតកម្សាន្ដ

Mew ទម្លាយអារម្មណ៍ពិតទាំងក្រៀមក្រំ ក្រោយជួបរឿងចម្រូងចម្រាសជាមួយ Bella Ranee

បានផុស

២ years មុន

នៅ

ថ្ងៃសុក្រ ១០ មីនា ២០២៣

ដោយ

ដោយសាររឿងរ៉ាវចម្រូងចម្រាសពីតារាស្រី៤ ដួងមាន Margie Rasri, Mew Nittha និង Mint Chalida បានជជែកគ្នាក្នុងកម្មវិធីមិត្តថ្មីលើឆានែលយូធូប របស់ Mai Davikah រហូតឈានដល់និយាយពីមនុស្សមិនចង់ធ្វើការជាមួយ និងរងការរិះគន់ពីមហាជនជាច្រើនពីរឿងមិនសមរម្យមួយនេះ។

យ៉ាងណាមិញ បន្ទាប់ពីមានបញ្ហាមិនចេះចប់ទីបំផុតតារាស្រី Mew Nittha បានផ្តល់បទសម្ភាសន៍ដល់អ្នកសារព័ត៌មានជុំវិញរឿងដែលបានកើតឡើងកន្លងមកថា នាងពិតជាមានការសោកស្ដាយជាមួយនឹងរឿងដែលបានកើតឡើង ព្រោះវាជាអ្វីដែលនាងក៏មិននឹកស្មានថា វាអាចឈានដល់ទំហំនោះ។ នាងពិតជាចង់សុំទោស ចំពោះទង្វើដែលបង្កឡើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកម្ដាយកូនមួយរូបនេះនិយាយបន្តទាំងក្រៀមក្រំថា “ដូចដែលខ្ញុំបាននិយាយ វាគឺជាឆ្នោតនិងចម្លើយសំណួរក្នុងក្រដាស។ ពួកយើងមិនមានបំណងនិយាយដើម ឬបង្កាច់បង្ខូចនរណាម្នាក់ឡើយ។ នេះគ្រាន់តែជាការនិយាយប្រាប់គ្នាពីបទពិសោធន៍ដែលពួកយើងធ្លាប់បានជួបប្រទះកាលពីកន្លងមកប៉ុណ្ណោះ។

ទោះយ៉ាងណានៅថ្ងៃដំបូងដែលកើតរឿងក្នុងក្រុម Mew បញ្ចាក់បន្ថែមថា ពួកយើងក៏បានពិភាក្សាតិចតួចដែរ គ្រប់គ្នាមានការព្រួយបារម្ភ និងមិនស្រួលចំពោះអ្វីដែលបានកើតឡើង។ នៅពេលដែលមនុស្សស្វែងរករឿងដើម្បីភ្ជាប់គ្នាមិនឈប់ ម្នាក់ៗក៏មានអារម្មណ៍មិនស្រួលដែរ។ ពួកយើងក៏មិនសប្បាយចិត្តនឹងអ្វីដែលបានកើតឡើង! ហើយឧប្បត្តិហេតុបានបង្រៀនយើងនូវមេរៀនជាច្រើន នោះគឺត្រូវមានការប្រុងប្រយ័ត្នបន្ថែមទៀត ដោយមិនប៉ះពាល់ដល់អ្នកដទៃ ព្រោះវាអាចធ្វើឲ្យគាត់ខូចខាត។ ចំពោះមតិអវិជ្ជមាន Mew អនុញ្ញាតឲ្យយវាកន្លងផុតទៅ ចំណុចមួយចំនួនដែលគាត់បានបញ្ចេញមតិ យើងយកវាជាការរិះគន់ដើម្បីកែលម្អខ្លួនយើង។ តើមួយណាដែលមិនជួយយើង? អនុញ្ញាតឲ្យវាកន្លងផុតទៅ ។ ត្បិតថាដំបូងវាតានតឹង ប៉ុន្តែពេលយើងយល់ថាវាជាកំហុសរបស់យើង។ យើងត្រូវទទួលស្គាល់កំហុសខ្លួនឯង ហើយត្រូវតែទទួលយកអ្វីគ្រប់យ៉ាង និងយល់ពីអ្វីដែលបានកើតឡើងកន្លងមក៕